Ioane 8:12 - Testamenta Áre 1983 (Toaripi PNG)

¹² Iesu karu sitavu la ata itoro a’ mō ōpe, Mearovaeka ve ovava ara meha. Araro aitetei vovo roroaita lea karu murumuru voa levi terai roi, a—, makuri ve ovava ovai roi.

Ioane 8:12 Iomraidhean Croise

Mataio 5:14

Mearovaeka karu ve ovava e reha. Raepa ovoharo voa turi avaita karikara arorisaita ore kao.

Luka 2:32

Ovava kofa meha, toru hariaharia karu la lei ovava lei, aeata ave toruipi Israela la lei sosorusosoru leiti vei.

Ioane 12:35

Iesu erero mō ōpe, Ovava e voa soa taheka aeata la eaea. Ovava lei eaeita lea soa voa e mora sa teraia, murumuru sa ero ovi aierai ave. Murumuru voa mora teraita lea karu, are teraipeta lea oti ore kao.

Ioane 12:36

E ovava ovaita lea mea, ovava la sukaerereaia, e ovava ve atutemori lōri leiti vei. Iesu lea o mei are erero kiripi, ere soa harua arero ofae eavai kasirau.

Ioane 12:46

Ara ovava feare mearovaeka voa foreri la mea, ipi araro sukaerereaita karu murumuru voa levi pavai vei.

Ioane 14:6

Iesu arero mō ōpe, Otiharo aeata okofa aeata makuri eite ara meha. Ara voa terai auke leitita lea karu farakeka Oa tai levi forerai roi.

Ioane 3:19

Seseōvi tava miaraita mai mōfeare: ovava mearovaeka voa haeaita meha; a—, karu murumuru la haikaeai rovaea, ere ovava la haikaeai kao, ipi ereve leita mai kaiae eavia.

Ioane 7:17

Ualare sa haikaeaita haiiri la kakeva leiti vei haikaeaita lea karu, are ore leiti roi arave satiriaraita o Ualare ve varo, ō arave elore haiiri voa foreraita o varo.

Ioane 9:5

Ara mearovaeka voa peita soa, ara mearovaeka ve ovava lei meitore.

Aposetolo 13:47

Ipi Papuvita mea safu o elakaro miarōpe, Ara aro lei a torutoru karu vei ovava leiti roi. A makuri leita siahu la lei mearovaeka ve itua‐tao voa lei forerai vei.

Aposetolo 26:23

Etau meha: Keriso hehea omopa lei, aeata opai voa oarehōva ata itoita vita leiti roi, aea are ovava ve o Israela karu aeata toru hariaharia karu ita la lei ovava leiti vei itoro ari roi.

2 Petero 2:17

Lea karu ere usoso tori kaleitita ma otioti fefeare; ere usoso karivaripu sa toa itoteaita ma havu fefeare; murumuru kafearu kofa voa oti ere vei kekese lei la eaea.

2 Petero 2:4

Ualare lea kaiae leipe aneru la maeaforoe auke lei, erero opai karu ve oti voa toapi erero lea murumuru toru‐uta karera voa soa seseōvi tava miaraita Sare la tai vei sasauka laepepea.

1 Ioane 1:6

Ereita mō aritōva, Ereita Ualare ita fareho mai usoso leititore, a—, eite ereita murumuru voa roroaitore, a—, ereita apeva mei aeata okofa ita roroai sore.

Iuda 1:13

Ere usoso ma seseaita aro‐aro fefeare, ereve maeamariti usoso ma soare fefeare lei pisiri muia vovea. Ere kerori kerori ōvovo roroaita kauri koru fefeare, faita muru ve mea‐uru ere vei kekese lei la eaea.

Iuda 1:6

Aea aneru hea ta reha; ere ereve tivi soa kofa voa haiiri usoso auke lei, ere sa pepeiape lea oti la kiripōpe. Kiripi, Ualare erero murumuru soa ve iri voa peita auri horou sa fasi, ere lōvoa popōvai roi pepepe lea sare rovaea ve seseōvi tava miaraita soa voa.

Apokalupo 21:24

Toruipi‐ipi karu foromai areve ovava voa kerori vo roroava roi; aea are voa mearovaeka ve king karu ereve sosorusosoru la totamaravi forerai roi.