Ioane 4:10 - Testamenta Áre 1983 (Toaripi PNG)

¹⁰ Iesu tava o arero mō ōpe, A Ualare sa au miaraita lea meru la ore leitita, aea ma araro miaraia ara lari vei, lea o aro moipeta vita ta ore leitit’ oria, a—, a arero loki lei are makuri leita ma la aro miarai lare.

Ioane 4:10 Iomraidhean Croise

Luka 11:13

Soka e karu maealolo, a—, e meru etau lareva eve atutemori la miaraita ore, lōfeare mai ve arori voa, eve kauri voa peita Oa sa Safu Arahoha la arero loki leita lea karu la miarai roi.

Ioane 16:3

Ere lea etau ero leiti roi, ipi ere elaka Oa ita la ore leiti sore.

Ioane 17:3

Peita makuri meha: ere a Ualare kofa farakeka lea la ore leiti vei, aeata Iesu Keriso, a sa itapōpe lea vita ta reha.

Ioane 3:16

Ipi Ualare mearovaeka la maeaforoe mōri leipe: are areve Atute farakeka haria la miarōpe, ipi arero sukaerereaita lea karu foromai la levi saroroapai roi, a—, ere peita makuri la ovai vei.

Ioane 4:14

a—, ara sa arero miaraita ma la larita lea karu are kōvōre‐tolo ata levi lei pepe peava roi; a—, ara arero miaraita ma areve iri voa popi, popotoa popotoa peita makuri voa forerai vei.

Ioane 6:35

Iesu erero mō ōpe, Makuri ve larietau eite ara meha; araro tai kotita lea karu eroa levi sae peava roi; aea araro sukaerereai vo meita lea karu kōvōre‐tolo levi lei peava roi.

Ioane 6:51

Kauri voa pea fauka makuri lei vovo meipeta larietau ara meha; mea larietau la larita lea karu makuri lei peava roi. O aeata meha, ara miaraita larietau arave sarōva, ara mearovaeka makuri leiti vei miarai roi.

Aposetolo 9:11

Papuvita arero mō ōpe, Itoia, karikara ve otiharo rare Haura voa te, Iudasi ve uvi voa peita Tareso karu farakeka rare Saulo vei lalasi leitia, ipi are Ualare la loki la leipea.

Roma 8:32

Are areve elore Atute la totōpo auke lei a—, ereita foromai vei arero au miarōpe. Are ereitaro etau foromai la lea Atute ita fareho levi miarai roi ei?

1 Korinito 1:30

Ualare sa ero Iesu Keriso voa lei makuri ero lei roroa, aea Keriso Iesu voa haiore aea haura aea taivotaita mai aea makuri leita siahu ita la ereitaro miōri la roroa.

1 Korinito 10:4

aea ere erero aitetaiape fave voa ma lalape, lea fave eite Keriso reha.

2 Korinito 9:15

Ereita Ualare la maeatia areve meru rovaeka vei, karu sa omoi ore auke leitita lea meru.

Efeso 2:8

Ipi Ualare ve maeaforoe ve meru sa ero fareōvi makuri leipe, e sukaererea vo roroaita lea vei; lōfeare ve ipi eve elore rofo vei ovai kasirau, a—, Ualare ve meru sa miarōpe;

Heberu 6:4

Ipi Ualare la sukaererea aea aite soa voa arero haiarara lei kiripaita lea karu, erero lei haiiri ata kerorita otiharo kasirau. Erero everori satiriōri lei ovava lei, kauri ve meru ta seseōvi aea Safu Arahoha voa ereve soa ta ovi,

1 Ioane 5:20

Ereita mea ta ore, Ualare ve Atute foreri laipea, aea ereitave haiiri la lei ovava lei, okofa ve Ualare la ore leiti vei. Ereita okofa ve Ualare voa laepepea, aea areve Atute Iesu Keriso voa ta reha. Okofa ve Ualare reha, peita makuri ta reha.

Apokalupo 21:6

Are araro ta mō ōpe, Roroka loita meha. Ara Alefa aeata Omega, omopa kofa meiape Vita aeata aite kofa mei Vita. Kōvōre‐tolo leita karu la ara makuri ve ma popotoaita oti voa ma tava auke ita arero miarai roi.

Apokalupo 22:17

Arahoha aea Vita laeai vei leipeta lea ua are o mō auai, Kotia. Mea o la mapaita lea karu ta o mō aria, Kotia. Kōvōre‐tola leita karu ta kotia; ma haikaeaita lea karu makuri ve ma la tava auke ita ovi laria.

Apokalupo 7:17

Ipi lea terona ve aru voa meita lea Mamoe Mere erero mamoe feare kiva lei vovo meava roi, aea are makuri ma ve popotoaita otioti voa erero lariōvai roi; aea Ualare ovororo foromai ereve ofae voa roroa maravai roi.