Kolose 2:2 - Testamenta Áre 1983 (Toaripi PNG)

² Arave mai lōfeare ipi e foromai ve haiiri la lei rofo leiti vei, eve haiiri haikakare voa totorea foia farakeka lei, e ovava kofa haiiri sa ovaita pisoso la ovai vei. Lōfeare e foromai Ualare ve hohore etau la ore leiti vei, lea ve eite Keriso reha.

Kolose 2:2 Iomraidhean Croise

Mataio 11:25

Lea mea Iesu o mō moipe, Oa, kauri ita mearovaeka ita ve Papuvita e, ara aro maeati ipi a mea etau la haiore ita haiiri pisasa ita karu voa arorisa laisisea, a—, erero haiiri tero karu la muiai.

Mataio 11:27

Etau foromai la arave Oa sa araro miōri laisisea. Karu farakeka aea Atute ve eite kofa la ore kasirau, a—, Oa sa haria; aea karu farakeka aea Oa ve eite kofa ta ore kasirau, a—, Atute sa haria, aeata Atute sa Oa la muiai haikaeaita lea karu ta reha.

Mataio 13:11

Are tava o mō ōpe, Ualare ve basileia ve hohore etau la ero miōri, e sa ore leiti vei, a—, erero miarai kao.

Luka 1:1

Teofilo lareva e, ipi karu rauapo sa ereitave aru vo lei foreraiape mai ve fari la ukai vei seseōvaiape,

Ioane 10:30

Elaka Oa ita farakeka reha.

Ioane 10:38

A—, ara lea tivi la leitit’ oria, e araro sukaerereai haikaeai auke leitita, a—, lea tivi vei sukaerereaia. Lōfeare voa e haiiri fapi ore leiti roi Oa are arave iri voa, aea ara ta Oa ve iri voa.

Ioane 16:15

Arave Oa ve etau foromai arave; lea vei ara o mō aipea, Are ara voa mapaita lea o la ovi ero omoi roi.

Ioane 17:3

Peita makuri meha: ere a Ualare kofa farakeka lea la ore leiti vei, aeata Iesu Keriso, a sa itapōpe lea vita ta reha.

Ioane 5:17

A—, Iesu tava o erero mo ope, Arave Oa sa itiiti faitora tivi lei vovea; ara ta tivi la leipea.

Ioane 5:23

karu foromai Atute la taivotai vei, ere sa Oa la taivotaita lōfeare. Atute la taivotai auke leitita lea karu, Atute la itapōpe lea Oa ta taivotai sore.

Ioane 6:69

A Ualare ve Safu Vita lareva ela lea la sukaererea ore lei la roroa meha.

Aposetolo 4:32

Soka lea sukaerereaita karu foromai farehoria haiiri farakeka aeata ove farakeka ita pepeiape. Ere voa karu farakeka aea areve maea ve etau vei areve elore etau o moi kasirau; a—, ere ereve etau foromai farehoria maravai vei kokorukaiape.

Roma 15:13

Au tai vovo roroaita haiiri la miaraita lea Ualare, e sa sukaerereaita lea vei hailareva foromai tairu ita ero miōri miōri soaria, aea lea au taita haiiri la Safu Arahoha sa lei asi rovaea leitia.

Roma 16:25

Ereita Ualare la maeatia. Are ero lei rofo leita ore eve sukaerereaita haiiri voa, usoso ara itoro arita o, Iesu are Keriso lea ovoro feare, aeata usoso evera kofa soa voa omoi auke lei murufakao eaeiape lea hohore o feare.

Roma 2:4

A Ualare la tore auke leita varo, ipi areve maeaforoe rovaea, areve morarita mai aea areve haimafu ita vei. A ore kao ei? Ualare ve maeaforoe ve eite aro kurea haiiri kerorita otiharo voa aro lariōvai vei.

1 Korinito 14:31

Ipi e karu foromai eve elore soasoa voa peroveta o arita ore, karu foromai la satiriōri vovoro lei kureai vei.

1 Korinito 2:12

Ereita mearovaeka ve arahoha la ovai kasirau, a—, Ualare voa foreraita lea Arahoha, ereita Ualare sa au miaraita lea meru la ore leiti vei.

Galatia 3:28

Soka e Iuda karu ō Helene karu kao, e fasaita sarufa karu ō pisiri lei roroaita karu kao, e vita ō ua lōfeare faeafaea oita karu kasirau, a—, e foromaiapo Iesu Keriso voa farakeka.

Efeso 1:7

Ipi Keriso ve sisapōpe ovo sa ereitaro paraea, ereitave kaiae la felaukea mutapaita reha, Ualare ve maeaforoe ve meru rovaeka kofa vei.

Efeso 3:16

arero loki lei, areve sosorusosoru ve pisoso etau rauapo fefeare, are areve Arahoha sa siahu ero miarai vei, eve iri karu la lei rofo rovaea leiti vei,

Efeso 3:3

Ualare areve murufa haiiri la araro muia lei ore leipe, usoso ara lea etau vei o harua evera ukōpe lōfeare.

Efeso 6:22

Ara arero ero tai lea vei la itapai reha, e elave fari la ore lei, aea are sa eve haiiri la rofo leiti vei kureai veia.

Filipi 2:1

E Keriso voa foreraita rofo la ore lei, aea areve haikakare sa ero lei vovoro leitita, e Arahoha ita fareho lei, elore elore haiiri mafu aeata maeaforoe ita lōri leitita,

Filipi 3:8

Okofa, ara etau foromai la eite auke etau feare seseōvai, ipi etau larevaeiteapo meha, Keriso Iesu, arave Papuvita la ore leiti vei. Ipi are vei ara arave etau foromai la lei veverapi kalei la mea, ara lea etau la usoso roro feare seseōvi, ara Keriso la ovi

Kolose 1:26

Lea o hohore etau, evera soasoa aea karu ve taotao ase‐ase voa milafuka eaeiape; a—, faitora areve karu sa ofae eavai vei pisiri muiaita meha.

Kolose 1:27

Ipi Ualare sa haikaeaita haiiri meha, toruipi hariaharia voa areve karu la mea sosorusosoru rovaea ve hohore etau la muia lei ore leiti vei. Lea ve eite mōfeare, Keriso eve iri voa laipea, aea e lōfeare vei Ualare ve sosorusosoru voa soa ovai roi.

Kolose 1:9

Soka lea etau foromai vei ela eve fari la mapōpe lea sare voa itiiti faitora, ela e vei Ualare la loki lei lei poetapai sore. Ela arero loki are areve haikaeaita mai la areve Arahoha sa miaraita haiore aea haisesera ita sa ero lei ore foromai leiti veia.

Kolose 2:19

Are ekalesia ve harofave, lea ve eite Keriso voa topiari mei vei kiripi, hariakao mea. Eite Keriso voa maea foromai, hauhau ita, maea ve elele ita ilafisa, Ualare sa haikaeaita mai feare asa vovea.

Kolose 3:14

A—, lea etau foromai ve arori voa haikakare ta puta feare mopaia; lea leita mai foromai la toepi lei farakeka leita etau are reha.

Kolose 4:3

Ualare la ela vei ta loki leitia, are utape ela vei fapi, ela Keriso ve hohore o la itoro ari vei; araro fasi peipeta ipi reha.

Kolose 4:8

Ara arero ero tai la itapai, e elave leita mai la ore lei, aea are sa eve haiiri ta rofo leiti vei kureai vei.

1 Tesalonika 1:5

Ipi ela itoro ōvota Ovoro Lareva e voa o sa haria forerai kao, a—, siahu ita, Safu Arahoha ita, aea lea Ovoro ve okofa vei sukaerereai rovaea ita ta foreraita. Elave leivōta mai e vei eve soso voa leafeare e lea la ore.

1 Tesalonika 3:2

aea elakave marehari, Timoteo, Keriso ve Ovoro Lareva voa elaka ita fareho Ualare ve tivi leita karu la ero tai itapi kavai vei, ero lei rofo lei eve sukaerereaita haiiri la toarai vei,

1 Tesalonika 5:14

Paumarehari e, ela mea etau vei ero o serea ita haisa la moipea; tivi paraea au roroaita lea karu la kureaia, haiiri tivutivu karu la lei rofo leitia, rofo auke karu la toaraia, aea karu foromai la moraria.

1 Timoteo 3:16

Okofa‐kofa‐eite, ereitave Ualare la taivotaita ovoro are hohore o rovaea kofa: Are maeasarōva lei pisiri voa muia, Arahoha sa are vei haura o a’, aneru sa arero ofae eavōpe. Torutoru karu ve aru voa o are vei itoro a’, mearovaeka voa mapi sukaererea, sosorusosoru voa arero fareōvi pataipe.

Heberu 10:22

Lea vei ereita haiiri kofa ita, sukaerereaita haiiri foromai ita, Ualare tai hōiri forerai vei, ereitave haiiri la ma sa uka mai maealolo la kakeva leita haiiri la fari mutatapai vei, aea ereitave maea la ma ovava voa sukoi vei.

Heberu 6:11

Elave haikaeaita haiiri rovaea meha, e karu foromai lōfeare haihahari lei vovo roroava, tetete soa sarapaita soa voa, lea vei e au taita lea etau la e maravai roi.

2 Petero 1:10

Lea vei, paumarehari e, haiiri rofo foromai ita Ualare sa ero isa ero haikaea maravaita lea la lei okofa leiti vei, ipi e lōfeare leitita, a—, e safosafoa levi putoi roi.

2 Petero 1:3

Ualare ve siahu sa ereitaro etau foromai la miōri la roroa, ereita Ualare sa haikaeaita haiiri feare makuri lei roroai vei, areve elore sosorusosoru aea lareva‐eiteapo voa ereitaro isōpe lea Vita vei.

2 Petero 3:18

A—, e ereitave Papuvita, ereitaro fareōvi makuri leita Vita, Iesu Keriso ve haiforoe leita meru aea haiore voa asi roroava. Are voa sosorusosoru leitia, faitora soa voa aeata lōri lei pepe peava. Amene.

1 Ioane 3:19

Ereita lōfeare mai voa ore leiti roi ereita okofa ita roroaita karu, aea ereitave haiiri ta rofo leiti roi Ualare ve omopa voa.

1 Ioane 5:7

Arahoha sa lea la ore lei okofa la moipea, ipi Arahoha are eite okofa.