1 Juan 3:11 - Triqui de San Juan Copala

¹¹ ꞌO̱ se nana̱ nihánj me nana̱ cuno soj asi̱j guun cheꞌe̱ soj canocoꞌ soj man Yaꞌanj, ne̱ nana̱ nihánj taj se vaa no̱ xcúún níꞌ cunu̱u ꞌe̱e̱ rá níꞌ man tuviꞌ níꞌ chugua̱nj.

1 Juan 3:11 Iomraidhean Croise

San Juan 13:4

Dan me se ga̱a quisíj chá xtiꞌno̱ nij soꞌ, ne̱ quirii Jesús roto̱ nu̱u̱ soꞌ, ne̱ taꞌaa soꞌ yatzíj toallá, ne̱ numíj soꞌ catuu̱n soꞌ a.

San Juan 15:12

Nihánj me suun sa̱ꞌ ya̱ aꞌnej rihaan soj cuno̱ soj á. Nda̱ꞌ rá se vaa ꞌe̱e̱ raj niꞌya̱j ꞌu̱nj man soj roꞌ, da̱nj ga̱a̱ ꞌe̱e̱ rá soj ni̱ꞌyaj soj tuviꞌ soj na̱nj á.

Gálatas 6:2

Dan me se caꞌve̱e se me maꞌa̱n sayuun ranꞌ tinúú soj, tza̱j ne̱ ra̱cuíj soj man soꞌ á. Sese da̱nj quiꞌya̱j soj, ne̱ síí ꞌyaj nda̱a vaa taj stucua̱nj Cristó me soj ga̱a na̱nj chugua̱nj.

Efesios 5:2

ꞌO̱ ga̱a̱ ꞌe̱e̱ rá soj man tinúú soj á. Ina̱nj da̱nj quiꞌyaj Cristó, cunuu ꞌe̱e̱ rá soꞌ man níꞌ, ne̱ caꞌvej soꞌ cavi̱ꞌ soꞌ cheꞌé níꞌ, ne̱ ase vaa rasu̱u̱n rqué yuvii̱ rihaan Yaꞌanj roꞌ, taꞌngaꞌ da̱nj vaa Cristó cheꞌé níꞌ na̱nj chugua̱nj.

1 Tesalonicenses 4:9

Dan me se taj cheꞌé cachro̱n ꞌu̱nj nana̱ rihaan yanj cartá nihánj cata̱j xnaꞌanj ꞌu̱nj rihaan soj se vaa no̱ xcúún soj ga̱a̱ ꞌe̱e̱ rá soj man tinúú soj maꞌ. ꞌO̱ se maꞌa̱n Yaꞌanj me síí tucuꞌyón man soj se vaa quiꞌya̱j soj da̱nj ado̱nj.

1 Timoteo 1:5

ꞌO̱ se aꞌnéꞌ ꞌu̱nj suun yoꞌ rihaan so̱ꞌ cheꞌé se me rá ꞌu̱nj ga̱a̱ ꞌe̱e̱ rá níꞌ tuviꞌ níꞌ á. Sese naruvii nimán níꞌ, ne̱ sese taj cacunꞌ tumé níꞌ rá níꞌ, ne̱ sese amán ya̱ rá níꞌ niꞌya̱j níꞌ Yaꞌanj, ne̱ caꞌve̱e ga̱a̱ ꞌe̱e̱ rá níꞌ ni̱ꞌyaj níꞌ tuviꞌ níꞌ ado̱nj.

1 Pedro 1:22

Dan me se uno soj snana̱ Yaꞌanj nana̱ ya̱, ne̱ cheꞌé dan cunuu sa̱ꞌ nimán soj, ne̱ cheꞌé dan no̱ xcúún soj ga̱a̱ ꞌe̱e̱ rá soj man tuviꞌ soj ado̱nj. Se̱ cataj rmaꞌa̱n soj se vaa ꞌe̱e̱ rá soj man tuviꞌ soj maꞌ. Ya̱ ga̱a̱ ꞌe̱e̱ ndoꞌo rá soj man tuviꞌ soj á.

1 Pedro 3:8

Da̱j ꞌó nana̱ cata̱j xnaꞌanj ꞌu̱nj rihaan soj, ne̱ dan me se cuya̱a̱n ga̱a̱ rá nimán ta̱ranꞌ soj ga̱ tuviꞌ soj, ne̱ dan me se ase ꞌe̱e̱ rá soj tinúú aꞌngaa soj roꞌ, da̱nj ga̱a̱ ꞌe̱e̱ rá soj man tuviꞌ soj ꞌó nij síí noco̱ꞌ man Cristó á. Ra̱cuíj soj man nij síí ranꞌ sayuun, ne̱ ga̱a̱ nica̱ꞌ nimán soj á.

1 Pedro 4:8

Ne̱ suun sa̱ꞌ noco̱o doj quiꞌya̱j soj me nihánj, ne̱ ga̱a̱ ꞌe̱e̱ uxrá rá soj man tuviꞌ soj nij síí noco̱ꞌ man Cristó, ne̱ sese ꞌe̱e̱ rá níꞌ tuviꞌ níꞌ, ga̱a ne̱ caꞌne̱e̱ noco̱o ndoꞌo níꞌ cacunꞌ xráá tuviꞌ níꞌ na̱nj ado̱nj.

1 Juan 1:5

Ne̱ nihánj roꞌ, me nana̱ cataj xnaꞌanj Jesucristó cuno núj, ne̱ nataꞌ núj nana̱ nihánj rihaan soj, ne̱ dan me se ase vaa ꞌo̱ yaꞌan chuguu̱n vaa Yaꞌanj, ne̱ rej va̱j Yaꞌanj me se nuviꞌ rej rmi̱ꞌ rej va̱j soꞌ maꞌ.

1 Juan 4:11

Tinu̱j, nocoj, cheꞌé se ꞌe̱e̱ rá Yaꞌanj man níꞌ da̱nj roꞌ, cheꞌé dan no̱ xcúún níꞌ ga̱a̱ ꞌe̱e̱ rá níꞌ man tuviꞌ níꞌ ado̱nj.

1 Juan 4:21

Ne̱ nihánj me suun caꞌneꞌ Cristó rihaan níꞌ cuno̱ níꞌ, se vaa síí aráj cochro̱j rihaan Yaꞌanj roꞌ, no̱ xcúún soꞌ ga̱a̱ ꞌe̱e̱ rá soꞌ man tuviꞌ soꞌ uún ado̱nj, taj Cristó a.

1 Juan 4:7

Tinu̱j, nocoj, no̱ xcúún níꞌ ga̱a̱ ꞌe̱e̱ rá níꞌ man tuviꞌ níꞌ ado̱nj. ꞌO̱ se Yaꞌanj me síí rqué rej nucua̱j rihaan níꞌ ga̱a̱ ꞌe̱e̱ rá níꞌ man tuviꞌ níꞌ a. Cheꞌé dan nu̱ꞌ síí ꞌe̱e̱ rá man tuviꞌ me se síí caꞌngaa naca̱ nimán quiꞌyaj Yaꞌanj me nij soꞌ ado̱nj. Ne̱ neꞌen nij soꞌ man Yaꞌanj ado̱nj.

2 Juan 1:5

Ne̱ nihánj me se achíín ni̱ꞌyáá ꞌu̱nj rihaan soj se vaa quiꞌya̱j nij soj nda̱a vaa caꞌneꞌ Yaꞌanj suun rihaan níꞌ a. Ne̱ né su̱u̱n naca̱ me suun nihánj maꞌ. Tana̱nj suun caꞌneꞌ Yaꞌanj rihaan níꞌ asi̱j guun cheꞌe̱ níꞌ canocoꞌ níꞌ man soꞌ me se vaa ga̱a̱ ꞌe̱e̱ rá níꞌ man tuviꞌ níꞌ a.