Ioane 17:2 - Testamenta Áre 1983 (Toaripi PNG)

² Ipi a siahu arero miōri roroka are karu foromai ve harofave vita leiti vei, aea a arero miarōpe lea karu foromai la are sa peita makuri miarai vei.

Ioane 17:2 Iomraidhean Croise

Ioane 6:39

Aea araro itapōpe Ualare sa haikaeaita haiiri meha, are araro miarōpe karu foromaiapo voa farakeka aea levi veverapai vei, a—, ara erero foromai la soa sarapaita sare voa moravi itoteai roi.

Ioane 6:37

Oa sa araro miaraita lea karu foromai araro tai koti roi, aea araro tai kotita lea karu la ara maria voa levi sukavuteai roi.

Ioane 17:24

Oa e, arave haikaeai meha, a araro miarōpe mea karu, ara peita oti voa ere ara ita fareho lei, ere a sa araro miarōpe lea sosorusosoru la ofae eavai vei; ipi mearovaeka forerai auke leipe soa voa a araro haikakare leiape eavia.

Mataio 28:18

Iesu erero tai koti erero o mei mō ōpe, Siahu foromai kauri voa aea mearovaeka ita voa araro miōri mea.

1 Ioane 5:20

Ereita mea ta ore, Ualare ve Atute foreri laipea, aea ereitave haiiri la lei ovava lei, okofa ve Ualare la ore leiti vei. Ereita okofa ve Ualare voa laepepea, aea areve Atute Iesu Keriso voa ta reha. Okofa ve Ualare reha, peita makuri ta reha.

Ioane 17:9

Ara ere vei loki la leipea; ara mearovaeka vei loki leitia kao. A sa araro miarōpe lea karu vei ara loki la leipea, ipi ere arave karu eavia.

Ioane 17:6

Mearovaeka voa fari a araro miarōpe lea karu la ara ave rare la satiriōri ore lei roroka. Ere ave karu aea a sa erero araro miarōpe; ere ta ave o la mapi kakeva lei vovo la roroa.

Ioane 4:14

a—, ara sa arero miaraita ma la larita lea karu are kōvōre‐tolo ata levi lei pepe peava roi; a—, ara arero miaraita ma areve iri voa popi, popotoa popotoa peita makuri voa forerai vei.

Ioane 3:35

Oa are Atute la haikakare leititore aea etau etau foromai la areve mai voa miavi laisisea.

1 Ioane 2:25

Are ereitaro miarai vei otoare ōpe etau meha, soa sarapai auke peita makuri reha.

1 Petero 3:22

Aneru aea harofave arahoha aea siahu karu ita la areve ipi voa erero lei ere arero kakeva lei, are kauri voa patei Ualare ve mai toare voa avi laisesea.

Heberu 1:2

A—, mea aite soa ve sare sare voa are areve Atute sa ereitaro ovoro mei la mea. Are lea Atute voa mearovaeka la pisosi, aea etau foromai la arero aiorōpe areve hasu vei.

Mataio 11:27

Etau foromai la arave Oa sa araro miōri laisisea. Karu farakeka aea Atute ve eite kofa la ore kasirau, a—, Oa sa haria; aea karu farakeka aea Oa ve eite kofa ta ore kasirau, a—, Atute sa haria, aeata Atute sa Oa la muiai haikaeaita lea karu ta reha.

Iuda 1:21

aea eve elore elore maea la Ualare ve haikakare voa kiva lei, lei vovo roroava, e ereitave Papuvita Iesu Keriso ero maeaforoe sa lei, peita makuri ero miarai vei tai vovo roroaita lea soa voa.

1 Ioane 1:2

Lea makuri sa pisiri lei muiōpe soa ela arero ofae eavaiape, aea lea vei okofa ero omei, Oa ita fareho peiape aea elaro muiaiape lea peita makuri vei ero moitore.

1 Timoteo 1:16

A—, Keriso Iesu araro maeaforoe mea vei leipe: are areve morarita mai foromai ara voa evera muiai vei; aite soa voa karu hariaharia sa arave maea la ruruia arero sukaererea aea peita makuri lōri ovai roi.

Filipi 2:10

Iesu ve rare vei kauri voa aea mearovaeka voa aeata mearovaeka ve ora voa pepeita arihau foromai sukakoka avai vei,

Efeso 1:20

Lea siahu are Keriso voa muiōpe, are arero opai voa moravi, arero areve mai toare itai kauri voa lei avōpe lea soa voa.

1 Korinito 15:25

Ipi are basileia harofave vita leiti roi tetetete are areve ote karu la areve mora posa sa patei pōvi roroka leiti roi.

Roma 6:23

Ipi iri kaiae ve tava opai, a—, Ualare ve maeaforoe ve meru, ereitave Papuvita Iesu Keriso voa, peita makuri reha.

Ioane 6:27

Sisia leita larietau vei tivi heafo levi leitia, a—, mea savori peita makuri ve lea larietau vei. Lea larietau Karu ve Atute sa ero miarai roi, ipi Oa Ualare arero rare toa siahu miarōpe eavia.

Mataio 25:46

Soka mea karu soa sarapai auke lei peita makuri voa terai roi.