Tito 1:3 - Testamenta Áre 1983 (Toaripi PNG)

³ itiiti soa kofa voa are areve otoare ve eite la areve ovoro voa lei pisiri muiōpe. Lea ovoro la ereitaro fareōvi makuri leita Ualare sa araro miōri, ara itoro ari vei moipe.

Tito 1:3 Iomraidhean Croise

Mareko 1:15

mō ape, Soa foreri kekese loita meha, aea Ualare ve basileia forerai vei la roi; haiiri keroria aea Ovoro Lareva la sukaerereaia.

Mareko 13:10

Soka Ovoro Lareva torutoru karu foromai la omopa itoro ari ao.

Mareko 16:15

Soka are erero mō ōpe, Mearovaeka foromai voa teraia aea Ovoro Lareva la makuri karu foromai voa itoro aria.

Luka 1:47

Aea arave ove araro lei makuri leita Ualare voa hailareva rovaea la leipea.

Aposetolo 10:36

Israela karu voa itapōpe lea o e ore, tairu ve Ovoro Lareva Iesu Keriso, karu foromai ve Papuvita vei itoro ape.

Aposetolo 17:26

Are karu farakeka la pisosi lei tatavi toru hariaharia lei foreri, ere mearovaeka ve oti foromai voa pepei vei, are ereve pepeita meamea ve soa aeata otioti ve soa la lei kekese leipe lea mea.

Roma 15:19

Siahu ve peise aeata haihava leita etau ita la Ualare ve Arahoha ve siahu sa leiape; lōfeare vei soa Ierusalema soa isei isei Ilurikuma voa, ara Keriso vei lea Ovoro Lareva la itoro ōvovo isei isei roroka lei mea.

Roma 16:25

Ereita Ualare la maeatia. Are ero lei rofo leita ore eve sukaerereaita haiiri voa, usoso ara itoro arita o, Iesu are Keriso lea ovoro feare, aeata usoso evera kofa soa voa omoi auke lei murufakao eaeiape lea hohore o feare.

Roma 16:26

A—, faitora lea hohore o a peroveta karu ve karoro voa pisiri mui ita meha, aea peita Ualare sa moita lea vei toru hariaharia karu foromai ta mapi ore loi, karu foromai la lei ere Ualare la sukaererea kakeva leiti vei.

Roma 5:6

Ereita rofo auke leiape lea soa kofa voa, Keriso sa Ualare la sukavuteaita lea karu vei opōpe.

1 Korinito 9:17

Ara arave elore haiiri sa lea tivi la leitita, a—, ara tava ovai lare. Eite ara arave elore haiiri sa lea tivi la leiti sore, a—, ipi Ualare sa araro haisa moipe eavia.

Galatia 4:4

A—, soa kofa sa forerōpe lea mea, Ualare areve elore Atute la itapōpe. Itapi arero ua aea sa mi a’ foreri, are Iuda ve Safu O la kakeva lei meiape,

Efeso 1:10

Lea haiiri meha, soa kofa foreraita lea mea etau foromai, kauri etau aea mearovaeka etau ita la Keriso harofave Vita farakeka ve ora voa kokoruka aiperovai veia.

Efeso 2:17

Keriso totoeaita Ovoro Lareva la ero Ualare voa ára‐ita pepeita karu aeata arero haekao voa pepeita Iuda karu ita la itoro ōvovo kotipe.

Filipi 1:13

Kaisara ve uvi kiva karu firu foromai aeata karu hariaharia foromai ita, ere ore ara dibura uvi voa fasi peipeta ipi Keriso vei;

Kolose 1:23

Etau farakeka, sukaerereaita haiiri kere aea lulalula auke ita popōvaia. E Ovoro Lareva la mapi taita haiiri lareva lōfeare ia; lea haiiri la levi kiripaia. Mea Ovoro Lareva karu hariaharia sa fafarapi fafarapi, karu foromai la kauri ve ora voa itoro a’ a’, arao, Paulo, lea ve toaraita tivi la leipea meha.

Kolose 1:6

Mea Ovoro Lareva ero tai foreri roroka, aea lōfeare mai ita mearovaeka foromai voa ta fafarapi, asi aea fare la taipea, usoso e voa taita lōfeare, soa lea sare voa e sa Ualare ve haiforoe leita meru okofa voa mapi ore leipe itiiti faitora.

1 Tesalonika 2:4

a—, usoso Ualare sa ela Ovoro Lareva la itoro ari vei elaro haikaea ovōpe, lōfeare haiiri ita ela lea Ovoro la omoi vovea, karu la lei hailareva leiti vei kasirau, a—, elave haiiri la seseōvi ore leita lea Ualare la lei hailareva leiti vei.

1 Timoteo 1:1

Paulo, Keriso ve aposetolo, ereitaro fareōvi makuri leita Ualare aea Keriso Iesu, ereita haikaea au tai vo roroaita lea Papuvita sa moipe lea vei, ara sa itapaita karoro meha;

1 Timoteo 1:11

Lea satiriaraita o haura are lareva‐eiteapo Ualare ve sosorusosoru ve Ovoro Lareva ve o reha, aea are mea Ovoro Lareva la araro miarōpe ara arero itoro ari vei.

1 Timoteo 2:3

Ereitaro fareōvi makuri leita Ualare ve soso voa lareva aeata haikaeaita mai reha.

1 Timoteo 4:10

Lea vei ereita tivi serea ita lei rofo miara vovea, ipi ereita makuri lei peita Ualare la au taita eavia. Are karu foromai la fareōvi lei makuri leita Ualare, aea lōfeare sa etau rovaea kofa reha mapi sukaerereaita karu vei.

2 Timoteo 4:17

A—, Papuvita araro tai pōvi araro lei rofo leitita, ara Ovoro Lareva foromai la itoro aria reha, toru hariaharia karu foromai sa mapai vei. Araro liona ve ape voa fareōvi makuri lei laipea.

Tito 2:10

etau la lō ova lō ova lei torea levi leiti vei; a—, sukaerereaita mai lareva la muia vovo roroai vei; ere etau foromai voa ereitaro fareōvi makuri leita Ualare ve satiriaraita o la moupa lareva feare arai vei.

Tito 2:13

Ereita lea Sare lareva la la taipea, lea mea ereitave Ualare rovaekapo aea ereitaro fareōvi makuri leita Vita, Iesu Keriso ita ve sosorusosoru pisiri lei forerai roi.

Apokalupo 14:16

Lō mei, mea‐e voa aiseseiape lea vita areve soi sa mearovaeka voa isapi, mearovaeka ve uiti la foa kaleipe reha.