Luka 11:4 - Testamenta Áre 1983 (Toaripi PNG)

⁴ Elave kaiae ve tava la felaukea mutapaia, ipi ela ta elaro kaiae leitita karu ve tava la felaukea mutapai vovea; aea vuteaita mea voa elaro levi lariōvaia.

Luka 11:4 Iomraidhean Croise

Mataio 18:35

Soka e eve haiiri foromai ita elore elore paumarehari ve kaiae la sasukai auke leitita, a—, arave kauri Oa ero ta lōfeare leiti roi.

Mataio 26:41

E ovoako lei Ualare la loki leitia, e vuteaita mea voa oai ave; e haiiri kakeva ia, a—, eve maeasarōva sa patoita.

Luka 11:5

Are o aeata mō ōpe, E voa moraitai ita karu leisa, aea apisi soa voa arero tai te, arero mō arita varo, Moraitai e, a poi koru oroisoria araro miaraia, ara tava aro ata miarai roi;

Luka 13:4

Aeata Siloama ve fave uvi koa foforuka erero safori opōpe lea karu leafeare ei? E haiiri mōfeare seseōvai ei, ere karu maealolo kofa, Ierusalema voa pepeita karu hariaharia foromai lōfeare kao ei?

Luka 22:46

mō ōpe, E ivutu siseipeta ipi levea? Itotea, Ualare la loki leitia, e vuteaita mea voa oai ave.

Luka 8:13

Aea fave mea voa sisapi siseiape mere ve eite karu, ere ovoro la mapi, utohoa hailareva ita arero sukaerereai, a—, ere likilea auke feare lei, soa taheka haria seseari roroa, aite erero kaiae leiti vei kureaita soa voa ere haiarara lei kiripaita reha.

Ioane 17:15

Arave loki o mōfeare kao, a erero mearovaeka voa farai vei, a—, ara aro loki a Kaiae Vita voa erero fari lei makuri leiti vei.

1 Korinito 10:13

Ero vutea e mai kaiae leiti vei lōfeare soasoa la karu foromai sa ore leititore. Ualare are okofa; are ero toari, eve rofo la lei usoso leiti vei, ero vuteaita soa voa kaiae sa ero ovi aierai ave; are ero vuteaita soa voa safaukaita otiharo la ero miōri, ero lei rofo leitita ore.

Kolose 3:13

E elore elore morari vovo roroava. Karu aea maeapavora la kaiae vei havara paraeait’ oria, areve kaiae la felaukea mutapaia, usoso Papuvita sa eve kaiae la felaukea mutapōpe lōfeare.

2 Tesalonika 3:3

A—, Papuvita are okofa, aea are sa ero lei rofo lei, kaiae foromai voa ero fareōvi kiva leiti roi.

2 Timoteo 4:18

Papuvita sa maealolo leita etau foromai voa araro fareōvi, aea areve kauri basileia voa araro lareva ita lei forerai roi. Arero lei sosorusosoru lei peava. Amene.

Iakobo 2:13

Maeaforoe leiti auke leitita lea karu, arero seseōvi tava miaraita lea mea Ualare sa arero maeaforoe levi muiai roi. A—, maeaforoe sa seseōvi tava miaraita mai la sapataitore.

Apokalupo 2:10

Aro lei hehea leiti vei leitita lea etau la tore levi leitia. Mapaia, Diabolo sa eve karu hea la dibura uvi voa fasi sasaukai vei la roi, ero seseōvi ore leiti vei, aea e sare ten voa haisora ita popōvai roi. A—, araro sukaererea haiiri rofo ita lei peava, tava opai la sukaeaita, a—, ara makuri ve kekeva aro miarai roi.

Apokalupo 3:10

Ipi ara aro haisa moipe, a lulalula auke haiiri rofo ita mei vei lea o la mapi kakeva lei meita lea vei, mearovaeka foromai la seseōvaita ora voa, mearovaeka voa pepeita karu la seseōvi ore leiti vei, lea ora voa ara ta aro kiva lei, lei makuri leiti roi.