Ioane 19:9 - Testamenta Áre 1983 (Toaripi PNG)

⁹ Are gavana ve uvi ata oropi, Iesu la mō ōpe, A leavoa forerai? A—, Iesu tava o arero moi kasirau.

Ioane 19:9 Iomraidhean Croise

Mataio 26:63

A—, are huale kavuōpe. Soka maso harofave vita arero mō ōpe, Ara Ualare ve rare ita aro haisa moi a elaro omoi vei, a Keriso, Ualare ve Atute ei?

Mataio 27:27

Soka maola karu ere Iesu la gavana karu ve uvi rovaea voa lariōvi, aea ereve firu karu arero tai kokorukōpe.

Luka 23:9

Hai lōri kaea are o rauapo ita arero lalasi lei lei, a—, Iesu arero tava o moi kasirau.

Ioane 18:28

Lea mea ere Iesu la lariōvi, Kaiafasi ve uvi kiripi Roma gavana ve uvi rovaea voa te forerōpe. Mea ōpōpe soa reha. Soka Iuda karu ere lea uvi voa oropai kao, ere ereve maea ve safu la levi lei hasiavai vei, ipi ere Foapaita Sosoka la lari vei leipe eavia.

Ioane 18:33

Soka Pilato areve uvi rovaea voa ata oropi, Iesu la isa arero mō ōpe, A Iuda karu ve king ei?

Ioane 18:34

Iesu mō ōpe, A ave elore o sa moi, ō karu haria sa o ara vei aro mei moi ei?

Ioane 18:37

Soka Pilato arero mō ōpe, King aea a kofa reha ei? Iesu tava o mō ōpe, Ara king, ave o reha. Araro epi mearovaeka voa forerōpe ipi okofa la mei pisiri muiai vei. Okofa ve karu foromai arave ape o la mapa vovea.

Ioane 19:10

Lea vei Pilato arero mō ōpe, A araro o moi haikaeaia kao ei? Ara siahu ia aro paraeai vei, aeata ara siahu ia aro satauro voa vitei paeai vei, a lea la ore kao ei?

Ioane 19:8

Pilato lea o mapi, are tore foromai leipe.

Ioane 8:14

Iesu tava o erero mō ōpe, Katareha, ara o arave elore maea vei la moipea, a—, ara moipeta mea o okofa, ipi ara kotipe lea oti ara ore, aeata ara terai vei leipeta lea oti ta reha; a—, ara kotipe lea oti e ore kasirau, aeata ara teraita lea oti ta reha.

Filipi 1:28

ero sukavuteaita karu vei tore auke ita roroa. Ere Ualare la sukavuteaita lea vei erero saroroapai vei leitita peise etau reha, a—, e vei Ualare voa foreri fareōvi makuri leita peise reha.