Ioane 3:3 - Testamenta Áre 1983 (Toaripi PNG)

³ Iesu tava o arero mō ōpe, Okofa ara aro o la moi, Karu Ualare ve Basileia la ofae levi eavai roi, arero ata mi áre ari auke leitit’ oria.

Ioane 3:3 Iomraidhean Croise

Mataio 16:17

Iesu tava o arero mō ōpe, Simona, Iona ve atute e, a lareva ia, ipi maeasarōva aea ovo ita sa lea etau aro satiriarai kao, a—, arave kauri voa peita Oa sa haria.

Mataio 19:24

Ara mea o ta ero la moi, Nila kōvi ve uta voa kamela sa oropaita taheka mafu maea feare, a—, pisoso karu sa kauri ve basileia voa oropaita, heafo foromai rovaea kofa.

Mataio 21:31

Lea atute oraka voa oa sa haikaeaita tivi la leitita karu leisa? Ere mō ōpe, Toare vita. Iesu erero mō ōpe, Okofa ara ero o mō la moi, Takis fareovaita karu aea saruka uamori ita Ualare ve basileia iri voa eve omopa voa tera vovea.

Mataio 5:18

Ipi ara ero okofa omoi, soa tetete kauri ita mearovaeka ita sa kaleitita soa, Safu O ve leta seikako ō areve karoro ve maka farakeka levi veverapai roi tetete areve eite foromai forerai roi.

Mareko 10:14

A—, Iesu lea la ofae eovi kitou lei, erero mō ōpe, Atutemori rapi ere roroa, ere araro tai koti vei erero o erere levi aria, ipi Ualare ve basileia ve karu ere feare.

Mareko 9:47

Aea ave ofae aro lei kaiae leitita, a—, arero suka fareōvi mutapaia; a Ualare ve basileia voa ofae farakeka ita oropaita, a vei lareva ia, a—, ofae orakoria ita saroroapaita oti voa toapaita lareva kao.

Ioane 1:13

Lea karu ovo sa lei mi ari kao, aea karu sa haikaea lei mi ari kao, aea sarōva sa haikaea lei mi ari kao; a—, erero Ualare ve haikaeai voa mi ape.

Ioane 1:5

Ovava murumuru ve aru voa la haeaipea; a—, murumuru arero ovi aierai sore.

Ioane 1:51

Are arero ta mō ōpe, Okofa ara aro omoi, a kauri la aite ofae eovi, are fapai roi, aea Ualare ve aneru rauapo Karu ve Atute ve arori papatavaia fafukaia leitita la ofae eavai roi.

Ioane 12:40

Are ereve ofae la lei kuku lei, ereve haiiri ta lei kere lei la roroa, ere ereve ofae sa eovi, ereve haiiri sa ore leiti ave, ere haiiri kerori, ara ereve eka la lei lareva leiti vei.

Ioane 3:4

A—, Nikodemusi arero mō ōpe, Karu oasora leitita, a—, arero mi ata lea’ lei ari roi? Are areve lou ve ére voa soa orakoria avi mi ata ari roi ei?

2 Korinito 4:4

Mea mearovaeka ve ualare sa lei sukaerereai auke leita karu ve ofae la lei kuku lei roroa, ere Ualare kofa ve soso lei meita lea Keriso ve Ovoro Lareva ve sosorusosoru ve ovava la ofae levi eavai vei.

2 Korinito 5:17

Lea vei karu aea Keriso voa peita, a—, arero lei áre lei meita vita are reha; lea evera etau veverapi kalei, etau foromai áre lei foreraita reha.

Galatia 6:15

Karu la peritome leitita varo kasirau varo lea oraka eite kasirau; karu la Ualare sa lei áre leitita, eite rovaea kofa reha.

Efeso 2:1

Evera soa voa e eve kaeava aea iri kaiae ita vei opai voa roroaiape.

Tito 3:5

are ereitaro fareōvi makuri leipe, ipi ereita sa haura leiape lea etau vei kasirau, a—, ipi are sa ereitaro maeaforoe leipe lea vei, mi áre arita soa ve sukoita ma voa aea Safu Arahoha sa lei áre leitita lea mai voa.

Iakobo 3:17

A—, arori voa fauka leitita haiovoro ve omopa peise ovava reha, aea aite tairu, aeata haimafu. Are karu sa moita loki o la utohoa mapi, maeaforoe leititore, aeata fare lareva lareva sa soa’ meitore. Are horahora leitita etau kasirau, aeata lohalai mai ta leiti sore.

1 Petero 1:3

Ereita ereitave Papuvita Iesu Keriso ve Oa Ualare la maeatia. Areve maeaforoe rovaea eavia, are ereitaro lei ata mi áre ari vei, are sa Iesu Keriso la opai voa ata moravōpe lea vei. Lōfeare voa ereita makuri áre ita au tai vovo la roroa,

1 Ioane 2:29

E ore Keriso are haura Vita, lea vei mea ta ore leitia, mai haura lei roroaita lea karu foromai ere Ualare ve atutemori.

1 Ioane 3:9

Karu ere Ualare ve atutemori lei vovo roroaita, a—, ere mai kaiae leiti sore, ipi Ualare ve leita mai ve eite ere voa, aea ipi Ualare are ereve Oa eavia ere mai kaiae leitita ore kasirau.

1 Ioane 5:1

Iesu are Keriso lea o la sukaerereaita karu, ere Ualare ve atutemori; aea oa la haikakare leitita lea karu sa areve atutemori ta haikakare leititore.

1 Ioane 5:18

Ereita mōfeare ore, Ualare ve atutemori ere mai kaiae leiti sore, a—, Ualare ve Atute sa erero kiva lei, Kaiae Vita erero mai sa levi paeai vei.

1 Ioane 5:4

ipi Ualare ve atutemori foromai sa mearovaeka la ovi aieraita ore. Mearovaeka la ovi aieraita siahu meha, ereita sa Iesu are Keriso lea la sukaerereaita lea vei.

Apokalupo 3:14

Laodikea voa peita ekalesia ve aneru la o mō ukaia: Lea Amene rare Vita, sukaererea vovo meita, okofa ita moita Vita, Ualare sa pisosipe etau etau foromai ve oarehōva Vita, areve o meha.