Ioane 16:2 - Testamenta Áre 1983 (Toaripi PNG)

² Ere ero sunako voa sukavutea e maria karu leiti roi; okofa, soa forerai vei la roi lea mea ero paea opaita lea karu hai mō seseōvai roi, are lōfeare voa Ualare sa haikaeaita tivi la leiti roi.

Ioane 16:2 Iomraidhean Croise

Mataio 10:28

Maea la paeaita ore leitita, a—, ere ove la paea ore auke leitita lea karu la tore levi leitia. A—, ove ita maea ita la Gehena voa saroroapaita ore leitita lea Ualare la tore leitia.

Mataio 24:9

Lea soa voa ere ero fasi teavi sari vei miōri, ero paea opai roi. Toruipi hariaharia karu foromai arave rare vei ero kaifa leiti roi.

Luka 6:22

Karu ero Karu ve Atute vei kaifa lei ero sukavutea, ero sukahoroa maeamariti o a’, eve rare etau maealolo feare o a’ mutapaita, a—, e lareva ia.

Ioane 12:42

Karikara lohio karu rauapo arero sukaerereōpe, a—, ere Farisea karu la tore, ere lea vei o pisiri moi kasirau, erero sunako voa sukavutea ere maria karu leiti ave.

Ioane 16:25

Mea etau vei ara hohore o ita ero moi, a—, soa forerai vei la roi lea mea ara hohore o ita ero ata levi moi roi, a—, ara Oa vei o pisiri ero omoi roi.

Ioane 16:32

Mapaia, ora la kotipea, a—, foreraita meha, lea mea ero liōvea, e elore elore oti voa fu a’, araro hariakao kiripai roi. Eite ara hariakao peia kao, ipi arave Oa ara ita fareho peipeta eavia.

Ioane 4:21

Iesu mō ōpe, Ua e, arave o la sukaerereaia; ora la kotipea lea mea karu Oa la mea raepa voa aea Ierusalema voa, maso levi toai roi.

Ioane 4:23

A—, ora la kotipea, a—, loita meha, lea mea maso toaita karu kofa Oa la arahoha ita lei aeata okofa ita lei maso lōri toai roi. Ipi Oa arero maso toai vei lōfeare karu la haikaea eli vovea.

Ioane 9:22

Areve oalou o lōri moipe ipi ereuka Iuda karu la tore leipe eavia, ipi Iuda karu haiiri farakeka lei kekese leipe, Iesu are Keriso o lōri haikaea arita karu la sunako voa sukavutea are maria karu leiti vei.

Ioane 9:34

Ere tava o arero mō ōpe, Aro kaiae leita mai foromai voa miōpe. A ta elaro satiriarai haikaeaipea ei? Soka ere arero sunako voa sukavuteōpe are maria karu leiti vei.

Aposetolo 5:33

Kaunsila karu lea o la mapi kitou foromai lei, erero paeai haikaeōpe.

Aposetolo 7:56

Ara kauri la ofae la eavaipea, are fapi, Karu ve Atute ta ara la eavaipea, are Ualare ve mai toare itai voa soi laipea.

1 Korinito 4:13

karu sa kisari maealolo elaro seravaita, a—, ela erero vovoro leiti vei seseōvai vovea. Ela itiiti faitora mea voa roro suru feare lei, mearovaeka foromai voa karu sa suka sisapaita sirisiri lei la roroa.

Filipi 3:6

Ara arave haihahari lea mai voa mōfeare muiaiape, ara ekalesia la hasiavaiape. Mose ve Safu la kakeva lei, Ualare ita haura lōri leiti vei, ara lea mai voa kaiae kakaeite.

Apokalupo 6:9

Soka are five totoreaita peise la tofapōpe lea mea, ara alitara ve hiairi voa Ualare ve o la itoro a’, lea o ve okofa la muiaiape lea vei paea opaiape lea karu ve ove la ofae eavōpe.