1 Juan 2:14 - Triqui de San Juan Copala

¹⁴ Achrón ꞌu̱nj nu̱ꞌ nana̱ nihánj naya̱a̱ soj si̱j vaa taꞌníí, cheꞌé se a̱j neꞌen soj man síí cayáán ga̱ Yaꞌanj asi̱j tacóó chumii̱ ado̱nj. Achrón ꞌu̱nj nu̱ꞌ nana̱ nihánj naya̱a̱ soj si̱j tachru̱u̱, cheꞌé se nucua̱j ndoꞌo nimán soj rihaan sayuun, ne̱ ꞌo̱ uno soj snana̱ Yaꞌanj, ne̱ a̱j quiꞌyaj canaán soj rihaan Síí Chre̱e na̱nj ado̱nj.

1 Juan 2:14 Iomraidhean Croise

San Juan 15:7

’Tza̱j ne̱ sese ꞌo̱ cu̱nuû rá nimán soj manj, ne̱ sese ꞌo̱ cu̱nuû snana̱j nimán soj, ne̱ caꞌve̱e se me maꞌa̱n rasu̱u̱n gu̱un rá soj cachi̱nj soj rihanj, ne̱ rque̱j man soj chugua̱nj.

San Juan 5:38

Ne̱ taj snana̱ soꞌ nayón nimán soj a̱ maꞌ. Da̱nj vaa soj, cheꞌé se ne cuchuma̱n rá soj ni̱ꞌyaj soj manj si̱j caꞌnéé soꞌ rihaan chumii̱ nihánj na̱nj ado̱nj.

San Juan 8:31

Cheꞌé dan cataj Jesús rihaan nij síí israelitá cuchumán rá niꞌya̱j man soꞌ a: ―Sese ꞌo̱ canoco̱ꞌ soj snana̱j, ne̱ si̱j ya̱ ya̱ tucuꞌyón snana̱j me soj,

San Juan 8:37

’A̱j neꞌenj se vaa taꞌníí taꞌnij siꞌno̱ síí cuꞌna̱j Abraham me soj á. Tza̱j ne̱ nanoꞌ uxrá soj da̱j quiꞌya̱j soj ne̱ cavi̱ꞌ ꞌu̱nj, cheꞌé se naꞌvej rá soj nari̱ꞌ soj canoco̱ꞌ soj snana̱j maꞌ.

Efesios 6:10

Da̱j ꞌó nana̱ cata̱j xnaꞌanj ꞌu̱nj rihaan soj a. ꞌO̱ ga̱a̱ chre̱ꞌ soj ga̱ Yaꞌanj Si̱j ꞌNi̱j Raꞌa man níꞌ á. Caꞌve̱j soj caꞌne̱j Síí ꞌNi̱j Raꞌa man níꞌ se nucua̱j nimán soj, ne̱ da̱j se vaa se nucua̱j nica̱j maꞌa̱n soꞌ roꞌ, da̱nj ga̱a̱ se nucua̱j ni̱caj maꞌa̱n soj, quiꞌya̱j soꞌ chugua̱nj.

Filipenses 4:13

Cheꞌé se rqué ndoꞌo Cristó se nucua̱j manj roꞌ, cheꞌé dan uun nu̱cuáj rihaan me maꞌa̱n rasu̱u̱n ado̱nj.

Colosenses 1:11

Yaꞌanj me síí nucua̱j uxrá, ne̱ achíín niꞌya̱j núj se vaa caꞌne̱j ndoꞌo Yaꞌanj se nucua̱j nimán soj, ga̱a ne̱ caꞌve̱e ga̱a̱ sca̱ꞌ rá soj rihaan sayuun quiꞌya̱j yuvii̱ man soj, ne̱ ga̱a̱ ina̱j nimán soj, ne̱ ga̱a̱ niha̱ꞌ nimán soj,

Colosenses 3:16

Cu̱nuû uxrá snana̱ Cristó nimán soj, ne̱ cavi̱i̱ nana̱ sa̱ꞌ cu̱u raa̱ soj, ne̱ tu̱cuꞌyón soj nana̱ sa̱ꞌ rihaan tuviꞌ soj, ne̱ nago̱ꞌ soj chrej sa̱ꞌ man tuviꞌ soj á. Cachra̱a̱ soj chraꞌ salmó do̱ꞌ, chraꞌ nataꞌ cheꞌé Yaꞌanj do̱ꞌ, chraꞌ rqué Nimán Yaꞌanj do̱ꞌ, ne̱ cata̱j soj guun niꞌya̱j níꞌ rihaan Yaꞌanj na̱nj á.

2 Timoteo 2:1

Ase vaa ꞌo̱ taꞌníj, da̱nj vaa so̱ꞌ rihanj, tinu̱j. Ne̱ me rá ꞌu̱nj caꞌve̱j rá so̱ꞌ nari̱ꞌ nucuaj nimán so̱ꞌ, quiꞌya̱j Cristó Jesús síí ꞌyaj ndoꞌo se lu̱j cheꞌé níꞌ a.

Hebreos 8:10

Dan me se ino̱ doj ga̱a̱ nana̱ naca̱ nana̱ tu̱cuꞌyonj rihaan nij taꞌníí taꞌnij siꞌno̱ síí cuꞌna̱j Israel asa̱ꞌ quisíj güii yoꞌ ado̱nj, taj Síí ꞌNi̱j Raꞌa man níꞌ a. ꞌO̱ se caꞌne̱j ꞌu̱nj snana̱j nimán nij soꞌ, ne̱ queneꞌe̱n maꞌa̱n nij soꞌ da̱j me rá ꞌu̱nj quiꞌya̱j nij soꞌ ado̱nj. Ne̱ guún ꞌu̱nj Taꞌanj nij soꞌ, ne̱ gu̱un nij soꞌ se‑chuma̱nꞌ ꞌu̱nj ado̱nj.

1 Juan 1:1

Dan me se núj me se cata̱j xnaꞌanj núj rihaan nij soj cheꞌé ꞌo̱ síí cayáán ga̱a naá asi̱j guun cheꞌe̱ Yaꞌanj quiꞌyaj Yaꞌanj chumii̱, ne̱ ina̱nj se vaa cuno maꞌa̱n núj do̱ꞌ, se vaa queneꞌen rihaan maꞌa̱n núj do̱ꞌ, se vaa cutaꞌ núj raꞌa núj xráá do̱ꞌ, cheꞌé ina̱nj rasu̱u̱n vaa da̱nj cata̱j xnaꞌanj núj rihaan soj a. Dan me se cata̱j xnaꞌanj núj cheꞌé síí me Snana̱ Yaꞌanj, ne̱ soꞌ me síí quiꞌya̱j ca̱yáán níꞌ ga̱ Yaꞌanj nu̱ꞌ cavii nu̱ꞌ caꞌanj ado̱nj.

1 Juan 1:10

Dan me se sese cata̱j níꞌ se vaa a̱ doj ne quiꞌya̱j níꞌ cacunꞌ, ne̱ ꞌyaj níꞌ síí ne̱ man nda̱a maꞌa̱n Yaꞌanj vaa ga̱a na̱nj chugua̱nj. Ne̱ sese caꞌmi̱i̱ níꞌ da̱nj, ne̱ né si̱j uno snana̱ Yaꞌanj me níꞌ ga̱a maꞌ.

1 Juan 2:13

Achrón ꞌu̱nj nu̱ꞌ nana̱ nihánj naya̱a̱ soj si̱j vaa taꞌníí, cheꞌé se a̱j neꞌen soj man síí cayáán ga̱ Yaꞌanj asi̱j tacóó chumii̱ a. Achrón ꞌu̱nj nu̱ꞌ nana̱ nihánj naya̱a̱ soj si̱j tachru̱u̱, cheꞌé se a̱j quiꞌyaj canaán soj rihaan Síí Chre̱e ado̱nj. Achrón ꞌu̱nj nu̱ꞌ nana̱ nihánj naya̱a̱ soj xni̱i, cheꞌé se a̱j neꞌen soj man Rej níꞌ Yaꞌanj ado̱nj.

2 Juan 1:2

ꞌE̱e̱ rá núj man soj cheꞌé se nu̱u̱ nana̱ ya̱ nimán níꞌ, ne̱ ꞌo̱ cu̱nuû nana̱ ya̱ yoꞌ nimán níꞌ nu̱ꞌ cavii nu̱ꞌ caꞌanj chugua̱nj.

3 Juan 1:3

ꞌO̱ se guun niha̱ꞌ uxrá rá ꞌu̱nj, cheꞌé se caꞌnaꞌ do̱j tinúú níꞌ rihanj nihánj, ne̱ nataꞌ nij soꞌ rihanj se vaa ꞌo̱ nocóꞌ so̱ꞌ tucuáán ya̱ ado̱nj.

Apocalipsis 2:3

Ne̱ nucua̱j ndoꞌo vaa nimán soj rihaan sayuun quiranꞌ soj cheꞌé se si̱j noco̱ꞌ manj me soj, ne̱ ne caꞌne̱ꞌ a̱ doj rá soj a̱ maꞌ.

Apocalipsis 2:7

Dan me se sese ta̱j yuꞌuj xréé soj, ne̱ no̱ xcúún soj cuno̱ soj nana̱ nihánj nana̱ taj xnaꞌanj Nimán Yaꞌanj rihaan nij xꞌneꞌ nij síí noco̱ꞌ manj ya̱nj ꞌo̱ ꞌo̱ chumanꞌ a. Dan me se rihaan síí ꞌyaj canaán rihaan nu̱ꞌ sayuun me se rque̱ ꞌu̱nj chruj ma̱n raa̱ chruun quiꞌya̱j ga̱a̱ iꞌna̱ꞌ yuvii̱ nu̱ꞌ cavii nu̱ꞌ caꞌanj ga̱ Yaꞌanj cha̱ soꞌ, ne̱ chruun yoꞌ roꞌ, nicunꞌ tanu̱u̱ rej sa̱ꞌ ndoꞌo rej rihaan maꞌa̱n Yaꞌanj ado̱nj.” Veé da̱nj síj nana̱ cachro̱n so̱ꞌ caꞌne̱j so̱ꞌ rihaan síí caꞌnéé Yaꞌanj ni̱caj yuꞌunj man xꞌneꞌ nij síí noco̱ꞌ manj ya̱nj chumanꞌ Éfeso a ―taj soꞌ rihanj a.