Ioane 18:4 - Testamenta Áre 1983 (Toaripi PNG)

⁴ Iesu, are voa forerai etau foromai la ore lei, pisiri voa foreri erero mō ōpe, E sa elipeta karu leisa?

Ioane 18:4 Iomraidhean Croise

Mataio 16:21

Soka lea soa Iesu areve satiriaraita karu la satiriaraiape ipi are Ierusalema voa patei, haisora rauapo opasora‐sora aea maso harofave karu aea Safu Karoro ore karu ita sa arero lei, arero paea opi, aea oroisoria sare voa are ata itoi roi.

Mataio 26:2

E ore i’so sare voa Foapaita Sosoka forerai roi, aea Karu ve Atute la satauro sa paeai vei miarai roi.

Mataio 26:21

aea ere larietau lalape soa are mō ōpe, Okofa ara ero omoi, Eve karu aea kivaia lei araro paeai vei miarai vei la roi meha.

Mataio 26:31

Soka Iesu erero mō ōpe, Mea faita voa e foromai araro haiarara lei kiripai roi, ipi o mō uka sisea, Ualare mamoe kiva vita la toa paea, mamoe ta fu ari roi.

Luka 24:44

Soka are erero mō ōpe, Ara ero moia o meha, ara e ita fareho peia lea soa voa, Mose ve aea peroveta karu ve Safu Buka voa aeata Salamo voa ara vei uka siseita o foromai la lei o kofa ita kekese leiti roi.

Ioane 13:1

Soka Foapaita Sosoka soa ve omopa voa, Iesu ore are mearovaeka la kiripi, aea are Oa tai terai vei leipe soa forerōpe reha. Mearovaeka voa pepeiape areve lea karu kofa la are haikakare leiape, aea are erero haikakare ta lei vovo meiape soa tetete sisatao soa voa.

Ioane 13:11

Ipi are kivaia lei arero paeai vei miarai vei leiti vita la ore leipe; are lea vei mō ōpe, E voa karu aea sa kasirau.

Ioane 18:5

Ere tava o arero mō ōpe, Iesu Nasareta karu. Are erero mō ōpe, Ara meha. Iudasi, kivaia lei arero paeai vei miarai vita, ere ita farehoria soi peiape.

Ioane 18:7

Soka are erero lalasi soa aea ta mō leipe, E elipeta karu leisa? Ere mō ōpe, Iesu, Nasareta karu.

Ioane 19:28

Lea ve aite voa, Iesu etau foromai roroka leipe lea la ore lei, are Safu Buka ve o la lei okofa leiti vei, mō ōpe, Ara kōvōre‐tolo loi.

Ioane 6:64

a—, e voa karu hea sukaerereai sore. Ipi Iesu arero sukaerereai auke leipe lea karu la oarehōva soa voa ore leipe, aea arero kivaia lei opai voa miarai vita ta reha.

Aposetolo 2:28

A makuri otiharo la araro satiriōri lei ore lei, ara ave soso la eavaita lea mea ara hailareva foromai loita reha.

1 Petero 4:1

Soka ipi Keriso hehea sarōva voa leipe lea vei, e ta haiiri seseōvi are ita usoso lei, eve haiiri rofo leitia. Ipi maeasarōva voa hehea leitita lea karu are mai kaiae la kiripaita reha.