Luka 23:4 - Testamenta Áre 1983 (Toaripi PNG)

⁴ Pilato are maso harofave karu aea karu sitavu ita la mō ōpe, Ara mea vita voa kaiae farakeka aeata sukaeaia kasirau.

Luka 23:4 Iomraidhean Croise

Mataio 27:19

Pilato seseōvaita oti voa aiseseiape lea mea, areve ua karu arero tai itapi mō ōpe, Lea haura vita la etau farakeka aeata levi leitia, ipi iso sare voa ara are vei auka paea, lea auka voa haisora rovaea sa araro lei hehea loi.

Mareko 15:14

A—, Pilato erero mō ōpe, Ipi levea? Are kaiae lekōru la loloi? Ere i rovaea foromai ata mō isōpe, Arero satauro voa vitei paeaia!

Luka 23:22

Are soa oroisoria erero mō ōpe, Ipi levea? are kaiae lekōru voa? Ara are voa paeai tava ve kaiae la eavaia kasirau. Ara lea vei arero toa satiriōri lōri paraeai roi.

Ioane 18:38

Pilato arero mō ōpe, Okofa ve eite lekōru ei? Are lea o mei roroka lei, are Iuda karu tai maria voa ata foreri erero mō ōpe, Ara areve kaiae eavaia kasirau.

Aposetolo 25:25

A—, ara arero paeaita kaiae la are voa eavai kasirau, aea ipi are Augusto tai itapi seseōvai vei loki leitia lea vei, ara arero itapai vei haiiri kekese lei roroka.

Aposetolo 3:13

Abrahama, Isako, Iakobo ita ve Ualare, ereitave papa ve Ualare, are areve tivi vita Iesu la lei sosorusosoru lei mea. Eite e arero ovi gavana karu la miōri, Pilato ve omopa voa arero haiarara leitita, Pilato arero felaukea paraeai haikaeaivota lea mea.

Heberu 7:26

Lōfeare maso harofave vita rovaea are usoso kofa ereita vei; are safu vita, kaiae ore auke, sirisiri auke haiiri vita, arero kaiae karu voa fareōvi, kauri ve arori koa kofa voa moravi laipea.

1 Petero 1:19

a—, tava rovaeka kofa ovo, Keriso ve ovo reha; arero usoso siaviri auke maita maealolo auke mamoe feare omopa posaseōpe.

1 Petero 2:22

Are kaiae leiti auke leipe, aea apeva areve ape voa forerai kasirau.

1 Petero 3:18

Ipi Keriso soa farakeka haria iri kaiae foromai la fari mutatapai vei opōpe; mai haura Vita haura auke karu vei, ipi ero Ualare tai lariōvai vei. Areve sarōva voa arero paeōpe, a—, arahoha voa are makuri lei meiape.