Iuda 1:3 - Testamenta Áre 1983 (Toaripi PNG)

³ Haikakare paumarehari e, arave haiiri rovaea ereita Iesu Keriso voa farehoria ovaita lea lei makuri leita siahu vei karoro uka ero tai itapai vei. A—, lea soa haikaeaita haiiri haria sa foreri, ara ero tai utohoa ukai ero kureai vei, e Ualare areve karu la soa farakeka haria miarōpe ereita sukaerereaita lea ovoro la e rofo foromai ita kiva leiti vei.

Iuda 1:3 Iomraidhean Croise

Aposetolo 17:3

o ve eite erero satiriōri, Keriso hehea leiti vei, aea opi ata itoi vei lea ve ipi kofa erero muia muia mō ōpe, Mea Iesu, ara ero itoro aipeta lea vita are Keriso reha.

Aposetolo 18:28

Ipi are Iuda karu ita karikara pisiri voa o elore elore i a’ arero sapatei, Iesu are Keriso lea o ve okofa la Safu Karoro sa ovi erero muiōpe.

Aposetolo 20:27

Ipi ara Ualare sa haikaeaita mai foromai la ero omoi vei, haiarara leiti kakaeite.

Aposetolo 28:28

Lea vei ore leitia, Ualare karu la fareōvi makuri leita o toru hariaharia karu tai itapaita meha, ere mapai roi. [

Aposetolo 4:12

Lei makuri leita siahu karu haria voa eaei sore, ipi kauri ve ora voa, aeata karu ve aru voa, Ualare rare haria miarai kasirau, ereitaro lei makuri leita rare farakeka sa haria reha.

Aposetolo 6:7

Soka Papuvita ve o fafarapi, aea Iesu la sukaerereaita karu Ierusalema voa au topiari sitavu sitavu leiape, aea maso tivi karu rauapo ta lea satiriaraita o la kakeva leiape.

Aposetolo 9:13

A—, Ananiasi tava o mō ōpe, Papuvita e, ara karu rauapo voa mea vita ve fari la mapai, are Ierusalema voa ave maso karu la leita lea maealolo.

Aposetolo 9:22

A—, Saulo itoro a’ rofo ata au topiaraiape, aea Iesu Keriso kofa reha, lea o la okofa mei mei, Damasko voa pepeiape Iuda karu areve o la sukavuteai vei usoso leiti kao.

1 Korinito 15:3

Ipi araro miōri ara evera ovōpe, omopa kofa o la ara ero ta miaraiape; o meha, Keriso ereitave iri kaiae vei opōpe, usoso Safu Buka voa uka siseita o fefeare;

Galatia 2:5

A—, eite ela maeapatoita leiti kao, aea ora farakeka aea voa erero mapi kakeva leiti kasirau kofa, ipi Ovoro Lareva ve okofa la lei e voa pei veia.

Galatia 3:28

Soka e Iuda karu ō Helene karu kao, e fasaita sarufa karu ō pisiri lei roroaita karu kao, e vita ō ua lōfeare faeafaea oita karu kasirau, a—, e foromaiapo Iesu Keriso voa farakeka.

Galatia 6:11

E ofae eavaita ore, ara karoro o metameta ita mea o la ero ukaita meha.

Efeso 1:1

Paulo, Keriso Iesu ve aposetolo, Ualare sa araro haikaea ovōpe lea vei, arave karoro meha; Ualare ve karu Efeso voa, Keriso Iesu la sukaererea roroaita lea karu veia:

Filipi 1:1

Paulo auka Timoteo ita, elaka Keriso Iesu ve sarufa karu oraka sa ukaita karoro meha; Filipi voa pepeita Ualare ve karu foromai vei, aea ekalesia la kiva leita harofave karu aeata diakono ita vei ta reha:

Filipi 1:27

Soka etau rovaea meha, e makuri lei pepeita lea mai la lei usoso Keriso ve Ovoro Lareva ve mai feare leitia; lea vei ara ero ofae eavai vei foreraita varo, a—, ára‐ita peita varo, ara mea fari e vei mapai roi, e arahoha farakeka ita kere soi laepepea, aea haiiri farakeka ita Ovoro Lareva la sukaerereaita mai vei farehoria ivara lei,

Kolose 1:2

Ualare ve karu Kolose voa, Keriso voa pepea sukaererea vovo roroaita lea maraiosu veia: Ualare ereitave Oa sa haiforoe leita meru aea tairu ita la ero miarai peava.

1 Tesalonika 2:2

Eite e ore kofa ela Filipi voa omopa hehea lei, elaro ivara eokere ita hasiavavota; a—, ereitave Ualare sa elaro lei maea karōva lei Ualare ve Ovoro Lareva la, sukavuteaita mai rauapo ve aru voa, ero itoro ari vei.

1 Timoteo 1:18

Arave atute Timoteo e, usoso oarehōva soa voa a vei moipe lea peroveta o feare la ara aro tai ata haisa mei itapaita meha, a lea o la ovi mare lareva haukai vei,

1 Timoteo 6:12

Sukaerereaita haiiri ve mare lareva haukaia; peita makuri la ovaia, a lea makuri la ovai vei Ualare sa aro isōpe, a aruru karu rauapo ve soso voa ave haiiri ve tava o lareva la moipe lea mea.

2 Timoteo 1:13

A arave ape voa mapaiape lea ovoro kofa voa a mai lōri leiti vei kere ita seseari, aea Keriso Iesu la sukaerereaita mai aea haikakare ita lei vovo meava.

Tito 1:4

Mea karoro Tito veia, arave atute kofa ereita sa sukaerereaita lea haiiri farakeka voa: Oa Ualare aea Keriso Iesu ereitaro fareōvi makuri leita Vita sa haiforoe leita meru aea tairu ita aro miarai peava.

Heberu 13:22

Ara ero loki la leipea e arave kureaita ovoro la mapi ovaia, ipi ara sa e vei lei ukaita karoro savori kao.

Heberu 6:9

A—, haikakare e, elave o lōfeare arita, a—, ela e vei haiiri horahora kao. E leita mai lareva ore, aea e lōfeare voa fareōvi makuri leita soa la ovai roi.

1 Petero 5:12

Ara mea karoro harua la mei Silasi ve mai sa ukaita meha. Are ereitave marehari kofa, arave haiiri reha. Ara haikaeai ero kurea lei rofo leiti vei, aeata ero o mō la moi, Ualare ve haiforoe leita meru kofa meha; are voa kere pavaia.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

2 Petero 2:21

Ere haura ve otiharo la ore auke leitita lea taheka lareva ia; a—, arero ore leitita lea ve aite voa erero miaraita safu o la kiripi ata kerorita lea lareva kasirau kofa.

Iuda 1:1

Iuda, Iesu Keriso ve fasaita sarufa, Iakobo ve marehari, sa itapaita karoro meha; Oa Ualare sa haikakare lei, erero haikaea isa, aea Iesu Keriso sa kiva lei roroaita lea karu veia.

Iuda 1:17

A—, haikakare paumarehari e, ereitave Papuvita Iesu Keriso ve aposetolo karu sa moiape lea o la haikaeaia.

Iuda 1:20

A—, eo, haikakare paumarehari e, eve makuri la eve sukaererea safu leita haiiri ve arori voa vipi, Arahoha lareva la ovi Ualare la loki lei,

Apokalupo 12:11

Ere Mamoe Mere ve ovo ita aea ere okofa moita lea ovoro ita sa diabolo la sapataita meha. Erero paeai vei leipe soa ere ereve elore makuri la haikakare leiti kasirau.

Apokalupo 2:10

Aro lei hehea leiti vei leitita lea etau la tore levi leitia. Mapaia, Diabolo sa eve karu hea la dibura uvi voa fasi sasaukai vei la roi, ero seseōvi ore leiti vei, aea e sare ten voa haisora ita popōvai roi. A—, araro sukaererea haiiri rofo ita lei peava, tava opai la sukaeaita, a—, ara makuri ve kekeva aro miarai roi.