Ioane 3:2 - Testamenta Áre 1983 (Toaripi PNG)

² Are faita soa voa Iesu tai koti arero mō ōpe, Rabai e, ela ore a Ualare voa forera satiriaraita papuvita; ipi Ualare ita fareho leiti auke leita lea karu a sa leita lea siahu ve peise la leiti vei ore levi leiti roi.

Ioane 3:2 Iomraidhean Croise

Mataio 22:16

Aea ere ereve satiriaraita karu, Heroda ve firu karu hea ita la Iesu tai itapi mō ōpe, Satiriaraita papuvita e, ela ore a okofa vita, aea Ualare sa haikaeaita mai la okofa ita la satiriara vovea, a karu sa aro leita mai ve eite la seseōvai sore, aeata a karu ve soso o ari sore.

Mataio 23:7

aea karikara pisiri otioti voa arero marase arita o la mapai vei, aea karu ta erero satiriaraita papukoru rare aravai vei haikaeaitore.

Mataio 23:8

A—, e voa, ero rare satiriaraita papukoru rare levi aravaia. Ipi eve Satiriaraita Papuvita farakeka haria meha, aea e foromai paumarehari reha.

Mareko 12:14

Itapi ere arero tai koti foreri mō ōpe, Satiriaraita Papuvita e, ela ore a okofa vita, aea a karu ve soso o ari sore; ipi a karu ve leita mai ve eite la seseōvai auke lei, Ualare sa haikaeaita mai la okofa ita satiriara vovea. Takis moni Kaisara la miaraita haura ei, ō haura kao ei? Ereita miarai roi ei, ō levi miarai roi ei?

Ioane 1:38

Soka Iesu aiterori a’ ereukaro arero aitetei roroaiape la ofae eovi mō ōpe, Euka lekōru vei elipea? Ereuka arero mō ōpe, Rabai (lea o ve eite Satiriaraita Papuvita), a leavoa pea?

Ioane 10:38

A—, ara lea tivi la leitit’ oria, e araro sukaerereai haikaeai auke leitita, a—, lea tivi vei sukaerereaia. Lōfeare voa e haiiri fapi ore leiti roi Oa are arave iri voa, aea ara ta Oa ve iri voa.

Ioane 12:37

Are siahu ve peise rauapo ereve soso voa leiape, a—, ere sukaerereai kasirau.

Ioane 14:10

Ara Oa ve iri voa aea Oa ta arave iri voa, a lea o la sukaerereai kao ei? Ara ero moipeta mea o, ara vei haria moia kao, a—, arave iri voa peita Oa sa are areve tivi la lei vovea.

Ioane 15:24

Karu aea sa leiti auke leita lea peise etau hariaharia la ereve aru voa ara sa leiti auke leitit’ oria, a—, ere kaiae levi ovai lare; a—, ere faitora lea peise etau la ofae eovi eovi, aea ere elaka Oa ita la kaifa lei vovea.

Ioane 2:11

Iesu sa oarehōva leipe siahu ve peise reha, are Kana karikara Galilea soa voa leipe. Lōfeare voa are areve sosorusosoru pisiri voa muia, aea areve satiriaraita karu arero sukaerereōpe.

Ioane 20:16

Iesu arero mō ōpe, Maria e! Are arero tai kerori Heberu uri arero mō ōpe, Raboni! lea o ve eite Satiriaraita Papuvita.

Ioane 3:26

Ere Ioane tai koti arero mō ōpe, Rabai e, ita fareho Ioridana mairimairi itai voa meiape vita, a sa o are vei moipe lea vita, are karu la bapatiso la leipea, aea karu foromai ta arero tai la foreraipea.

Ioane 4:31

Lea ua arero kiripōpe soa areve satiriaraita karu arero loki mō leipe, Rabai e, larietau laria.

Ioane 5:36

A—, ara vei okofa moita o ta ia, lea o Ioane sa moipe o la sapatai; ipi Oa sa ara leiti vei miōri aea ara lei kekese leipeta lea tivi sa muiai vovea, Oa sa itapōpe Atute ara meha.

Ioane 6:2

Soka karu sitavu rovaea arero aitetei vovo roroaiape, ipi ere are eka karu voa leiape siahu ve peise la ofae eavaiape lea vei.

Ioane 7:31

A—, karu sitavu voa karu rauapo arero sukaererea mō ōpe, Keriso foreraita lea mea, are siahu ve peise rauapo lei lei, mea vita sa leita rauapo la sapatai roi ei?

Ioane 9:16

Lō mei, Farisea karu hea mō ōpe, Mea vita Ualare voa pea forerai kao, ipi are Sabati sare kiva kao. A—, karu hea mō ōpe, Iri kaiae karu lōfeare siahu ve peise leafeare ore lei leiti roi ei? Ere haiiri hariaharia tofei itai itai leipe.

Aposetolo 10:38

E Iesu Nasareta karu ve fari ta ore, Ualare arero Safu Arahoha Lareva aea siahu ita sa veveti, are mai lareva lei, Diabolo ve siahu voa roroaiape karu foromai la lei lareva lei vovo meiape, ipi Ualare are ita fareho leiape eavia.

Aposetolo 2:22

Israela karu e, mea o la mapaia: Iesu Nasareta karu, are Ualare sa taivotei meiape vita, ipi Ualare are vei tivi rovaea aea haihava leita peise ita la eve aru voa leiape eavia; e lea etau ta ore fae.

Filipi 1:14

aea arave paumarehari rauapo Papuvita voa ara dibura voa fasi peipeta lea vei haiiri rofo lei, ere ape karōva ita Ualare ve o la tore auke ita sukōvō vovea.