1 Juan 3:1 - Triqui de San Juan Copala

¹ Dan me se xca̱j soj cuentá se vaa cunuu ꞌe̱e̱ uxrá rá Rej níꞌ Yaꞌanj niꞌya̱j soꞌ man níꞌ, ne̱ nda̱a taꞌníí Yaꞌanj guun níꞌ, quiꞌyaj Yaꞌanj chugua̱nj. Cheꞌé dan ne neꞌen nij síí ma̱n rihaan chumii̱ nihánj da̱j si̱j me níꞌ maan chugua̱nj. ꞌO̱ se ne neꞌen nij soꞌ man maꞌa̱n Yaꞌanj uún a̱ maan ado̱nj.

1 Juan 3:1 Iomraidhean Croise

San Lucas 20:36

ꞌO̱ se da̱nj na̱nj uún, ne̱ taj yan va̱j síí cavi̱ꞌ uún rej yoꞌ maꞌ. ꞌO̱ se ase vaa nij se‑mo̱zó Yaꞌanj roꞌ, da̱nj ga̱a̱ nij soꞌ, ese taꞌni̱j Yaꞌanj me nij soꞌ, ne̱ si̱j a̱j caviꞌ ne̱ cunuu iꞌna̱ꞌ uún me nij soꞌ ado̱nj.

San Juan 1:12

Tza̱j ne̱ ta̱ranꞌ nij síí aꞌmii sa̱ꞌ ga̱ soꞌ roꞌ, rqué soꞌ se vaa caꞌve̱e gu̱un nij soꞌ taꞌníí maꞌa̱n ya̱ Yaꞌanj a. ꞌO̱ se síí amán rá niꞌya̱j man se‑chuvi̱i soꞌ me nij soꞌ ado̱nj.

San Juan 11:52

Ne̱ né ina̱nj cheꞌé nij yuvii̱ israelitá me cavi̱ꞌ Jesús maꞌ. ꞌO̱ se cavi̱ꞌ soꞌ cheꞌé rej naquiꞌya̱j chre̱ꞌ soꞌ man cunuda̱nj nij taꞌníí Yaꞌanj nij síí ma̱n nu̱ꞌ rihaan chumii̱ nihánj, ga̱a ne̱ gu̱un nij soꞌ o̱rúnꞌ xꞌneꞌ yuvii̱ ado̱nj.

San Juan 15:21

Dan me se quiꞌya̱j nij soꞌ nu̱ꞌ se nij yoꞌ man soj cheꞌé se‑chu̱vií ꞌu̱nj, cheꞌé se ne neꞌen nij soꞌ man síí caꞌnéé manj chugua̱nj.

San Juan 16:3

Da̱nj quiꞌya̱j nii, cheꞌé se ne neꞌen uxrá nii man Réj Yaꞌanj do̱ꞌ, man ma̱ꞌanj do̱ꞌ maꞌ.

San Juan 17:25

’Ata̱j Chij, sa̱ꞌ ina̱nj ꞌyáá so̱ꞌ ado̱nj. Tza̱j ne̱ ne neꞌen nij síí noco̱ꞌ se‑chre̱j chumii̱ nihánj mán so̱ꞌ maꞌ. Tza̱j ne̱ ꞌu̱nj me se queneꞌenj mán so̱ꞌ, ne̱ queneꞌen nij síí nihánj se vaa caꞌnéé so̱ꞌ manj rihaan chumii̱ nihánj a.

San Juan 3:16

Dan me se ꞌe̱e̱ uxrá rá Yaꞌanj niꞌya̱j Yaꞌanj man níꞌ si̱j ma̱n rihaan chumii̱ nihánj, ne̱ nda̱ꞌ se o̱rúnꞌ Taꞌníí Yaꞌanj, tza̱j ne̱ rqué u̱u̱n Yaꞌanj Taꞌníí soꞌ yoꞌ, caꞌna̱ꞌ Taꞌníí soꞌ rihaan chumii̱ nihánj, ne̱ cataj Yaꞌanj se vaa nij yuvii̱ amán rá niꞌya̱j man Taꞌníí soꞌ roꞌ, se̱ caviꞌ nij soꞌ daj chiha̱a̱ míj maꞌ. Tana̱nj ca̱yáán nij soꞌ ga̱ Yaꞌanj nu̱ꞌ cavii nu̱ꞌ caꞌanj na̱nj ado̱nj.

Romanos 5:8

Xa̱ꞌ Yaꞌanj, tza̱j ne̱ nda̱ꞌ se tumé níꞌ cacunꞌ, tza̱j ne̱ caviꞌ Cristó cheꞌé níꞌ, ne̱ nayón soꞌ rihaan níꞌ, quiꞌyaj Yaꞌanj, ne̱ veé dan me se tihaa̱n Yaꞌanj rihaan níꞌ se vaa ꞌe̱e̱ ndoꞌo rá Yaꞌanj man níꞌ ado̱nj.

Romanos 8:19

Naꞌvi̱j uxrá cunuda̱nj nij rasu̱u̱n quiꞌyaj Yaꞌanj rihaan chumii̱ ga̱ xta̱ꞌ quisi̱j güii ti̱haa̱n Yaꞌanj da̱j ga̱a̱ nij taꞌníí soꞌ a.

Romanos 8:21

se vaa vaa güii cunu̱u sa̱ꞌ cunuda̱nj nij rasu̱u̱n yoꞌ rihaan chumii̱ ga̱ xta̱ꞌ, ne̱ asa̱ꞌ quisíj güii yoꞌ, ne̱ taj rasu̱u̱n quiri̱ꞌ ne̱ taj rasu̱u̱n cuchru̱u̱ maꞌ. ꞌO̱ se veꞌé ndoꞌo ga̱a̱ nu̱ꞌ nij rasu̱u̱n yoꞌ na̱nj ado̱nj. Dan me se ase vaa maꞌa̱n nij taꞌníí Yaꞌanj roꞌ, da̱nj ga̱a̱ uún nij rasu̱u̱n uún, ne̱ niꞌndaj ya̱ veꞌé ga̱a̱ nij yoꞌ ado̱nj.

Romanos 8:32

ꞌO̱ se ne cuchuꞌvi̱ꞌ Yaꞌanj rque̱ Yaꞌanj maꞌa̱n Taꞌníí Yaꞌanj cavi̱ꞌ cheꞌé níꞌ, ne̱ cheꞌé dan guun ya̱ rá níꞌ se vaa rque̱ Yaꞌanj nu̱ꞌ se sa̱ꞌ rihaan níꞌ, ne̱ cavi̱i̱ sa̱ꞌ níꞌ ado̱nj.

2 Corintios 6:18

Ne̱ gu̱un Re̱j soj manj, ne̱ gu̱un soj taꞌníj, taj ꞌu̱nj Si̱j ꞌNi̱j Raꞌa man soj Síí Uun Nucua̱j ꞌYaj Cunuda̱nj a. Da̱nj taj uún Yaꞌanj rihaan níꞌ a.

Gálatas 3:26

Cheꞌé se amán rá nij soj niꞌya̱j soj man Cristó Jesús roꞌ, cheꞌé dan taꞌníí Yaꞌanj me ta̱ranꞌ soj cuano̱ na̱nj ado̱nj.

Gálatas 3:29

Cheꞌé se si̱j noco̱ꞌ man Cristó me soj roꞌ, cheꞌé dan maꞌa̱n ya̱ taꞌníí taꞌnij siꞌno̱ síí cuꞌna̱j Abraham me soj rihaan Yaꞌanj, nda̱a vaa cataj Yaꞌanj rihaan Abraham se vaa quiꞌya̱j soꞌ se lu̱j rihaan ta̱ranꞌ nij taꞌníí taꞌnij siꞌno̱ Abraham ado̱nj.

Colosenses 3:3

Dan me se a̱j caviꞌ soj rihaan chumii̱ nihánj vaa, ne̱ cuano̱ nihánj me se nu̱u̱ sa̱ꞌ nimán soj rej xta̱ꞌ rej ya̱nj Yaꞌanj, ꞌyaj Cristó a.

1 Juan 3:10

Ne̱ nihánj me xca̱j níꞌ cuentá ni̱ꞌyaj níꞌ, ga̱a ne̱ cunu̱u ya̱a̱n níꞌ taꞌníí Yaꞌanj do̱ꞌ, taꞌníí Síí Chre̱e do̱ꞌ ado̱nj. Dan me se nij síí ne ꞌyaj se sa̱ꞌ roꞌ, né si̱j noco̱ꞌ man Yaꞌanj me nij soꞌ maꞌ. Dan me se né si̱j ꞌe̱e̱ rá man tinúú me nij soꞌ a̱ maan ado̱nj.

1 Juan 3:2

Tinu̱j, nocoj, cuano̱ nihánj me se taꞌni̱j Yaꞌanj me níꞌ, ne̱ ataa xca̱j níꞌ cuentá da̱j si̱j ga̱a̱ níꞌ quiꞌya̱j Yaꞌanj vaa güii ado̱nj. Ma̱an se neꞌen níꞌ se vaa asa̱ꞌ caꞌnaꞌ Cristó, ne̱ ase vaa soꞌ roꞌ, da̱nj ga̱a̱ maꞌa̱n níꞌ uún ado̱nj. ꞌO̱ se queneꞌe̱n níꞌ man soꞌ, ne̱ xca̱j ya̱ níꞌ cuentá da̱j vaa xa̱ꞌ soꞌ na̱nj ado̱nj.

1 Juan 4:17

Ne̱ cheꞌé dan sese ꞌe̱e̱ rá níꞌ man tuviꞌ níꞌ, ne̱ asa̱ꞌ quisíj güii caꞌne̱ꞌ Yaꞌanj cacunꞌ cheꞌé yuvii̱, ne̱ gu̱un ya̱ rá níꞌ se vaa cavi̱i̱ sa̱ꞌ níꞌ ado̱nj. ꞌO̱ se queneꞌe̱n níꞌ se vaa ase vaa quiꞌyaj Cristó ga̱a va̱j soꞌ rihaan chumii̱ nihánj roꞌ, da̱nj ꞌyaj maꞌa̱n níꞌ uún ado̱nj.

Apocalipsis 21:7

Ne̱ síí ꞌyaj canaán roꞌ, gu̱un soꞌ síí ni̱caj cunuda̱nj rasu̱u̱n siꞌyáá ꞌu̱nj, ne̱ ꞌu̱nj roꞌ, gu̱un Taꞌanj nij soꞌ, ne̱ nij soꞌ roꞌ, gu̱un taꞌníj ado̱nj.