1 Juan 1:9 - Triqui de San Juan Copala

⁹ Tza̱j ne̱ sese nata̱ꞌ ya̱ níꞌ rihaan Yaꞌanj cheꞌé cacunꞌ tumé níꞌ, ne̱ nica̱ quiꞌya̱j Yaꞌanj cheꞌé níꞌ, ne̱ dan me se cata̱j soꞌ se vaa navij cacunꞌ tumé níꞌ, ne̱ tinavi̱j soꞌ nu̱ꞌ se chiꞌi̱i̱ ma̱n nimán níꞌ ado̱nj.

1 Juan 1:9 Iomraidhean Croise

San Mateo 3:6

Dan me se nataꞌ ya̱ nij yuvii̱ cheꞌé nu̱ꞌ cacunꞌ tumé nij yuvii̱, ga̱a ne̱ cataꞌ ne nij yuvii̱ rá chráá Jordán, quiꞌyaj Juan ado̱nj.

San Marcos 1:5

Ne̱ dan me se curiha̱nj uxrá ya̱ nij yuvii̱ ma̱n estadó Judea do̱ꞌ, ma̱n maꞌa̱n chumanꞌ Jerusalén do̱ꞌ, caꞌnaꞌ nij yuvii̱ rihaan Juan, ne̱ nataꞌ ya̱ nij yuvii̱ cheꞌé cacunꞌ tumé nij yuvii̱, ga̱a ne̱ cataꞌ ne nij yuvii̱ rá chráá cuꞌna̱j Jordán, quiꞌyaj Juan ado̱nj.

San Lucas 22:57

Ga̱a ne̱ cataj Pedró rihaan chana̱ yoꞌ a: ―Ne neꞌén ꞌu̱nj man soꞌ, maan nocoj ―taj soꞌ a.

San Juan 17:25

’Ata̱j Chij, sa̱ꞌ ina̱nj ꞌyáá so̱ꞌ ado̱nj. Tza̱j ne̱ ne neꞌen nij síí noco̱ꞌ se‑chre̱j chumii̱ nihánj mán so̱ꞌ maꞌ. Tza̱j ne̱ ꞌu̱nj me se queneꞌenj mán so̱ꞌ, ne̱ queneꞌen nij síí nihánj se vaa caꞌnéé so̱ꞌ manj rihaan chumii̱ nihánj a.

Hechos 19:18

Ne̱ queꞌe̱e̱ nij síí cuchumán rá niꞌya̱j man Jesucristó me se naxraꞌ tuꞌva nij soꞌ, ne̱ nataꞌ ya̱ nij soꞌ cheꞌé cacunꞌ quiꞌyaj nij soꞌ a.

Romanos 3:26

Ma̱an se caráj xꞌnaa Yaꞌanj, ne̱ naꞌvi̱j Yaꞌanj nda̱a se caviꞌ Jesús, ga̱a ne̱ navij cacunꞌ tumé nij síí cayáán ga̱a naá síí amán rá niꞌya̱j man Yaꞌanj a. Ne̱ xcaj uún níꞌ cuentá se vaa vaa nica̱ rá Yaꞌanj ga̱a aꞌneꞌ soꞌ cacunꞌ tumé yuvii̱ ya̱nj rihaan chumii̱ cuano̱ a. Dan me se nica̱ vaa rá Yaꞌanj, ne̱ uun nucua̱j Yaꞌanj tinavi̱j soꞌ cacunꞌ tumé cunuda̱nj níꞌ si̱j amán rá niꞌya̱j man Jesús, ga̱a ne̱ gu̱un níꞌ síí sa̱ꞌ rihaan Yaꞌanj ado̱nj.

1 Corintios 1:9

Vaa cheꞌé ga̱a̱ nucua̱j rá níꞌ man Yaꞌanj, ne̱ Yaꞌanj me síí canacúún man soj gu̱un tuvi̱ꞌ soj ga̱ Taꞌníí soꞌ Jesucristó Si̱j ꞌNi̱j Raꞌa man níꞌ ado̱nj.

1 Corintios 6:11

Dan me se da̱nj ina̱nj quiꞌyaj taꞌa̱j soj ga̱a rque̱, tza̱j ne̱ ya̱j me se xꞌnéj cacunꞌ ta̱j xráá soj, ne̱ cunuu sa̱ꞌ nimán soj, ne̱ cunuu nica̱ nimán soj rihaan Yaꞌanj, cheꞌé se‑chuvi̱i Jesús Si̱j ꞌNi̱j Raꞌa man níꞌ do̱ꞌ, cheꞌé Nimán Yaꞌanj si̱j noco̱ꞌ níꞌ man do̱ꞌ, cuano̱ ado̱nj.

Efesios 5:26

cheꞌé se me rá soꞌ naquiꞌya̱j sa̱ꞌ soꞌ nimán ta̱ranꞌ níꞌ si̱j noco̱ꞌ man soꞌ ado̱nj. Da̱j se vaa naruvii man níꞌ ꞌyaj na roꞌ, da̱nj naꞌnuꞌ snana̱ Yaꞌanj nimán níꞌ ne̱ xꞌnéj cacunꞌ ta̱j xráá níꞌ a.

1 Timoteo 1:15

Dan me se ya̱ uxrá vaa nana̱ nihánj, ne̱ ta̱ranꞌ níꞌ no̱ xcúún cuno̱ nana̱ nihánj se vaa me rá Cristó Jesús ti̱nanii soꞌ man nij síí tumé cacunꞌ rihaan chrej chiꞌi̱i̱ do̱ꞌ, rihaan sayuun do̱ꞌ na̱nj ado̱nj. Cheꞌé dan caꞌnaꞌ soꞌ rihaan chumii̱ nihánj ado̱nj. Dan me se noco̱o doj cacunꞌ quiꞌyáá ꞌu̱nj rihaan cacunꞌ quiꞌyaj ta̱ranꞌ ꞌó nij yuvii̱ a.

Tito 2:14

Ne̱ soꞌ me síí caꞌnéé nimán cavi̱ꞌ cheꞌé níꞌ, cheꞌé rej caꞌve̱e caꞌne̱ꞌ rá níꞌ ga̱ me maꞌa̱n tucuáán chiꞌi̱i̱ canocoꞌ níꞌ ga̱a rque̱, ne̱ caꞌve̱e cunu̱u sa̱ꞌ níꞌ, ne̱ gu̱un níꞌ yuvii̱ noco̱ꞌ man o̱rúnꞌ soꞌ, ne̱ gu̱un niha̱ꞌ ndoꞌo rá níꞌ quiꞌya̱j níꞌ suun sa̱ꞌ ado̱nj.

Hebreos 10:23

Ne̱ ꞌo̱ cuchuma̱n rá níꞌ se vaa ya̱ cavi̱i̱ sa̱ꞌ níꞌ, ne̱ se̱ guun vi̱j rá níꞌ daj chiha̱a̱ míj maꞌ. ꞌO̱ se vaa cheꞌé ga̱a̱ nucua̱j rá níꞌ man síí cataꞌ tuꞌva se vaa sa̱ꞌ quiꞌya̱j soꞌ cheꞌé níꞌ na̱nj á.

Hebreos 11:11

Dan me se cheꞌé se amán rá Abraham niꞌya̱j soꞌ Yaꞌanj roꞌ, cheꞌé dan nda̱ꞌ se chana̱ itu̱un me nica̱ soꞌ chana̱ cuꞌna̱j Sará, ne̱ nda̱ꞌ se chii nga̱ me maꞌa̱n soꞌ, tza̱j ne̱ guun nucua̱j rá soꞌ man Yaꞌanj se vaa caꞌnga̱a̱ taꞌníí soꞌ a. ꞌO̱ se amán rá soꞌ se vaa Yaꞌanj me síí quiꞌya̱j nu̱ꞌ se vaa cataꞌ tuꞌva maꞌa̱n Yaꞌanj rihaan soꞌ ado̱nj.

Hebreos 6:10

ꞌO̱ se né si̱j chiꞌi̱i̱ me Yaꞌanj maꞌ. Si̱j vaa nica̱ rá me Yaꞌanj, ne̱ ꞌo̱ cu̱nuû rá Yaꞌanj ta̱ranꞌ nij suun sa̱ꞌ quiꞌyaj soj ga̱a canocoꞌ soj man soꞌ na̱nj á. Ne̱ ꞌo̱ cu̱nuû rá Yaꞌanj se vaa ꞌyaj soj cheꞌé se aráj cochro̱j soj rihaan soꞌ na̱nj chugua̱nj. Dan me se quiꞌyaj uxrá soj suun racuíj man nij síí noco̱ꞌ man Cristó ga̱a rque̱, ne̱ ꞌo̱ da̱nj ꞌyaj ya̱ soj na̱nj ado̱nj.

1 Juan 1:7

Tza̱j ne̱ sese chéé níꞌ rej chuguu̱n sa̱ꞌ rej va̱j maꞌa̱n Yaꞌanj, ne̱ veꞌé sa̱ꞌ mán ta̱ranꞌ níꞌ, ne̱ navi̱j nu̱ꞌ cacunꞌ tumé níꞌ, quiꞌya̱j ton cayanj man Jesús Taꞌníí Yaꞌanj ga̱a caviꞌ soꞌ cheꞌé níꞌ, ne̱ ꞌo̱ cunu̱u sa̱ꞌ nimán níꞌ ado̱nj.

Apocalipsis 15:3

Ne̱ achráá nij soꞌ chraꞌ quiꞌyaj síí cuꞌna̱j Moisés síí nu̱u̱ rihaan Yaꞌanj ga̱a naá, ne̱ se‑chra̱ꞌ Matzinj Leꞌe̱j me chraꞌ yoꞌ a. Ne̱ nihánj me nana̱ cachráá nij soꞌ a: Xi̱j ndoꞌo ne̱ yaꞌa̱nj ndoꞌo vaa nu̱ꞌ suun quiꞌyáá so̱ꞌ, Yaꞌanj Si̱j ꞌNi̱j Raꞌa man núj, Síí Uun Nucua̱j ꞌYaj Cunuda̱nj a. Tucuáán nica̱ ne̱ tucuáán ya̱ me nu̱ꞌ tucuáán cuchruj so̱ꞌ, ne̱ síí nica̱j suun rey uun chij rihaan cunuda̱nj yuvii̱ mé so̱ꞌ ado̱nj.