Tito 2:3 - Testamenta Áre 1983 (Toaripi PNG)

³ Opasora‐sora uamori ta o mei, ere ereve leita mai voa Ualare la taivotei roroai vei. Ere karu la hasiavaita fari la lei levi fafarapai vei, ma maealolo ve sarufa levi leiti vei; a—, ere mai lareva la muiaita karu lei, lei vovo roroai vei.

Tito 2:3 Iomraidhean Croise

Roma 1:29

lei lei ereve haiiri maealolo hariaharia sa soōpe; karu haria ve etau la maravai vei haikaeaita haiiri, kaifa aea hilisi, karu la paeai, sosori oita mai, maeahahauhahau, aea ivara eokere. Ere fari la hasiavaita karu,

Roma 16:2

E arero Papuvita voa maeafukapaia, Ualare ve karu ve mai lareva lōfeare. Are sa ero loki leita lea etau voa e sa arero toaraia; ipi are ta karu rauapo aea ara ita la toaraita eavia.

Efeso 5:3

A—, herei aeata sirisiri mai, aea etau maravai vei liri arita lea mai ita vei eve aru voa o levi moia, ipi e Ualare ve karu eavia.

1 Timoteo 3:11

Uamori diakono ta lōfeare, ere haiiri sora uamori, ape meimei arita uamori kao, a—, haisukafori roroaita uamori, etau foromai voa mai kofa leita uamori.

1 Timoteo 3:8

Diakono ta lōfeare: ere ta haiiri sora karu, uri lakalaka karu kao; ma maealolo rauapo la loloita karu kao; moni la haikakare ita meita karu kao.

1 Timoteo 5:23

Ma la haria levi laria, a—, ave ére vei aea ave haelarehaelare leitita eka vei, uaina hiake ta laria.

Tito 1:7

Ipi ekalesia la lariōvaita karu rovaea are Ualare ve tivi la kiva leita karu, aea are kaiae auke ita meita lōfeare sa lareva. Are ivara eokere karu kao, heohea leita karu kao, ma maealolo la la’ la’ maeakakare leita karu kao, sosori muru karu kao, aea moni la haikakare araita karu kao.

Tito 2:4

Ere uamori áre áre la lōri satiriōri ereve vita heaea aea ereve atutemori ita la haikakare arai vei;

Heberu 5:12

Soa foreri roroka e satiraraita papukaru leiti vei; eite haikaeaita mai kofa meha, karu aea sa Ualare ve ovoro ve oarehōva etau la ero ata satiriarai vei. E kō‐opu la hai areapo la kaeaipea; larietau kere la lari vei rofo kasirau.

Apokalupo 2:20

A—, ara aro o arita etau meha; ipi a lea ua Iesebele la au moraritore. Are areve elore maea la rare peroveta ua rare aravi, arave sarufa karu la satiriōri aeata kureaitore, ere herei mai leiti vei, aea ere apeva ualare ve ove voa omopa posaseaita larietau ta lari vei.