Iuda 1:1 - Testamenta Áre 1983 (Toaripi PNG)

¹ Iuda, Iesu Keriso ve fasaita sarufa, Iakobo ve marehari, sa itapaita karoro meha; Oa Ualare sa haikakare lei, erero haikaea isa, aea Iesu Keriso sa kiva lei roroaita lea karu veia.

Iuda 1:1 Iomraidhean Croise

Mataio 10:3

Filipi aea Batolomeo; Tomasi aea takis fareovaita vita Mataio; Iakobo Alefeo aea Tadeo;

Mataio 13:55

Mea vita kamuta karu ve atute kao ei? Areve lou ve rare Maria, aea areve mariosu Iakobo, aea Iosefa, aea Simona aea Iuda, ere kao ei?

Mareko 3:18

aea Anderea, aea Filipi, aea Batolomeo, aea Mataio, aea Tomasi, aea Iakobo Alefeo, aea Tadeo, aea Simona Selote karu,

Mareko 6:3

Mea vita are kamuta karu kao ei? Maria ve lea atute, aea Iakobo aea Iose aea Iudasi aea Simona ita ve paua? aea areve uarosu ereita ita fareho pepeia kao ei? Aea ere arero hilisi lei kitou leipe.

Luka 6:16

aea Iudasi Iakobo; aea Iudasi Iskariota, aite soa voa kivaia lei Iesu la paeai vei miarōpe lea vita.

Ioane 12:26

Karu aea arave tivi karu leitita, a—, are araro aitetaia, aea ara peita lea oti voa, arave tivi karu ta peava roi. Karu aea arave tivi la leitita, a—, arave Oa sa arero maeati roi.

Ioane 14:22

Soka Iudasi (lea Kariota karu kao) arero mō ōpe, Papuvita e, a elaro lei ela sa aro ofae eovi ore leiti roi, a—, mearovaeka la levi muiai roi ipi levea?

Ioane 15:16

E sa araro haikaea ovai kao, a—, ara sa ero haikaea maravi mea, aea ero o mei e te fare tai vei, aea lea fare ta kaleiti auke ita pepeava roi. Lōfeare voa e sa arave rare vei Oa loki leita lea etau foromai la are ero miarai roi.

Ioane 17:15

Arave loki o mōfeare kao, a erero mearovaeka voa farai vei, a—, ara aro loki a Kaiae Vita voa erero fari lei makuri leiti vei.

Ioane 17:17

Erero okofa sa lei safu lei ovava leitia; ave o okofa reha.

Ioane 17:19

Aea ipi ere vei ara arave maea la lei safu loi, erero ta okofa sa lei safu lei ovava leiti vei.

Ioane 6:39

Aea araro itapōpe Ualare sa haikaeaita haiiri meha, are araro miarōpe karu foromaiapo voa farakeka aea levi veverapai vei, a—, ara erero foromai la soa sarapaita sare voa moravi itoteai roi.

Aposetolo 1:13

Ere karikara voa oropi, ere pepeiape lea uvi ve arori lalava voa pataipe. Ereve rare meha: Petero, aea Ioane, aeata Iakobo aea Anderea ita, Filipi aea Tomasi ita, Batolomeo aea Mataio ita, Iakobo Alefeo aea Simona Selote karu, aea Iuda Iakobo.

Aposetolo 20:32

Soka faitora ara Ualare ve kiva voa aea areve haiforoe ve meru ve o voa ero miavaita meha. Are sa ero lei rofo leitita ore, aea aite kofa voa soa lareva ta ero miaraita ore, are sa areve safu karu foromai vei miavi kiva leita lea oti lareva voa.

Aposetolo 27:23

Ipi mea faita soa voa, Ualare ve aneru, lea Ualare ve karu ara meha, ara ta arero maso toa vovea, areve aneru araro tai soi pōvi mō arita,

Roma 1:1

Arao Paulo, Iesu Keriso ve ovi fasaita sarufa, Ualare sa araro haikaea isa ovōpe areve aposetolo lei mea, areve Ovoro Lareva la itoro ari vei.

Roma 1:6

Lōfeare karu sitavu voa, e Roma voa pepeita karu ta Iesu Keriso ve karu leiti vei isa isa laepepea meha.

Roma 16:18

Lōfeare karu ere ereitave Papuvita Keriso ve toaraita karu kao, ere ereve ére vei haria haikakare lei vovea. Ere o mafu, aea o lareva hahau‐hahau ita la maravi mei haiivavu karu la vuteaitore.

Roma 6:22

Soka faitora e kaiae voa felaukea paraea Ualare ve sarufa lei la roroa meha; e sa ovaita etau mōfeare, ovava lei arero taivotaita mai, aea lea mai voa foreraita sisa etau peita makuri reha.

Roma 8:30

Ualare sa haikaea maravōpe lea karu la are isōpe. Erero isa are erero are ita lei haura leipe; aea are haura leipe lea karu la lei, ere are ita fareho sosorusosoru leiti vei.

Roma 9:24

Lea etau fefeare eite ereita meha; are ereitaro isa maravi la roroa, Iuda karu voa haria kasirau, a—, toru hariaharia voa ta reha.

1 Korinito 1:2

Ualare ve ekalesia Korinito karikara voa, Keriso Iesu voa safu lei, Ualare ve karu leiti vei isaiape lea karu, aeata karu foromai otioti foromai voa ereitave Papuvita ve rare la isaita lea karu veia, ereve Papuvita aea ereitave ta reha.

1 Korinito 6:11

Eve karu hea evera lōfeare mai la lei vovo roroaiape, a—, ero ma uka ovava lei, ero safu sa lei lareva lei, aea Papuvita Iesu Keriso voa aea ereitave Ualare ve Arahoha voa ero lei haura lei la roroa meha.

Efeso 5:26

are arero bapatiso ma aea omoita o ita sa lei ovava lei, arero lōri lei safu leiti vei,

1 Tesalonika 2:12

e Ualare sa haikaeaita mai feare lei vovo roroai vei, areve sosorusosoru leita basileia voa forerai vei ero isaita lea Ualare.

1 Tesalonika 5:23

Tairu ve Ualare, are kofa sa ero lei areve karu leiti vei, aea eve arahoha ove ita maea ita maeamakora la kiva lei, e kaiae auke leiti roi, ereitave Papuvita Iesu Keriso sa kotita soa voa.

2 Timoteo 1:9

Are ereitaro fareōvi makuri lei, aea safu mai ita lei vovo roroai vei ereitaro isōpe, usoso ereita sa leita lea mai feare kao, a—, are sa haikaeaita lea haiiri vei, aea areve haiforoe leita meru feare. Mearovaeka forerai auke soa voa lea haiforoe leita meru are sa Keriso Iesu voa ereitaro everori miōri kekese leipe,

2 Timoteo 4:18

Papuvita sa maealolo leita etau foromai voa araro fareōvi, aea areve kauri basileia voa araro lareva ita lei forerai roi. Arero lei sosorusosoru lei peava. Amene.

Heberu 3:1

Lea vei, Ualare sa lei safu lei, kauri voa soa ovai vei isōpe paumarehari e, haiiri Iesu voa seseōvaia. Arero Ualare sa itapi are ereita sa sukaerereaita lea mai ve maso harofave vita leiti vei.

Iakobo 1:1

Iakobo, Ualare aea Papuvita Iesu Keriso ve sarufa vita ve karoro meha; mearovaeka foromai voa fafarapi pepeita toruipi‐ipi twelve veia; e foforoe reha.

1 Petero 1:2

Ereitave Oa Ualare sa ero evera ore lei haikaea maravi, aea areve Arahoha sa ero lei safu leipe, e Iesu Keriso la mapi kakeva lei, areve ovo sa totoa lei ovava leiti vei. Haiforoe leita meru aea tairu ita e voa lei rovaea leitia.

1 Petero 1:5

E Ualare la sukaerereaita lea vei, areve siahu sa ero kiva la leipea, tetete soa sarapaita soa voa pisiri muiai vei kekese lei vovo meita lea makuri leita soa la ovai vei.

1 Petero 2:9

A—, e Ualare sa haikaea ovōpe toruipi karu, king voa forerōpe maso tivi karu, safu toruipi karu, Ualare ve karu kofa; ero haikaea ovōpe e murumuru kiripi, areve haihava leita ovava voa lei foreraia lea Ualare, are sa soa haria leita lea mai la e itoro ari vei.

1 Petero 5:10

A—, e hehea soa taheka haria voa lei kaleitita lea mea, haiforoe leita meru foromai ve Ualare, areve peita sosorusosoru voa ero Keriso voa isōpe lea Ualare, ero lareva ita lei kekese lei, ero vipi kere lei, ero lei rofo leiti roi.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

Iuda 1:21

aea eve elore elore maea la Ualare ve haikakare voa kiva lei, lei vovo roroava, e ereitave Papuvita Iesu Keriso ero maeaforoe sa lei, peita makuri ero miarai vei tai vovo roroaita lea soa voa.

Iuda 1:3

Haikakare paumarehari e, arave haiiri rovaea ereita Iesu Keriso voa farehoria ovaita lea lei makuri leita siahu vei karoro uka ero tai itapai vei. A—, lea soa haikaeaita haiiri haria sa foreri, ara ero tai utohoa ukai ero kureai vei, e Ualare areve karu la soa farakeka haria miarōpe ereita sukaerereaita lea ovoro la e rofo foromai ita kiva leiti vei.