Luka 1:6 - Testamenta Áre 1983 (Toaripi PNG)

⁶ Ereuka auka mai haura leiape Ualare ve omopa voa, Papuvita sa moipe safu o la miroapai auke ita kiva lei vovo roroaiape.

Luka 1:6 Iomraidhean Croise

Luka 1:7

A—, ereuka atutemori kasirau ipi Elisabeta are korōvu, aea ereuka ta oasora uasora ita eavia.

Luka 16:15

A—, Iesu erero mō ōpe, Karu ve soso voa mai haura o oita karu e reha; a—, eve haiiri kofa Ualare sa ore; ipi karu sa arori voa moravaita lea etau Ualare sa haiarara kofa lei vovea.

Luka 2:25

Soka karu farakeka aea Ierusalema voa peiape, areve rare Simeona; are mai haura aea Ualare ve o la kakeva lei haihahari lei, Israela la lei vovoro leiti soa la tai vovo meiape vita, Safu Arahoha Lareva ta are ita fareho peiape.

Aposetolo 2:25

Ipi Davida are vei o mō ōpe: Ara Papuvita arave omopa voa peita la ofae eavaiape, ipi are arave mai toare itai voa pea vovea, araro lei lulalula levi ari vei.

Aposetolo 23:1

Paulo lea kokorukaita karu la fofoisa mō ōpe, Paumarehari e, ara haiiri haura foromai la ovi Ualare ve soso voa makuri lei vovo meiape itiiti iso sare voa.

Aposetolo 24:16

Lea vei, Ualare ve soso voa aeata karu ve omopa voa, ara kaiae ore auke haiiri la ovai vei, ara arave maea la kiva rofo ita lei vovea.

Aposetolo 8:21

Elave mea tivi voa, a soa taheka ovai kasirau ipi ave haiiri Ualare ve soso voa haura kakaeite kofa.

Roma 8:4

Lea mai la Ualare sa leipe ipi ukōpe Safu sa haikaeaita lea haura etau ereita voa lei foromai kekese leiti vei, sarōva ve mai la kiripi, Arahoha ve mai voa roroaita ereita lōfeare karu.

1 Korinito 11:2

Ara ero maea la atipea ipi etau foromai voa e araro haikaea vovea, aea e lea satiriaraiape o la sesearai vovea, usoso ara ero lei ore leiape lōfeare.

2 Korinito 1:12

Elave hiva ve ipi meha, aea leita mai la elave lea seseōvaita haiiri sa elaro lei okofa o ō vovea, ela mearovaeka voa aeata eve soso voa safu mai lareva ita aea Ualare sa miaraita haiiri ovava ita roroa vovea, maeasarōva ve haiore ita kao, a—, Ualare sa miaraita haiforoe ita voa.

Filipi 2:15

Lōfeare voa e Ualare ve atutemori, kaiae auke aeata maea vevete‐pota, aeata maita maealolo auke ita lei roroai vei, kaiae lei aeata ōvafae kere leita taotao ve aru voa; aea e ovava ta lei haeai vei usoso mearovaeka voa ovava haeaita koru fefeare,

Kolose 1:22

A—, faitora Ualare ero lei are ita totoea la roroa meha, areve Atute sa maeasarōva maea lei opōpe lea vei; ipi ero lei areve soso voa safu karu aea maea horarave auke ita, kaiae o ero ari auke ita soi popōvai vei.

1 Tesalonika 3:13

Lōfeare vei are eve haiiri foromai la lei rofo leiti roi, aea e ereitave Oa Ualare ve omopa voa safu mai lareva voa kaiae auke ita lei vovo roroava roi, ereitave Papuvita Iesu, areve safu karu foromai ita kotita lea mea.

2 Petero 3:14

Lea vei, haikakare paumarehari e, e lea Sare la tai vovo roroaita soa voa, e haihahari kofa lei Ualare ita tairu lei, maita maealolo auke ita aeata kaiae auke ita roroai vei areve soso voa.

1 Ioane 2:29

E ore Keriso are haura Vita, lea vei mea ta ore leitia, mai haura lei roroaita lea karu foromai ere Ualare ve atutemori.

1 Ioane 2:3

Ereita Ualare sa moita o la kakeva leitit’ oria, ereita arero etakofa ore loita reha.

1 Ioane 3:7

Arave atutemori e, karu aea ero apeva sa levi vuteaia. Mai haura la leita lea karu, are haura karu reha, usoso Keriso are ta haura Vita.