Tito 3:3 - Testamenta Áre 1983 (Toaripi PNG)

³ Ipi ereita ta evera soa voa maeakakare lei, kaeava a’, aeata karu sa ereitaro apeva vuteaiape; ereita haikaeaita mai maealolo aea hailareva leita etau hariaharia voa malasa lei, hasiavaita haiiri ita aea hilisi ita, karu sa ereitaro kaifa lei, ereita ta elore elore kaifa lei pepeiape.

Tito 3:3 Iomraidhean Croise

Mataio 21:29

A—, are tava o mō ōpe, Ara levi terai roi; eite are aite voa haiiri ata kerori terōpe.

Luka 21:8

Iesu mō ōpe, Kiva leitia, karu ero apeva vuteai ave. Karu rauapo arave rare ita foreri ere elore elore vei mō ari roi, Ara Keriso, aeata, Soa haekao loita meha. A—, erero aitetei levi roroava.

Ioane 8:34

Iesu tava o erero mō ōpe, Okofa ara ero o la moi, kaiae la leita lea karu, kaiae ve fasaita sarufa are reha.

Roma 11:30

E evera soa Ualare la kakeva auke lei roroaiape, a—, faitora Iuda karu ve kaeava vei e Ualare ve maeaforoe la sukaeaita meha;

Roma 6:12

Soka iri kaiae sa eve opaita maea voa harofave siahu levi leitia, eve sarōva sa haikaeaita mai la kakeva leiti vei.

Roma 6:17

Ereita Ualare la maeatia, ipi e evera soa voa mai kaiae ve sarufa lei roroaiape, a—, aite voa ero satiriaraiape lea o la e eve haiiri foromai ita mapi kakeva lei roroa.

Roma 6:22

Soka faitora e kaiae voa felaukea paraea Ualare ve sarufa lei la roroa meha; e sa ovaita etau mōfeare, ovava lei arero taivotaita mai, aea lea mai voa foreraita sisa etau peita makuri reha.

Roma 6:6

Ipi ereita ore ereitave evera roroaiape maea la are ita fareho satauro voa paeōpe iri kaiae ve maea la fareōvi mutapai vei, ereita iri kaiae ve sarufa ata levi leiti vei.

2 Korinito 12:20

Arave tore meha, ara sa ero tai foreraita lea mea, ara sa haikaeaita lōfeare mai la e voa levi eavaita varo; aeata eo, e sa haikaeaita lōfeare mai ita ara sa meita ta levi eavaita varo; a—, sosori, aea hilisi, aea kitou, elore etau vei irori arita mai, o kaiae, o vituvitu, haiarori aea heohea ara lōfeare la e voa eavaita varo.

Galatia 6:3

Eite auke karu aea are elore maea rare karu leiti haikaeait’ oria, are areve haria maea sa apeva vuteaita reha.

Kolose 1:21

E ta reha, evera soa voa e Ualare voa áre‐ita pepea, areve ote karu leiape ipi eve haiiri aea eve leita mai ita ve maealolo vei.

Kolose 3:7

Evera soa e ta lōfeare mai la leiape, e sa ereve aru voa roroaiape lea soa voa.

2 Timoteo 3:13

A—, mai kaiae la leitita karu aeata apeva karu ere maealolo voa maealolo aeata topiari, maealolo foromai lei, karu la apeva vuteai roi, aea karu ta erero apeva vuteai roi.

2 Timoteo 3:6

Ereve karu hea uvi iri voa kekevari oropi, maeakakare uamori ve haiiri la kurea lariōvai vovea. Lea uamori ereve iri kaiae ve pasou sa safori, ereve haikaeaita haiiri hariaharia sa erero lei ere mai kaiae lōri lei vovea.

Tito 1:16

Ere Ualare la ore o ō vovea, a—, eite ere ereve leita mai sa arero avoa ō vovea; ere mu eokere, ōvafae kere, aea mai lareva la leiti vei usoso kakaeite kofa.

Tito 2:12

aea ereitaro mōfeare satiriarai vei, ereita Ualare auke lei roroaita mai aea mea mearovaeka sa haikaeaita haiiri la haiarara lei mutapi, ereita mea mearovaeka voa haisukafori, haura mai ita aea Ualare la taivotaita mai ita lei vovo roroai vei.

Iakobo 1:26

Karu aea areve haiiri mōfeare, are Ualare la maso toaita karu; a—, are areve ape sa o seseōvai auke ita moita, a—, are elore haiiri la apeva vuteaita, aea areve maso toaita mai ta eite kasirau.

1 Petero 1:14

Ualare la mapi kakeva leitita atutemori feare leitia. E evera haihaveva ita haikakare maealolo la leiape lea mai feare levi leitia;

Apokalupo 12:9

Soka lea eli rovaea, evera soa voa peiape lea ikaroa, Diabolo aeata Satani rare la aravōpe, mearovaeka foromai la apeva sa vuteaita lea vita la mearovaeka voa toapi faukōpe, aea areve aneru ta are ita farehoria toapi fafukōpe.

Apokalupo 13:14

mearovaeka voa pepeita karu la apeva sa vutea, erero ta haisa o mei marehaukaita soi sa suka sarapi, a—, makuri ata leipe lea animala ve ove etau la ere sa pisosi vei.

Apokalupo 18:2

Are ape rovaea ita mō isōpe, Babulono rovaea putoita meha, are putoita meha! Are faitora harisu sa pepeita oti lei la eaea, aea arahoha maea sisiaviri sa roroaita oti; ori maealolo aea ivara eokere hariaharia lōvoa forea laepepea.