Kolose 1:3 - Testamenta Áre 1983 (Toaripi PNG)

³ Ela Ualare la e vei loki leitita lea mea‐mea ela ereitave Papuvita Iesu Keriso ve Oa Ualare la maeati vovea;

Kolose 1:3 Iomraidhean Croise

Roma 15:6

e farehoria ape farakeka ita, Papuvita Iesu Keriso ve Oa Ualare la maeati o a’ sosorusosoru leiti veia.

1 Korinito 1:4

Ara Ualare la e vei maeati vovea, Ualare ve haiforoe leita meru, Keriso Iesu voa e ovi roroaita lea meru vei.

2 Korinito 1:3

Ereita Ualare la maeatia; are ereitave Papuvita Iesu ve Oa, maeaforoe leita Oa, aea vovoroka kofa leita Ualare.

Efeso 1:15

Lea vei e sa Papuvita Iesu la sukaerereaita, aea e sa Ualare ve karu foromai la haikakare araita lea fari la mapōpe soa itiiti faitora,

Efeso 6:18

Soa foromai voa Arahoha ita veveu lei loki taupi lei vovo roroava. Ovoako lei haiiri rofo ita Ualare ve karu vei loki poetapai auke ita lei vovo roroava.

Filipi 4:6

Etau hariaharia vei haikavora levi leitia; a—, etau foromai vei veveu lei loki ita maeatita o ita eve haikaeaita haiiri Ualare la lei ore leitia.

Kolose 1:13

Are ereitaro murumuru ve siahu voa fari, areve haikakare leita Atute ve basileia voa vipi vipi laepepea;

Kolose 1:9

Soka lea etau foromai vei ela eve fari la mapōpe lea sare voa itiiti faitora, ela e vei Ualare la loki lei lei poetapai sore. Ela arero loki are areve haikaeaita mai la areve Arahoha sa miaraita haiore aea haisesera ita sa ero lei ore foromai leiti veia.

1 Tesalonika 1:2

Ela soa foromai Ualare la maeati vovea e foromai vei, aea ela Ualare la loki leita soasoa foromai voa eve rare la ō vovea.

2 Timoteo 1:3

Ara usoso arave papa sa leiape mai feare, seseōvaita haiiri haura ita Ualare la maso toaia soasoa voa, ara faita ita sare ita aro haikaeaita lea meamea, ara Ualare la maeati vovea.