Ioane 2:16 - Testamenta Áre 1983 (Toaripi PNG)

¹⁶ Aite are sua la itaea lei miaraita karu la mō ōpe, Erero maria voa maravi forera teraia; arave Oa ve uvi la lei, etau la itaea leita oti levi leitia.

Ioane 2:16 Iomraidhean Croise

Mataio 21:12

Aite Iesu Ualare ve Maso Uvi voa oropi, aea Maso Uvi itaea lei miaraiape karu aea itaea lei maravaiape karu la toa liōvea, moni ilala leiape karu ve posa, aea sua la itaea lei miaraiape karu ve kiriposa ita la mavitoaiape.

Mataio 21:13

Are erero ta mō ōpe, Mea o uka laisisea, Arave uvi rare Ualare ve veveu leita uvi rare aravai roi, a—, e arero toarōrisa torea leita karu ve arafukaita uta la leipea.

Mataio 22:5

A—, ere haiarara lei, maea lei, farakeka areve forōva oti voa kavōpe, farakeka aea areve tivi oti voa terōpe.

Mareko 11:17

Aea are karu la satiriōri mō ōpe, Mea o uka siseia kao ei? Arave uvi la torutoru karu foromai vei veveu leita uvi rare aravai roi, a—, e arero toarōrisa torea leita karu ve arafukaita uta la leipea.

Luka 2:49

Are ereukaro mō ōpe, Euka araro elipeta ipi lekōru? Ara arave Oa ve uvi voa lei vovo mea euka lea ore kao ei?

Ioane 10:29

Erero araro miarōpe lea Oa, are karu foromai ve rofo la sapataita Ualare reha, aea karu aea sa etau farakeka aea la arave Oa ve mai voa levi toapi ovai roi.

Ioane 2:15

Eovi are pete toa lea pitaki sa erero foromai, mamoe ita, boromakao ita farehoria Maso Uvi ve maria voa toa larivatōpe. Are ta moni ilala leiape karu ve moni la toa tovusea, ereve posa ta mavitoōpe.

Ioane 20:17

Iesu arero mō ōpe, Arave maea mai levi paeaia, ipi ara arave Oa tai pataia kao. A—, arave maraiosu tai isei erero o mō aria, Ara arave Oa aeata eve Oa, arave Ualare aeata eve Ualare ita tai patai vei la roi.

Ioane 5:17

A—, Iesu tava o erero mo ope, Arave Oa sa itiiti faitora tivi lei vovea; ara ta tivi la leipea.

Ioane 8:49

Iesu tava o mō ōpe, Harisu arave iri voa kasirau; ara arave Oa la taivotai vovea, a—, e araro taivotai sore.

1 Timoteo 6:5

aea maealolo seseōvaita haiiri, aea ere okofa la kiripaita lea vei, ereve o serea elore elore eite kasirau. Ere hai mō kaeaitore Ualare sa haikaeaita lea mai etau rauapo la maravaita mai reha.

2 Petero 2:3

Ere sa etau rauapo maravai vei haikakare araita voa, ere o apeva sa ero kurea eve haiiri la lari roi; a—, erero seseōvi ere vei everori ōpe kaiae tava lekaleka levi leiti roi, aea erero saroroapaita soa ivutu auke ita la eaea.