Kolose 3:3 - Testamenta Áre 1983 (Toaripi PNG)

³ Ipi e opai feare leipe, aea eve makuri kofa Keriso ita Ualare voa arorisa roroa vovea.

Kolose 3:3 Iomraidhean Croise

Mataio 11:25

Lea mea Iesu o mō moipe, Oa, kauri ita mearovaeka ita ve Papuvita e, ara aro maeati ipi a mea etau la haiore ita haiiri pisasa ita karu voa arorisa laisisea, a—, erero haiiri tero karu la muiai.

Ioane 14:19

Soa taheka haria la eaea, lea ve aite voa mearovaeka araro ofae levi eavai roi, a—, e araro ofae eavai roi; ipi ara sa makuri leipeta lea vei, e ta makuri leiti roi.

Ioane 3:16

Ipi Ualare mearovaeka la maeaforoe mōri leipe: are areve Atute farakeka haria la miarōpe, ipi arero sukaerereaita lea karu foromai la levi saroroapai roi, a—, ere peita makuri la ovai vei.

Ioane 4:14

a—, ara sa arero miaraita ma la larita lea karu are kōvōre‐tolo ata levi lei pepe peava roi; a—, ara arero miaraita ma areve iri voa popi, popotoa popotoa peita makuri voa forerai vei.

Ioane 5:21

Usoso Oa opai karu la moravi erero lei makuri leitita lōfeare, Atute ta lōfeare are haikaeaita lea karu la lei makuri lei vovea.

Ioane 5:24

Ara okofa ita ero o la moi, Arave o la mapi, aea araro itapōpe Ualare la sukaerereaita lea karu peita makuri ovaita reha; are seseōvi tava miaraita soa voa levi forerai roi, a—, are opai soa la kiripi makuri voa foreri laipea.

Ioane 5:40

a—, e makuri ovai vei araro tai koti haikaeai sore.

Roma 5:10

Omopa soa ereita Ualare ve ote karu lei roroaiape, a—, are areve Atute ve opai sa ereita ita lei totoeōpe. Faitora soa ereita are ita totoea roroka lei, ereita makuri ta ovai roi Keriso ve lea makuri voa.

Roma 5:21

Usoso iri kaiae sa opai voa harofave vita leiape, lōfeare Ualare ve maeaforoe sa ereitaro lei are ita haura lei, harofave siahu ovi ereitaro peita makuri soa voa lariōvaitore Iesu Keriso ereitave Papuvita vei.

Roma 6:11

E ta lōfeare, e hai mō kaeaia, e kaiae voa opi kaleipe, a—, Keriso vei e makuri Ualare voa lei vovo la roroa.

Roma 6:2

Kakaeite kofa! Kaiae leita mai vei ereita opai feare lei, ereita are voa leafeare makuri lei roroava roi?

Roma 8:2

Ipi Keriso Iesu vei ereitaro lei makuri leita Arahoha sa leita lea mai voa araro iri kaiae aeata opai sa leita lea mai voa araro felaukea paraea mea.

1 Korinito 15:45

Ipi Safu Buka voa o mō uka sisea, Omopa kofa Adamu makuri karu leipe, a—, aite kofa Adamu makuri miaraita arahoha reha.

1 Korinito 2:14

Maeasarōva haiiri ita karu ere Ualare ve Arahoha ve etau la sukavutea vovea, ipi lea etau ere voa maeakakare, aea ere ereve eite ta ore leiti sore, ipi erero Arahoha ita haiiri sa seseōvi ore leititore.

2 Korinito 5:14

Ipi Keriso ve haikakare vei ela haiiri haria ovaita ore kao; ela haiiri seseōvi roroka loita meha, heavita farakeka karu foromai vei opōpe lea vei, karu foromai ta opōpe reha;

2 Korinito 5:7

ipi ela sukaerereaita haiiri voa roroa vovea, ofae sa eovi roroaia kao.

Galatia 2:20

Araro Keriso ita satauro sa paeōpe, aea makuri ata leita lea karu ara kao, a—, Keriso reha, arave iri voa makuri lei vovo meita lea Vita, aea ara maeasarōva voa leita lea makuri, ara Ualare ve Atute la sukaerereaita haiiri voa makuri lei vovo mea vovea, araro haikakare lei, areve maea la ara vei au miarōpe lea Vita voa.

Efeso 3:9

aea etau foromai la pisosipe Ualare are evera soa itiiti faitora arorisaita lea haiiri ve eite la ara sa karu foromai la muiai vei.

Filipi 4:7

Soka Ualare ve tairu, karu sa seseōvi ore auke leita lea tairu, eve haiiri aea eve haikaeaita la Keriso Iesu voa kiva lei meava roi.

Kolose 1:5

Ipi e sa tai vovo roroa e vei toutea miavaita lea etau ia kauri voa, usoso e sa Ovoro Lareva ve o kofa voa evera mapōpe lōfeare.

Kolose 2:20

E Keriso ita fareho opōpe lea mea, e mearovaeka ve siahu etau hariaharia voa lōri safauka paparaea la roroa. Soka e mearovaeka ve karu fefeare roroaita ipi levea? E mea safu o la mapi kakeva leitita ipi levea?

Kolose 2:3

Ipi are haria voa Ualare ve haiovoro aea haiore ita ve etau foromai la toea milafuka laisisea.

Kolose 3:4

Ereitave makuri ve eite Keriso reha, aea are pisirikao foreraita lea mea, e ta are ita sosorusosoru leita soa voa forerai roi.

Heberu 7:25

Lea vei are rofo ia are voa Ualare tai haekao voa foreraita lea karu la lei makuri leiti vei, ipi are pea vovea ere vei Ualare la loki taupai vei.

1 Petero 3:4

a—, eve iri karu voa moupa araia, puruta leitita ore auke etau, haimafu leita foroe hai ove voa, Ualare ve soso voa tava rovaea pisoso etau reha.

1 Petero 4:2

Lea vei eve makuri mearovaeka voa roroaita mea soa hohoi voa, karu sa haikakare araita lea mai maealolo la levi leitia, a—, Ualare sa haikaeaita lea mai la leitia.

1 Ioane 3:2

Haikakare leita paumarehari e, ereita faitora Ualare ve atutemori, a—, ereita aite mai leafeare roroava roi, lea etau ereita haiiri ovava leitia kao. Ereita mea la haria ore, Keriso sa pisiri lei foreraita soa, ereita areve soso feare leiti roi, ipi ereita areve soso kofa la ofae eavai roi.

Apokalupo 2:17

Karu mapaita ōvauta ita oria, Arahoha sa ekalesia firufiru la moita mea o la mapaia. Sapataita lea karu la ara milafuka eaeita mana hea la miarai roi, aeata ara fave koru maea‐sea arero ta miarai roi, lea fave voa rare áre ia, karu haria lea rare ore kasirau, a—, ovaita lea karu sa haria ore.