Mareko 2:12 - Testamenta Áre 1983 (Toaripi PNG)

¹² Lō mei are itei, areve kakosa utohoa fareōvi taiovi, ere foromai ve omopa voa maria voa terōpe. Ere foromai lea vei haihava lei, Ualare la maeati mō ōpe, Ela mōfeare etau evera ofae eavai kasirau.

Mareko 2:12 Iomraidhean Croise

Mataio 12:23

Lea karu sitavu foromai haihava lei mō ōpe, Mea vita Davida ve Atute varo?

Mataio 15:31

Vipi are ereve eka la lei lareva leiape; lōfeare voa lea karu sitavu, ere okuku karu laua sukōvi, mora kaiae karu mora kerori, aeata ofae kuku karu ofae eavaiape la eovi ere haihava lei, Israela ve Ualare la maeatipe reha.

Mataio 9:33

Iesu lea harisu la larivatōpe lea mea, okuku karu laua sukavōpe reha. Karu sitavu haihava lei mō ōpe, Mōfeare mai Israela voa evera eavai kao.

Mataio 9:8

Karu rauapo lea la ofae eovi, tore lei, Ualare la maeatipe ipi are lōfeare siahu karu la miarōpe eavia.

Mareko 1:27

Soka karu foromai haihava rovaea kofa lei, aea ere lea vei lalasi elore elore lei mō ōpe, Mea lekōru mai? Satiriaraita mai áre meha! Are siahu ita harisu maeasiaviri o kere mei, ere arero mapi kakeva loi.

Mareko 2:11

Ara aro o mō la auai, Itoia, ave kakosa fareōvi taivovi, elore voa teraia.

Luka 13:13

Lō mei arero mai sa mopi, arero utohoa lei haura lei, are Ualare la maeatipe reha.

Luka 17:15

Soka ereve karu farakeka, areve eka sa lareva leipe la ofae eovi, are ata kerori, Ualare la ape rovaea ita maeati,

Luka 5:26

Ere foromai haihava lei, Ualare la maeati aeata tore ita mō ōpe, Etau ve soa haria ta ereita iso sare eavaita meha.

Luka 7:16

Soka karu foromai tore rovaea lei, Ualare la maeati mō ōpe, Peroveta vita rovaea ereitave aru voa foreraita meha, o aeata, Ualare sa areve karu tai foreri mea.

Ioane 7:31

A—, karu sitavu voa karu rauapo arero sukaererea mō ōpe, Keriso foreraita lea mea, are siahu ve peise rauapo lei lei, mea vita sa leita rauapo la sapatai roi ei?

Ioane 9:32

Mearovaeka ve oarehōva soa itiiti faitora ofae oraka kuku ita epōpe karu ve ofae la ovava leita lea fari la mapai sore.

Aposetolo 4:21

Soka ere o kere kofa ita ereukaro o erere ata mei roroka leipe lea mea, ere ereukaro paraea itapōpe. Ere ereukaro hasiavai mai la sukaeai kasirau, ipi karu foromai Ualare la maeatipe lea haihava leipe mai vei.