Luka 10:2 - Testamenta Áre 1983 (Toaripi PNG)

² Are erero mō ōpe, Fare sora rauapo, a—, tivi karu hiake, lea vei forōva oti ve Papuvita la loki leitia, are areve forōva oti voa tivi karu hea ta itapai vei.

Luka 10:2 Iomraidhean Croise

Mataio 20:1

Ipi kauri ve basileia are usoso mea ve papuvita feare, miori soa kofa voa te vine forōva ari tivi karu eli vei.

Mareko 13:34

Are usoso sariva leiti vei leita heavita aea feare, are areve uvi kiripi, areve sarufa karu la kiva leita siahu la miōri karu farafarapo ereve elore elore tivi ta miōri, utape kiva karu la ovoako leiti o ta moi roi.

Mareko 16:15

Soka are erero mō ōpe, Mearovaeka foromai voa teraia aea Ovoro Lareva la makuri karu foromai voa itoro aria.

Mareko 16:20

Soka satiriaraita karu ere maea lei, otioti foromai voa itoro ōvovo teraiape, Papuvita ta ere ita farehoria tivi lei, aea lea soasoa voa leiape haihava peise sa lea ovoro ve okofa la pisiri lei muiaiape.] [ (9) Soka lea uamori ere Petero aea areve maeapavora karu ita tai te, ere mapōpe lea o foromai la erero utohoa omoipe. (10) Lea ve aite voa Iesu kofa areve satiriaraita karu ve ape sa safu aea peita makuri vei soa sarapai auke leita lea ovoro la soa sare pataita itua‐tao soa isei isei sare sukopaita itua‐tao voa itapi itoro ape.]

Luka 9:1

Soka are lea twelve karu la isa kokoruka rofo ita, siahu ita erero miarōpe harisu foromai la larivati, aeata eka hariaharia la lei lareva leiti vei.

Aposetolo 11:19

Soka Setefana la paeōpe soa aea ekalesia la irori mai ita hasiavōpe lea mea, Iesu la sukaerereaita karu oti hariaharia voa liōvea toa fafarapōpe. Karu hea soa Fenisia aeata Kupero aeata Antioka voa fafarapi, Iuda karu la haria Ovoro Lareva itoro ape.

Aposetolo 13:2

Soka ere Ualare la maso toa, larietau avoha leiape lea mea, Safu Arahoha Lareva erero mō ōpe, Banabasi auka Saulo ita la ara vei fareovaia, ereuka ara ereukaro haikaea ovaita lea tivi aea leiti vei.

Aposetolo 13:4

Soka Safu Arahoha Lareva sa itapi, ere Seleukia miri karikara voa fauka, lōvoa vavaea forea Kupero voa soea vo ufōpe.

Aposetolo 20:28

E eve haria mai la kiva lei vovo roroava, aea Safu Arahoha Lareva sa e kiva leiti vei miarōpe lea momoe sitavu ta reha. Ualare ve ekalesia la mamoe kiva karu feare savuaia, areve elore ovo la tava vei miarōpe lea ekalesia.

Aposetolo 22:21

A—, Papuvita araro mō ōpe, Teraia; ipi ara aro ára voa toruipi hariaharia karu tai itapai roi.

Aposetolo 8:4

Soka toa liōveōpe karu sa Ovoro Lareva la mea foromai voa itoro ōvovo terōpe.

1 Korinito 12:28

Ekalesia voa Ualare sa elore elore tivi otioti voa karu la vipi laepepea; omopa kofa oti voa aposetolo karu, aite peroveta o oita karu, aea oroisoria oti voa satiriaraita papukaru, aite haihava leita siahu karu, aite eka la lei lareva leita karu, aea toaraita tivi karu, aea tivi lariōvaita karu, aea uri hariaharia sukavaita karu.

1 Korinito 15:10

A—, ipi Ualare ve maeaforoe ve meru eavia, ara faitora meipeta mea mai la lei la mea; aea are araro leipe lea maeaforoe eite auke ita leiti kasirau, ipi tivi voa ara sa erero foromai la sapatai; a—, eite ara kao, a—, Ualare ve maeaforoe ara ita fareho lei vovo meipeta lea vei.

2 Korinito 6:1

Ela Ualare ita fareho tivi lei, ero loki la leipea, e areve haiforoe leita meru la auraka levi ovaia.

Filipi 2:21

Ipi ere foromai ve haiiri rovaea ereve elore elore etau vei, a—, Iesu Keriso ve tivi vei ere haiiri kasirau.

Filipi 2:25

Arave haiiri Epafrodito ta ero tai itapaita lareva reha. Are arave marehari feare lei, tivi voa fareho lei aea ara ita mare fareho haukaita vita aeata e sa itapi meita meu karu araro toarai vei.

Filipi 2:30

Ipi Keriso ve tivi vei are areve makuri voa heafo lei opai vei leipe, e sa leiti vei ore auke leitita lea tivi ara vei leiti vei.

Kolose 1:29

Ipi lea etau la leiti vei ara tivi serea ita lei rofo miara vovea, usoso Keriso sa arave iri voa siahu ita tivi leipeta mai feare.

Kolose 4:12

Eve karu aea, Epafara, Keriso Iesu ve fasaita sarufa karu, are ta maeaforoe o ero la moipea. Are soa foromai e vei Ualare la loki serea ita lei vovea, e haiiri sora ita kere ita soi popōvai vei, aea Ualare sa haikaeaita haiiri la ore kofa leiti vei.

1 Tesalonika 2:9

Paumarehari e, ela tivi pasou lei maea‐uti ita sisapavota mai la haikaeaia. Ela sare ita faita ita tivi lei vovo roroavota, ela eve karu aea la lei heafo levi leiti vei, ela Ualare ve Ovoro Lareva ero itoro popōvi ōvota lea mea.

1 Tesalonika 5:12

Soka paumarehari e, ela ero loki eve aru voa tivi leipeta aea Papuvita ve rare ita eve harofave karu lei ero satiriaraita lea karu la taivotaia.

2 Tesalonika 3:1

Soka paumarehari e, hohoi o meha: ela vei Ualare la loki lei peava, Papuvita ve o lavelave fafarapi, otioti foromai voa usoso e voa, karu sa maeatita o ita mapi kekeva leiti vei.

1 Timoteo 4:10

Lea vei ereita tivi serea ita lei rofo miara vovea, ipi ereita makuri lei peita Ualare la au taita eavia. Are karu foromai la fareōvi lei makuri leita Ualare, aea lōfeare sa etau rovaea kofa reha mapi sukaerereaita karu vei.

2 Timoteo 4:5

A—, a etau foromai voa haisukafori lei, tivi ve hehea voa kere lei, aea Ovoro Lareva la itoro a’, Ualare sa aro miarōpe lea tivi la lei kekese leitia.

Filemona 1:1

Paulo, Keriso Iesu ve dibura karu, auka ereitave marehari Timoteo ita ve karoro meha; elaka haikakare lei, tivi farehoria leita vita Filemona,

Heberu 3:6

A—, Keriso are Atute maea lei, Ualare ve toruipi voa harofave vita mai la kakeva ita lei vovo meiape. Ereita haiiri rofo lei, ereita au taita etau vei hailareva ita sukaerereait’ oria, ereita areve toruipi lōfeare lei roroava roi.

Apokalupo 2:1

Efeso voa peita ekalesia ve lea aneru la o mō ukaia: Areve mai toare ve ére voa koru seven ita, aea a‐mopi sasoita gold etau seven ve aru voa kerori vovo meita lea Vita ve o meha.