Etau foromai la arave Oa sa araro miōri laisisea. Karu farakeka aeata Atute ve eite kofa la ore kasirau, a—, Oa sa haria; aea karu farakeka aeata Oa ve eite kofa ta ore kasirau, a—, Atute sa haria, aeata Atute sa Oa la muiai haikaeaita lea karu ta reha.
Lō mei, ere arero lalasi mō leipe, Ave oa leavoa? Iesu tava o erero mō ōpe, E araro ore kao, aeata arave Oa ta ore kao; e araro ore leitita, a—, e arave Oa ta ore leiti lare.
Eite e arero ore leiti sore. A—, ara arero ore. Ara arero ore auke o arit’ oria, a—, ara ta e feare apeva vita leiti lare. Soka ara arero ore, aeata areve o la kakeva lei mea vovea.
Mea mearovaeka ve harofave karu ere lea haiore la ore leiti kasirau, ipi ere ore leitit’ oria, a—, ere sosorusosoru ve Papuvita la satauro voa levi paeai lare.
sarita a ita, Ualare la haiarara lei sukavutea, aea ereitave Papuvita Iesu ve Ovoro Lareva la mapi kakeva auke leitita lea karu la kaiae tava miarai vei.
Eite ara evera soa arero o maealolo ape vita, aeata arero hasiōvi, ivara eokere mai leiape vita. A—, are araro maeaforoe leipe, ipi ara lea mai la sukaerereai auke haihaveva ita leiape eavia.
Ereita mea ta ore, Ualare ve Atute foreri laipea, aea ereitave haiiri la lei ovava lei, okofa ve Ualare la ore leiti vei. Ereita okofa ve Ualare voa laepepea, aea areve Atute Iesu Keriso voa ta reha. Okofa ve Ualare reha, peita makuri ta reha.