Ioane 2:11 - Testamenta Áre 1983 (Toaripi PNG)

¹¹ Iesu sa oarehōva leipe siahu ve peise reha, are Kana karikara Galilea soa voa leipe. Lōfeare voa are areve sosorusosoru pisiri voa muia, aea areve satiriaraita karu arero sukaerereōpe.

Ioane 2:11 Iomraidhean Croise

Ioane 1:14

O ta maeasarōva lei ereitave aru voa peiape, aea ereita areve sosorusosoru la ofae eavaiape, Oa sa miōpe atute farakeka la miaraita lea sosorusosoru feare, haiforoe okofa ita sa soōpe.

Ioane 1:17

Ipi Ualare Safu O Mose voa ereita vei miarōpe, a—, haiforoe okofa ita Iesu Keriso voa forerōpe.

Ioane 1:43

Lea aite sare voa Iesu Galilea voa kavai vei haiiri kekese leipe. Are Filipi la sukaea arero mō ōpe, Araro aitetei kotiria.

Ioane 1:50

Iesu tava o arero mō ōpe, Ara o mōri moi, ara aro haue tola ora voa eavaita, a lea vei sukaerereai ei? A lea etau la sapataita etau metameta la aite ofae eavai roi.

Ioane 10:41

Karu rauapo arero tai fosi mō ōpe, Ioane siahu ve peise leiti kao, a—, Ioane sa mea vita vei moiape lea o foromai okofa.

Ioane 11:15

Ara lōvoa pei auke leitia lea vei ara hailareva ia e vei, ipi ero lei sukaerereai vei. Soka ereita arero tai isai vei.

Ioane 11:47

Soka maso harofave karu aea Farisea karu ere kaunsila karu kokoruka mō ōpe, Ereita lekōru la leiti vei, ipi mea vita siahu ve peise rauapo la lei vovea.

Ioane 12:18

Lea vei karu sitavu areve omopa voa forerōpe ipi kofa reha, ipi ere are lea siahu ve peise la leipe fari la mapōpe eavia.

Ioane 12:37

Are siahu ve peise rauapo ereve soso voa leiape, a—, ere sukaerereai kasirau.

Ioane 12:41

Isaia o lōri moipe ipi are Iesu ve sosorusosoru la ofae eovi, are vei laua sukavōpe eavia.

Ioane 14:13

E arave rare vei loki leita lea etau foromai ara leiti roi, Oa ve fari la Atute voa lei sosorusosoru leiti vei.

Ioane 16:27

ipi Oa are kofa ero haikakare araitore, ipi e araro haikakare ari aea ara Oa voa pea forerōpe, e lea la sukaererea vovo roroaita eavia.

Ioane 16:30

Ela faitora etakofa ore, a etau foromai ore, aea karu aea aro lalasi leiti vei lea eite kao. Elave sukaerereaita haiiri, a Ualare voa pea foreri la me meha.

Ioane 2:1

Soka oroisoria sare voa eva‐e sosoka Galilea soa ve karikara Kana voa leipe. Iesu ve lou ta lōvoa,

Ioane 2:23

Soka Iesu Ierusalema voa Foapaita Sosoka lei peiape lea mea, karu rauapo are leiape lea siahu ve peise la ofae eovi arero sukaerereōpe.

Ioane 3:2

Are faita soa voa Iesu tai koti arero mō ōpe, Rabai e, ela ore a Ualare voa forera satiriaraita papuvita; ipi Ualare ita fareho leiti auke leita lea karu a sa leita lea siahu ve peise la leiti vei ore levi leiti roi.

Ioane 4:3

Soka Iesu lea o la ore leipe soa, are Iudea kiripi Galilea voa ata keroripe.

Ioane 4:46

Soka are Kana, Galilea soa ve karikara aea voa forerōpe, are ma la toarōrisa uaina leipe lea oti voa. Gavana karu farakeka aea lōvoa, areve atute Kaperanauma voa eka lei eaeiape.

Ioane 4:54

Iesu sa leipe orakori siahu ve peise reha, are Iudea kiripi Galilea voa forerōpe lea mea.

Ioane 5:23

karu foromai Atute la taivotai vei, ere sa Oa la taivotaita lōfeare. Atute la taivotai auke leitita lea karu, Atute la itapōpe lea Oa ta taivotai sore.

Ioane 6:14

Soka karu are leipe siahu ve peise la ofae eavōpe lea mea, ere mō ōpe, Okofa mearovaeka voa forerai vei taipeta peroveta vita meha.

Ioane 6:2

Soka karu sitavu rovaea arero aitetei vovo roroaiape, ipi ere are eka karu voa leiape siahu ve peise la ofae eavaiape lea vei.

Ioane 6:26

Iesu tava o erero mō ōpe, Okofa ara ero o la moi, e araro elipeta ipi e arave siahu ve peise la ofae eavai vei kasirau, a—, ipi e lea faloa la la’ ére popaia lea vei.

Ioane 6:30

Ere arero lalasi ata mō leipe, Aita, a leita peise lekōru, ela ofae eovi ore lei aro sukaerereai vei? A sa leita tivi elaro lekōru la muiai roi?

Ioane 7:31

A—, karu sitavu voa karu rauapo arero sukaererea mō ōpe, Keriso foreraita lea mea, are siahu ve peise rauapo lei lei, mea vita sa leita rauapo la sapatai roi ei?

Ioane 9:16

Lō mei, Farisea karu hea mō ōpe, Mea vita Ualare voa pea forerai kao, ipi are Sabati sare kiva kao. A—, karu hea mō ōpe, Iri kaiae karu lōfeare siahu ve peise leafeare ore lei leiti roi ei? Ere haiiri hariaharia tofei itai itai leipe.

2 Korinito 3:18

Ereita foromai aierai auke leita soso feare ita, Papuvita ve sosorusosoru la ma‐ove voa feare kevaro fei, ereitaro toarōrisa lea ove kofa feare lei forera la roroa, sosorusosoru aea voa pōvi pepepe sosorusosoru aea voa, Papuvita ve Arahoha sa leita mai lōfeare.

2 Korinito 4:17

Ipi elave utohoa kaleipeta haisora seika sa elaro lei kekese la leipea, seseōvi ore auke lei peita sosorusosoru ve rovaeka kofa la aite soa voa ovai vei.

2 Korinito 4:6

Ipi mea o, Ovava murumuru voa forera haeai vei omoipe Vita Ualare reha, are elave haiiri voa haeōpe, ela Keriso ve soso voa eavaita lea sosorusosoru ve haiore, karu la satiriōri lei ovava leiti veia.

1 Ioane 5:13

E Ualare ve Atute ve rare la sukaerereaita karu e, ara mea o ero la ukai ipi ero lei ore leiti vei e peita makuri ita laepepea.