Kolose 2:1 - Testamenta Áre 1983 (Toaripi PNG)

¹ Ara haikaeai e ore leiti vei, arave heafo rovaea e vei, aea Laodikea karu vei, aea arave soso la eavai auke leitita lea karu foromai vei.

Kolose 2:1 Iomraidhean Croise

Luka 22:44

A—, are haieae foromai lei loki taupi, areve orovea fei usoso ovo korukoru feare lei mea voa sisapaiape.

Aposetolo 20:25

Ara e foromai voa Ualare ve Basileia vei itoro ōvovo meiape. A—, faitora, mapaia, ara ore e voa karu farakeka aea arave soso ofae ata levi eavai roi.

Aposetolo 20:38

Ereve haisora rovaea ipi are o erero mōri moipe, ere areve soso la ofae ata levi eavai roi. Soka ere are ita fareho isei, vavaea voa arero toilalōpe.

Galatia 4:19

Arave haikakare atutemori e, ara ata usoso avasa pataita lou feare e vei hehea la leipea tetete e sa Keriso ve karu kofa leiti roi.

Filipi 1:30

E maola ta la toaipea, usoso e ara sa evera toōpe la ofae eavōpe lea maola feare, aeata e ara vei faitora mapaipeta mea fari feare.

Kolose 1:24

Ara faitora e vei leitita mea hehea voa hailareva la leipea, ipi arave maeasarōva voa leipeta mea hehea voa ara Keriso sa leipe hehea hohoi la lei kekese leiti vei la toaraipea, areve maea vei, eite ekalesia reha.

Kolose 1:29

Ipi lea etau la leiti vei ara tivi serea ita lei rofo miara vovea, usoso Keriso sa arave iri voa siahu ita tivi leipeta mai feare.

Kolose 2:5

Ipi ara maea sa e voa ára‐ita peita, a—, eite ara arahoha ita e voa farehoria pea vovea, aea ara hailareva ipi ara e metakao soi popōvi, Keriso la lula auke ita sukaerereaita mai la ofae la eavaipea.

1 Tesalonika 2:2

Eite e ore kofa ela Filipi voa omopa hehea lei, elaro ivara eokere ita hasiavavota; a—, ereitave Ualare sa elaro lei maea karōva lei Ualare ve Ovoro Lareva la, sukavuteaita mai rauapo ve aru voa, ero itoro ari vei.

Heberu 5:7

Iesu sa maeasarōva maea lei meiape lea sare sare voa, arero opai voa fareōvi lei makuri leitita ore leita lea Ualare la are fi o rovaea ita aea ovororo ita veveu toa loki taupōpe. Ipi are sa haiiri‐ipi lei taivotaipe lea vei, Ualare arero mapōpe.

1 Petero 1:8

E arero ofae eavai auke voa arero haikakare araitore, aea e arero au sukaerereai vovea. Eite e faitora arero eavai sore, aea e omoita ore auke hailareva foromai rovaea la leipea;

Apokalupo 1:11

mō ōpe, A ofae eavaipeta mea etau la buka voa ukaia, aea arero ekalesia seven voa itapaia, Efeso voa, aea Semurana voa, aea Peregamo voa, aea Tuatira voa, aea Saradisi voa, aea Filadelefia voa, aea Laodikea voa.