Iuda 1:16 - Testamenta Áre 1983 (Toaripi PNG)

¹⁶ Ere o vituvitu oita karu, ere o poporu ō vovea; ere areve haiiri maealolo la haihahari ita lei vovea. Ere ereve elore maea o hiva rovaea a’ aea karu haria la lohalai lei maeatitore, ere haikaeaita etau etau la ere voa maravai vei.

Iuda 1:16 Iomraidhean Croise

Luka 15:2

A—, Farisea karu aea Safu Karoro ore karu o ruruku a’ mō ōpe, Mea vita iri kaiae karu la maeafukapi larietau ere ita fareho larō vovea.

Luka 19:7

A—, karu foromai lea la ofae eovi o ruruku a’ mō ōpe, Are iri kaiae karu ve uvi voa pavai vei teraita reha.

Luka 5:30

Soka Farisea karu aea ereve Safu Karoro ore karu ere o vituvitu a’, areve satiriaraita karu la mō ōpe, E takis karu aea kaiae karu ita fareho larietau ma ita lalapeta ipi levea?

Ioane 6:41

Lea mea Iuda karu are vei o poporu ōpe ipi are sa mō ōpe, Kauri voa faukaita larietau ara meha.

Ioane 6:61

A—, Iesu areve elore haiiri voa ore lei areve satiriaraita karu sa ōpe o poporu vei, arero mō ōpe, Lea o sa ero lei safosafoai ei?

1 Korinito 10:10

Aeata o vituvitu levi aria, ere karu hea sa o vituvitu ape lōfefeare, aea erero Opai ve Aneru sa saroroapōpe reha.

Galatia 5:16

Ara o mō aipea, Ualare ve Arahoha la ovi kerori voa roroava, aea lōfeare voa e maeasarōva sa haikaeaita mai la levi leiti roi.

Galatia 5:24

Keriso Iesu ve karu firu ere ereve maeasarōva ve haihahari aea haikaeaita mai maealolo ita la satauro voa vitaita feare lei lōri paea kaleita reha.

Filipi 2:14

E etau foromai la o vituvitu auke ita, aeata o serea elore elore ari auke ita leitia.

1 Tesalonika 4:5

herei ita haihahari mai ita kao, usoso torutoru karu, Ualare la ore auke leitita lea karu fefeare.

1 Timoteo 6:5

aea maealolo seseōvaita haiiri, aea ere okofa la kiripaita lea vei, ereve o serea elore elore eite kasirau. Ere hai mō kaeaitore Ualare sa haikaeaita lea mai etau rauapo la maravaita mai reha.

2 Timoteo 4:3

Ipi soa aea forerai roi lea mea, karu erero satiriaraita lea o ve haura la levi mapai roi, a—, ere ereve elore haikaeaita mai la lei, satiriaraita papukaru la kokoruka ereve haikaeaita o la erero lei ore leiti vei.

1 Petero 1:14

Ualare la mapi kakeva leitita atutemori feare leitia. E evera haihaveva ita haikakare maealolo la leiape lea mai feare levi leitia;

1 Petero 2:11

Arave haikakare leita karu e, ara ero loki e elore mea auke lei maea merava ita roroaita lea vei, e maeasarōva sa haikakare leita etau maealolo, eve ove ita marehaukaita lea etau la haiarara lei kiripaia.

1 Petero 4:2

Lea vei eve makuri mearovaeka voa roroaita mea soa hohoi voa, karu sa haikakare araita lea mai maealolo la levi leitia, a—, Ualare sa haikaeaita lea mai la leitia.

2 Petero 2:10

Aeata mea kaiae meta‐meta la leitita karu ta reha: maeasarōva sa haikaeaita mu eokere mai la haihahari leita karu, aeata Ualare ve siahu o la sukavutea haiarara leitita lea karu. Mea apeva satiriaraita papukaru ere ivara eokere ita maeamarōva lei, arori ve sosorusosoru karu la o maealolo ari vei tore leiti sore.

2 Petero 2:18

Ere maeakakare o merava ita hiva a’, mai kaiae leita karu ve aru voa safauka makuri áre leipeta lea karu la ere maeasarōva sa haikakare leita mai maealolo ita voa kaiae leiti vei kurea vovea.

2 Petero 3:3

A—, mea etau omopa ore leitia, soa sarapaita sare sare voa ereve elore haikakare maealolo ita roroaita lea karu hea forerai roi. Ere ero area sa vutea a’

Iuda 1:15

karu foromai la seseōvi tava miarai vei, aea Ualare la taivotai auke leita lea karu la kaiae o ari vei, ere Ualare la sukavuteaita lea mai foromai vei, aea ere sa Ualare la arita lea o ivara eokere foromai vei.

Iuda 1:18

Ere ero mōfeare moiape, Soa sarapaita soa voa ero area sa vutea oita karu forerai roi, ere ereve elore haikaeaita mai la lei, Ualare la sukavuteai roi.