Luka 9:2 - Testamenta Áre 1983 (Toaripi PNG)

² Are Ualare ve basileia la itoro ari vei, aeata eka karu la lei lareva leiti vei erero itapi mō ōpe,

Luka 9:2 Iomraidhean Croise

Mataio 10:5

Lea twelve karu la Iesu sa itapi, erero satiriōri mō ōpe, Toruipi haria ve otiharo voa levi teraia aea Samaria karikara haroharo voa ta levi teraia.

Mataio 13:19

Karu aea ovoro basileia vei mapaita, a—, eite ore auke leitita, lea mea maealolo vita koti areve haiiri voa tovuseaita mere la toapi ovaitore.

Mataio 24:14

Soka basileia ve mea Ovoro Lareva mearovaeka foromai voa itoro ari roi, toruipi‐ipi karu foromai la lei ore leiti vei; aite soa sarapaita soa lōri forerai roi.

Mataio 3:2

Haiiri keroria, ipi kauri ve basileia haekao loi.

Mareko 16:15

Soka are erero mō ōpe, Mearovaeka foromai voa teraia aea Ovoro Lareva la makuri karu foromai voa itoro aria.

Mareko 6:12

Soka ere maea lei te, karu ere haiiri kerori vei itoro ape.

Luka 10:1

Lea ve aite voa Papuvita karu haria hea seventy‐two la haikaea ovi, arero marota ita marota ita itapōpe, are forerai vei leiape lea karikara haroharo aeata otioti foromai ita voa areve omopa voa everori isorai vei.

Luka 10:11

Eve karikara ve tetere elave mora voa pasaeaita la ela roroapi sisapai ero sukavuteaita peise vei; etau farakeka e ore leitia Ualare ve basileia ero tai foreri haekao loita meha.

Luka 10:9

Ereve eka karu ta lei lareva lei erero mō aria, Ualare ve basileia ero tai foreri haekao voa la mea.

Luka 16:16

Safu O aea peroveta karu ve o ta siseiape itiiti Ioane sa forerōpe soa; aeata lea soa voa itiiti faitora Ualare ve basileia ve ovoro itoro ō vovea, aea karu foromai sukahoavea lōvoa oropai vei.

Luka 9:11

A—, karu sitavu lea la ore lei, ere arero aitetaipe. Are erero hailareva o ita sukaea, Ualare ve basileia vei erero itoro a’, aea eka karu la lei lareva leiape.