Luka 12:4 - Testamenta Áre 1983 (Toaripi PNG)

⁴ Moraitai‐tai e, ara ero o mō la auai, Maea la paea aea aite etau aea la leitita ore auke leita lea karu la tore levi leitia.

Luka 12:4 Iomraidhean Croise

Mataio 10:28

Maea la paeaita ore leitita, a—, ere ove la paea ore auke leitita lea karu la tore levi leitia. A—, ove ita maea ita la Gehena voa saroroapaita ore leitita lea Ualare la tore leitia.

Ioane 15:13

Haikakare rovaeka kofa meha, karu areve makuri la areve moraitai‐itai vei miarai vei.

Aposetolo 20:24

A—, ara arave makuri tava rovaea etau feare levi seseōvai roi, arave haikaeai farakeka meha, arave loreape arita soa la kekese lei aea ara Papuvita voa ovōpe tivi, Ualare ve haiforoe ve Ovoro Lareva la okofa lei moita, lea tivi ta lei roroka leiti vei.

Aposetolo 4:13

Soka ere Petero auka Ioane ita ve ape karōva la mapi aea ofae eovi, aeata ere ore leipe ereuka karoro malasa auke aeata haimerava karu oraka, lea vei ere haihava lei, ereuka Iesu ve maeapavora karu lei roroaiape ere lea la haikaea ore leipe reha.

Filipi 1:28

ero sukavuteaita karu vei tore auke ita roroa. Ere Ualare la sukavuteaita lea vei erero saroroapai vei leitita peise etau reha, a—, e vei Ualare voa foreri fareōvi makuri leita peise reha.

Iakobo 2:23

Safu Buka voa uka siseita mea o la lei okofa leipe reha, Abrahama are Ualare la sukaerereōpe, aea are Ualare ita haura karu rare lea vei ōpe, aea Ualare arero moraitai rare aravōpe.

1 Petero 3:14

A—, e sa leita mai haura vei karu ero hasiavait’ oria, a—, e lareva ia. Lea karu la tore levi leitia, aeata haikavora levi leitia.

Apokalupo 2:10

Aro lei hehea leiti vei leitita lea etau la tore levi leitia. Mapaia, Diabolo sa eve karu hea la dibura uvi voa fasi sasaukai vei la roi, ero seseōvi ore leiti vei, aea e sare ten voa haisora ita popōvai roi. A—, araro sukaererea haiiri rofo ita lei peava, tava opai la sukaeaita, a—, ara makuri ve kekeva aro miarai roi.