Luka 11:2 - Testamenta Áre 1983 (Toaripi PNG)

² Lea mea Iesu erero mō ōpe, E Ualare la loki leitita lea mea, o mō aria: Oa e, ave rare safu lei taivotai meava, ave basileia lei foreraia.

Luka 11:2 Iomraidhean Croise

Mataio 10:32

Araro karu ve soso voa vavavaita lea vita la ara arave kauri voa peita Oa ve soso voa ta vavavai roi.

Mataio 3:2

Haiiri keroria, ipi kauri ve basileia haekao loi.

Mataio 5:16

Soka eve ovava karu foromai ve soso voa lōri haeaia; ipi ere eve leita mai lareva la ofae eovi, eve kauri voa peita Oa la maeati vei.

Luka 11:1

Soka are oti aea voa Ualare la loki lei lei, are loki o sa kaleipe lea mea, areve satiriaraita karu aea arero mō ōpe, Papuvita e, Ualare la loki leita mai elaro satiriaraia, usoso Ioane sa areve satiriaraita karu firu la satiriaraiape lea mai feare.

Roma 1:7

Ualare sa haikakare leita aea safu karu leiti vei isōpe Roma karikara voa pepeipeta karu e, e foforoe lareva. Ualare, ereitave Oa aeata Papuvita Iesu Keriso voa foreraita maeaforoe ve meru aea tairu ita e ita lei pepeava.

Roma 8:15

Ipi Ualare sa ero miaraita lea Arahoha sa ero lei fasaita sarufa leiti kasirau, ero lei tore ata leiti vei; a—, areve Arahoha sa lei ero atute rare a’, ereita mō isa vovea, Aba e, Oa e.

1 Korinito 1:3

Haiforoe leita meru aea ereitave Oa Ualare aea Papuvita Iesu Keriso ita sa miaraita tairu e voa lei peava.

2 Korinito 1:2

Ereitave Oa Ualare aea Papuvita Iesu Keriso sa miaraita haiforoe leita meru aea tairu ita e voa lei peava.

Galatia 1:4

Mea makuri pepeita taotao maealolo voa ereitaro fareōvi lei makuri leiti vei, Keriso areve elore maea la ereitave iri kaiae la sasukai vei miarōpe, ereitave Ualare Oa sa haikaeaita haiiri lōfeare.

Efeso 1:2

Ualare ereitave Oa aea Papuvita Iesu Keriso ita sa haiforoe leita meru aea tairu ita la ero miarai peava.

Filipi 1:2

Ualare ereitave Oa voa aeata Papuvita Iesu Keriso voa foreraita haiforoe aea tairu ita e voa lei pepeava.

Filipi 4:20

Ereitave Oa Ualare soa sarapai auke leita sosorusosoru lei peava. Amene.

Kolose 1:2

Ualare ve karu Kolose voa, Keriso voa pepea sukaererea vovo roroaita lea maraiosu veia: Ualare ereitave Oa sa haiforoe leita meru aea tairu ita la ero miarai peava.

1 Tesalonika 1:1

Paulo aea Silasi aea Timoteo ita, ela oroisoria sa itapaita karoro meha; Oa Ualare aeata Papuvita Iesu Keriso ita voa topiari pepeita Tesalonika ekalesia firu veia. Haiforoe leita meru aea tairu ita e voa lei peava.

1 Tesalonika 1:3

Ela eve sukaerereaita haiiri sa leita mai, aea haikakare sa leita tivi, aea ereitave Papuvita Iesu Keriso voa eve lula auke taita haiiri ita la ereitave Oa Ualare ve omopa voa haikaeai vovea.

2 Tesalonika 2:16

Ereitave Papuvita Iesu Keriso, are kofa, aea ereitave Oa Ualare ereitaro haikakare ari, aea ereitaro maeaforoe lei, peita rofo leita siahu aea taita haiiri lareva ereitaro miarōpe lea Ualare,

Apokalupo 11:15

Soka seven aneru areve u la fōfōōpe lea mea, i‐ape metameta kauri voa forera mō ape, Mearovaeka ve basileia ereitave Papuvita aea areve Keriso ve basileia loita meha, aea are basileia harofave Vita lei pepe peava roi.

Apokalupo 15:4

Papuvita e, aro tore auke karu leisa? Ave rare la maeati auke karu leisa? Ipi a haria safu lei mea vovea. Torutoru karu foromai forera aro maso toai roi, ipi ave haura leita mai pisiri lei muiaita meha.

Apokalupo 19:6

Lea soa ara hohororo usoso karu sitavu rovaea ve hohororo feare aea usoso aroaro rauapo ve hohororo fefeare, aeata usoso sisorea hauara hauara ve huhururu fefeare sa mō isa moipe la mapōpe, Haleluia! ipi Papuvita ereitave Ualare, Rofo Rovaekapo Vita, basileia ve harofave loita meha.

Apokalupo 20:4

Lea mea ara terona hea aea ere voa aipepeiape karu ita la ofae eavōpe; seseōvi tava miaraita siahu erero miarōpe. Ara mea karu ve ove ta ofae eavōpe, ere Iesu ve ovoro la fafarapaiape aeata Ualare ve o vei ereve harofave la sarapaiape. Ere lea animala ivara eokere aeata areve ove etau ita la maso toai auke lei, areve foa ta areve harihari‐fave voa ō ereve mai voa sari auke lei roroaiape. Ere makuri ata lei Keriso ita sisoro 1,000 basileia harofave karu lei pepeiape.