Luka 1:2 - Testamenta Áre 1983 (Toaripi PNG)

² usoso oarehōva soa voa lea etau la ofae eovi aeata Ovoro Lareva la itoro ape karu sa ereitaro lei ore leiape o feare;

Luka 1:2 Iomraidhean Croise

Mareko 1:1

Iesu Keriso, Ualare ve Atute vei, lea Ovoro Lareva ve oarehōva o meha.

Mareko 16:20

Soka satiriaraita karu ere maea lei, otioti foromai voa itoro ōvovo teraiape, Papuvita ta ere ita farehoria tivi lei, aea lea soasoa voa leiape haihava peise sa lea ovoro ve okofa la pisiri lei muiaiape.] [ (9) Soka lea uamori ere Petero aea areve maeapavora karu ita tai te, ere mapōpe lea o foromai la erero utohoa omoipe. (10) Lea ve aite voa Iesu kofa areve satiriaraita karu ve ape sa safu aea peita makuri vei soa sarapai auke leita lea ovoro la soa sare pataita itua‐tao soa isei isei sare sukopaita itua‐tao voa itapi itoro ape.]

Mareko 4:14

Lea uiti mere la tovuseaita vita are ovoro la tovuseaitore.

Luka 24:48

Lea etau la ore lei o kofa moita karu e reha.

Ioane 15:27

Aea e ta o ara vei moi roi, ipi oarehōva soa itiiti faitora e ara ita farehoria pepeiape aeata laepepea.

Ioane 16:4

A—, ara lea etau ero omoi, ipi ereve eite sa aite voa foreraita lea soasoa voa, e arave mea o la ata haikaeai vei. Ara omopa soa voa mea etau ero omoi kao, ipi ara e ita farehoria peiape eavia.

Aposetolo 1:3

Áre hehea leipe soa ve aite voa, are makuri ata lei, areve maea la erero muiaiape o kofa leita peise rauapo ita; sare forty ve iri voa ere arero ofae eavaiape, aea are Ualare ve basileia vei laua sukavaiape.

Aposetolo 1:8

A—, Arahoha Lareva sa ero tai foreraita lea mea e siahu ovi, aea e ara vei vavavi itoro ari roi, Ierusalema voa aeata Iudea, Samaria ita ve soa foromai voa, aeata tetetete mearovaeka ve itua‐tao itua‐tao voa.

Aposetolo 14:25

Ereuka Perega voa o itoro a’ roroka lei, ereuka Atalia voa fauka isaipe.

Aposetolo 16:6

Soka ere sariva lei lei Furugia aeata Galatia ve soa ve aru voa teraiape, ipi Safu Arahoha Lareva sa ere Asia soa voa itoro ari vei o erere ōpe eavia.

Aposetolo 17:11

Mea karu ere haiiri pisasa karu, Tesalonika karu ere feare kao; ipi ere o mapai vei haikakare lei, ere Safu Karoro saresare haisukafori muti muti lōvoa siseita o, Paulo ve o ita usoso leitita varo lea la ore leiti vei.

Aposetolo 26:16

A—, itei, ave mora sa soi pavaia. Ara aro tai foreraita ipi meha, aro lei a arave tivi vita leiti vei; a ofae eavaita lea etau, aeata ara aite voa aro muia a ofae aite eavai vei leita lea etau ita la o pisiri omoi vei.

Aposetolo 4:20

Ipi elaka ofae eovi aeata mapaivota lea etau vei elaka laua sukavai auke leitita, usoso kakaeite kofa.

Aposetolo 8:4

Soka toa liōveōpe karu sa Ovoro Lareva la mea foromai voa itoro ōvovo terōpe.

Roma 15:16

ara Keriso Iesu ve tivi toaraita vita toru hariaharia karu vei tivi leiti vei. Ara maso tivi karu feare lei, Ualare ve Ovoro Lareva la itoro ari vei, toru hariaharia karu la maravi erero lei, Safu Arahoha sa lei ovava leita meru feare Ualare ve omopa voa omopa posaseai vei.

1 Korinito 4:1

Karu ela vei hai mō kaeaia, ela Keriso ve toaraita tivi karu, aea Ualare ve hohore o la kiva lei roroaita karu.

Heberu 2:3

A—, ereita sa fareōvi makuri leita soa la haiarara leitit’ oria, ereita leafeare safaukai roi? Mea fareōvi makuri leita ovoro la Papuvita sa oarehōva itoro voa ōpe, aea arero mapōpe lea karu sa lea o ve okofa o la ereitaro lōri muiōpe.

1 Petero 5:1

Soka e voa pepeita opasora‐sora karu la kureaita o meha. Ara ta omopa sora karu aea ara ta Keriso sa leipe hehea la ofae eovi okofa moita karu aea, muiai vei leitita lea sosorusosoru voa ara ta soa ita karu aea.

2 Petero 1:16

Ipi ela ereitave Papuvita Iesu Keriso siahu ita foreraita soa ve o la ero omoipe lea vei, ela maeahahauhahau sa leipe apeva fari la seseari omoi kasirau; a—, ela arero areve basileia ve siahu ita la elave elore ofae sa etakofa eavōpe.