1 Juan 1:6 - Triqui de San Juan Copala

⁶ Cheꞌé dan sese cata̱j níꞌ se vaa si̱j chéé ga̱ Yaꞌanj me níꞌ, ne̱ sese chéé níꞌ rej rmi̱ꞌ, ga̱a ne̱ tuꞌva rmaꞌa̱n níꞌ vaa ga̱a na̱nj ado̱nj. Ne̱ ne nocoꞌ níꞌ nana̱ ya̱ yoꞌ ga̱a a̱ maꞌ.

1 Juan 1:6 Iomraidhean Croise

San Mateo 7:22

Ne̱ güii caꞌne̱ꞌ ꞌu̱nj cacunꞌ cheꞌé yuvii̱ me se cuma̱n ndoꞌo yuvii̱ cata̱j rihaan ꞌu̱nj a: “So̱ꞌ roꞌ, me Síí ꞌNi̱j Raꞌa man núj ado̱nj. ꞌO̱ se cataꞌ tuꞌva núj se‑chu̱vií so̱ꞌ ga̱a nataꞌ núj nana̱ rqué so̱ꞌ man núj rihaan yuvii̱ do̱ꞌ, ga̱a quirii núj nana̱ chre̱e nimán yuvii̱ do̱ꞌ, ga̱a quiꞌyaj ndoꞌo núj suun sa̱ꞌ noco̱o do̱ꞌ ado̱nj.” Da̱nj cata̱j nij yuvii̱ yoꞌ rihaan ꞌu̱nj vaa güii na̱nj ado̱nj.

San Juan 11:10

Tza̱j ne̱ sese cache̱e̱ ꞌo̱ soꞌ rej nii̱, ne̱ naxru̱ꞌ soꞌ, cheꞌé se taj va̱j yaꞌan chuguu̱n nimán soꞌ ado̱nj ―taj Jesús a.

San Juan 12:35

Cheꞌé dan cataj Jesús rihaan nij soꞌ a: ―Cuano̱ nihánj me se va̱j soj rej chuguu̱n sa̱ꞌ yaꞌan, tza̱j ne̱ da̱j doj quisi̱j orá quinaꞌa̱j yaꞌan yoꞌ, ne̱ se̱ guun nucua̱j soj xca̱j soj cuentá maꞌ. Cheꞌé dan vaa cheꞌé xca̱j soj cuentá nda̱a vaa ꞌyaj nij síí va̱j rej chuguu̱n yaꞌan na̱nj á. Sese taj, ne̱ gu̱un soj síí chéé rej rmi̱ꞌ, ne̱ xa̱ꞌ síí chéé rej rmi̱ꞌ, tza̱j ne̱ ne neꞌen soꞌ me rej va̱j soꞌ maꞌ.

San Juan 12:46

Xa̱ꞌ ma̱ꞌanj, tza̱j ne̱ chuguu̱n yaꞌan rihaan chumii̱ nihánj quiꞌyáj ga̱a caꞌnaj rihaan chumii̱ nihánj, cheꞌé rej se̱ quináj nij síí amán rá niꞌya̱j manj rej rmi̱ꞌ maan chugua̱nj.

San Juan 8:12

Ga̱a ne̱ cataj uún Jesús rihaan nij xrej ata̱ suun noco̱o do̱ꞌ, rihaan nij síí fariseo do̱ꞌ a: ―Ase vaa yaꞌan chuguu̱n vaa ꞌu̱nj rihaan soj si̱j ma̱n rihaan chumii̱ nihánj ado̱nj. Dan me se síí noco̱ꞌ manj roꞌ, se̱ cachéé soꞌ rej rmi̱ꞌ maꞌ. ꞌU̱nj roꞌ, me yaꞌan chuguu̱n cache̱e̱ ga̱ soꞌ, ne̱ xca̱j soꞌ cuentá me rej vaj soꞌ, qui̱ꞌyáj, ne̱ cheꞌé dan ga̱a̱ iꞌna̱ꞌ ya̱ nimán soꞌ nu̱ꞌ cavii nu̱ꞌ caꞌanj ado̱nj ―taj Jesús rihaan nij soꞌ a.

San Juan 8:55

tza̱j ne̱ ne neꞌen uxrá soj man soꞌ a̱ maꞌ. Tza̱j ne̱ ꞌu̱nj me síí neꞌen man soꞌ ado̱nj. Dan me se sese cata̱j ꞌu̱nj se vaa ne neꞌenj man soꞌ, ne̱ tuviꞌ soj síí ne̱ mej na̱nj á. Tza̱j ne̱ ya̱ ya̱ neꞌenj man soꞌ, ne̱ noco̱ꞌ ꞌu̱nj snana̱ soꞌ chugua̱nj.

1 Timoteo 4:2

Dan me se cuchuma̱n rá nij soꞌ nana̱ caꞌmi̱i̱ síí taj aꞌmii sa̱ꞌ tuꞌva rmaꞌa̱n na̱nj á. Ne̱ síí ne̱ ndoꞌo me nij soꞌ, ne̱ caviꞌ iꞌna̱ꞌ nimán nij soꞌ ne̱ ne naꞌa̱j nij soꞌ cheꞌé cacunꞌ ꞌyaj nij soꞌ a̱ maꞌ.

Santiago 2:14

Cuno̱ soj caꞌmi̱j, tinu̱j, nocoj. Sese taj ꞌo̱ soꞌ se vaa amán rá soꞌ niꞌya̱j soꞌ Yaꞌanj, tza̱j ne̱ ne ꞌyaj soꞌ a̱ doj se lu̱j rihaan tuviꞌ soꞌ, ne̱ caꞌve̱e nani̱i̱ soꞌ rihaan sayuun ne̱ cavi̱i̱ sa̱ꞌ soꞌ, rá soj naꞌ. Taj maꞌ.

Santiago 2:16

ne̱ sese cata̱j ꞌo̱ soj rihaan síí achiin rasu̱u̱n man a: “Caꞌa̱nj sa̱ꞌ so̱ꞌ, ne̱ dínj ga̱a̱ nimán so̱ꞌ á. Rque̱ Yaꞌanj yatzíj quita̱j xráá so̱ꞌ do̱ꞌ, rque̱ Yaꞌanj se chá cha̱ so̱ꞌ do̱ꞌ á”, cata̱j soꞌ rihaan síí achiin rasu̱u̱n man, tza̱j ne̱ se̱ quirii soꞌ se vaa achiin man tuviꞌ níꞌ, ne̱ taj se gúnꞌ snana̱ soꞌ ga̱a a̱ maꞌ.

Santiago 2:18

Tza̱j ne̱ taꞌa̱j nii cata̱j rihaan tuviꞌ se vaa so̱ꞌ me se síí amán rá niꞌya̱j man Yaꞌanj mé so̱ꞌ, ne̱ ꞌu̱nj nihánj me se síí ꞌyaj se sa̱ꞌ rihaan Yaꞌanj mé ꞌu̱nj, cata̱j nii chugua̱nj. Tza̱j ne̱ xca̱j so̱ꞌ cuentá, ne̱ asa̱ꞌ caꞌve̱e queneꞌe̱n yuvii̱ se vaa síí amán rá niꞌya̱j man Yaꞌanj mé so̱ꞌ, sese nuviꞌ a̱ ꞌó se sa̱ꞌ ꞌyáá so̱ꞌ ga̱. Tza̱j ne̱ ꞌu̱nj nihánj me se cheꞌé se sa̱ꞌ ꞌyáá ꞌu̱nj roꞌ, cheꞌé dan neꞌen yuvii̱ se vaa síí amán rá niꞌya̱j man Yaꞌanj mé ꞌu̱nj chugua̱nj.

1 Juan 1:10

Dan me se sese cata̱j níꞌ se vaa a̱ doj ne quiꞌya̱j níꞌ cacunꞌ, ne̱ ꞌyaj níꞌ síí ne̱ man nda̱a maꞌa̱n Yaꞌanj vaa ga̱a na̱nj chugua̱nj. Ne̱ sese caꞌmi̱i̱ níꞌ da̱nj, ne̱ né si̱j uno snana̱ Yaꞌanj me níꞌ ga̱a maꞌ.

1 Juan 1:3

Dan me se nataꞌ núj rihaan maꞌa̱n nij soj cheꞌé se vaa queneꞌen núj do̱ꞌ, cheꞌé se vaa cuno núj do̱ꞌ, cheꞌé rej caꞌve̱e cunu̱u rcuaꞌa̱a̱n soj ga̱ núj, ne̱ dan me se cunu̱u rcuaꞌa̱a̱n níꞌ ga̱ Rej níꞌ Yaꞌanj ga̱ Taꞌníí soꞌ Jesucristó a.

1 Juan 1:8

Dan me se sese cata̱j níꞌ se vaa a̱ doj cacunꞌ ne tumé níꞌ, ne̱ dan me se tihaꞌ yuꞌunj níꞌ man maꞌa̱n níꞌ na̱nj ado̱nj. Ne̱ né si̱j aꞌmii nana̱ ya̱ me níꞌ a̱ maꞌ.

1 Juan 2:4

Tza̱j ne̱ sese taj ꞌo̱ soꞌ se vaa si̱j noco̱ꞌ man Cristó me soꞌ ne̱ ne uno soꞌ suun caꞌneꞌ Cristó rihaan níꞌ, ne̱ síí ne̱ me soꞌ, ne̱ né si̱j aꞌmii nana̱ ya̱ me soꞌ maꞌ.

1 Juan 4:20

Ne̱ sese cata̱j ꞌo̱ soꞌ se vaa aráj cochro̱j soꞌ rihaan Yaꞌanj, ne̱ sese nachriꞌ soꞌ niꞌya̱j soꞌ tinúú soꞌ, ne̱ síí ne̱ me soꞌ ado̱nj. ꞌO̱ se sese ruviꞌ ya̱ tinúú soꞌ niꞌya̱j soꞌ tza̱j ne̱ ne ꞌe̱e̱ rá soꞌ man tinúú soꞌ, ne̱ asa̱ꞌ caꞌve̱e cara̱a̱ cochro̱j soꞌ rihaan Yaꞌanj, sese ne ruviꞌ Yaꞌanj niꞌya̱j soꞌ ga̱.