Iuda 1:12 - Testamenta Áre 1983 (Toaripi PNG)

¹² Mea karu eve larietau fareho kokoruka avi larita soasoa voa ere ma iri fave fefeare lei, eve kokorukai la lei hasiava vovea. Ere mamoe kiva karu, a—, ere irori mai sa lei ereve maea la savua vovea. Ere usoso fareovaita mea sa ovi soeaita lai auke mea‐e fefeare. Ere usoso fare taita pisahu voa fare tai auke leita tola fefeare lei, likilea ita aruavi fari, soa orakoria opaita reha.

Iuda 1:12 Iomraidhean Croise

Mataio 13:6

sare sa patei, erero toa hehea lei fefeōpōpe, ipi ere likilea seaupai kofa auke leipe eavia.

Mataio 15:13

A—, are tava o erero mō ōpe, Arave kauri Oa sa vipai auke leitita lea tola foromai la ipi ita aruovi farai roi.

Mareko 4:6

aea sare pataipe lea mea, erero toa hehea lei fefeōpōpe, ipi ere likilea seaupai kofa auke leipe eavia.

Luka 12:45

A—, lea sarufa vita areve haiiri voa o mō aritōva, Arave papuvita si‐si‐eite, aea are sarufa irave ita marisa ita la teavi sa’, larietau ma ita la la’ maeakakare leitita varo,

Luka 16:19

Soka pisoso vita farakeka sa peiape; are puta mohari mafu lareva ita mopi, aea sare foromai larietau tapare hailareva ita lape.

Luka 21:34

A—, e kiva kofa leitia, larietau rauapo aeata maeakakare leita ma la la’ la’, mea makuri ve haikavora leita etau ita sa eve haiiri la ovi aieri, lea sare ero tai hōvakao forerai ave.

Luka 8:6

Uiti mere hea fave mea voa sisapi siseiape; aea ere haiauru foreri au fefeōpōpe, ipi mea ma auke leipe eavia.

Efeso 4:14

Lōfeare vei ereita irave kaekae ata levi leiti vei, satiriaraita o hariaharia sa lei, mea sa toa fareōvi aea aroaro sa lei lō patai lō fauka leitita feare lei, karu ve maeahahauhahau aea ereve apeva sa kurea kaiae voa levi lariōvai roi.

Filipi 3:19

Ereve sisa soa saroroapaita oti voa, ipi ereve ére ereve ualare reha. Ere ereve maeamariti leita mai vei hiva ō vovea, aea ere mearovaeka etau vei haria haikaea vovo roroa vovea.

1 Timoteo 5:6

A—, areve maea sa mavauapa vovo meita lea ua lelesi, are makuri lei peita, a—, eite are opai voa mea vovea.

Heberu 13:9

Satiriaraita o merava hariaharia sa eve haiiri la kurea ovi levi roroava. Mai lareva meha, Ualare ve haiforoe leita meru sa ereitave haiiri la lei rofo leiti vei, larietau safu hariaharia voa kao, ipi lōfeare mai voa roroaita karu ere lareva leiti sore.

Iakobo 5:5

E mearovaeka voa etau lareva rauapo ita, hailareva lei la roroa. E eve maea la lei pakura la leipea paea opaita soa ve sare vei.