Iuda 1:6 - Testamenta Áre 1983 (Toaripi PNG)

⁶ Aea aneru hea ta reha; ere ereve tivi soa kofa voa haiiri usoso auke lei, ere sa pepeiape lea oti la kiripōpe. Kiripi, Ualare erero murumuru soa ve iri voa peita auri horou sa fasi, ere lōvoa popōvai roi pepepe lea sare rovaea ve seseōvi tava miaraita soa voa.

Iuda 1:6 Iomraidhean Croise

Mataio 10:15

Okofa ara ero o la moi, seseōvi tava miaraita lea sare voa Sodoma aea Gomora kaiae ve tava pasoa ovai roi, a—, lea karikara kaiae ve tava pasou rovaea ovai roi.

Mataio 25:41

Soka are areve mai ava voa pepeita lea karu la mō ari roi, Kaiae rare arita karu e, araro kiripi, Diabolo aea areve aneru ita vei kekese lei sasoita a voa teraia.

Mataio 8:29

Soka ereuka i rovaea ita mō isa moipe, Elaka a ita leati roi, Ualare ve Atute e? Elaka ve soa kofa areapo, a—, a elakaro lei hehea leiti vei koti mea ei?

Ioane 8:44

E eve oa Diabolo voa foreraita atutemori, aea e eve oa sa haikaeaita mai la e haihahari ita lei vovea. Oarehōva soa voa itiiti faitora karu la paeaita vita are reha, aea are okofa voa pei sore, ipi okofa areve iri voa eaei sore. Are o apeva la arita, areve omoita mai kofa reha; ipi are apeva vita kofa, aea apeva foromai ve oa.

Roma 2:5

A—, a ōvafae kere eavia, a kitou la a vei toea miava vovea, miavi miavi kitou rovaea ve sare voa, Ualare sa seseōvi tava miaraita mai haura la pisiri voa muiaita lea soa.

Efeso 6:12

Ipi ereita maola maeasarōva ovo ita karu ita toai sore, a—, harofave soa ve siahu ita karisu hariaharia, aea mearovaeka ve murumuru ve lohio karu aea arori ve soasoa voa popōvi kaiae leitita arahoha rauapo ita ta reha.

Heberu 10:27

A—, seseōvi tava miaraita soa la tore ita tai vovo roroaita, aeata hehea rovaea ita sosoita a sa Ualare la sukavuteaita lea karu la sa’ saroroapai vei.

2 Petero 2:4

Ualare lea kaiae leipe aneru la maeaforoe auke lei, erero opai karu ve oti voa toapi erero lea murumuru toru‐uta karera voa soa seseōvi tava miaraita Sare la tai vei sasauka laepepea.

2 Petero 2:9

Soka Ualare la taivotaita karu erero seseōvai vei vuteaita etau la sukaeaita lea mea, Papuvita erero fareōvi makuri leitita ore, aeata mai kaiae leita karu la fasi sasaukaita ore tetetete seseōvi tava miaraita lea Sare voa.

Iuda 1:13

Ere usoso ma seseaita aro‐aro fefeare, ereve maeamariti usoso ma soare fefeare lei pisiri muia vovea. Ere kerori kerori ōvovo roroaita kauri koru fefeare, faita muru ve mea‐uru ere vei kekese lei la eaea.

Apokalupo 20:10

Aea erero apeva vuteaiape lea Diabolo la sarita a aeata solifara ita ve sitoi voa toapōpe, animala ivara eokere aea lea apeva peroveta karu ita la omopa toapōpe lea sitoi voa. Lōvoa ere sare ita faita ita hehea lei vovo roroava roi.

Apokalupo 20:2

Are lea eli, evera soa voa peiape lea ikaroa, Diabolo aeata Satani rare la aravōpe lea eli la sukafori, arero sisoro 1,000 voa eaei vei fasōpe.