Ioane 13:3 - Testamenta Áre 1983 (Toaripi PNG)

³ Iesu ta ore Oa etau foromai areve mai voa miōri, aeata are Ualare voa pea kotipe aea are Ualare tai terai vei leipe.

Ioane 13:3 Iomraidhean Croise

Mataio 11:27

Etau foromai la arave Oa sa araro miōri laisisea. Karu farakeka aea Atute ve eite kofa la ore kasirau, a—, Oa sa haria; aea karu farakeka aea Oa ve eite kofa ta ore kasirau, a—, Atute sa haria, aeata Atute sa Oa la muiai haikaeaita lea karu ta reha.

Mataio 28:18

Iesu erero tai koti erero o mei mō ōpe, Siahu foromai kauri voa aea mearovaeka ita voa araro miōri mea.

Luka 10:22

Etau foromai la arave Oa sa araro miōri laisisea. Karu farakeka aeata Atute ve eite kofa la ore kasirau, a—, Oa sa haria; aea karu farakeka aeata Oa ve eite kofa ta ore kasirau, a—, Atute sa haria, aeata Atute sa Oa la muiai haikaeaita lea karu ta reha.

Ioane 1:18

Evera soa itiiti faitora karu aea Ualare la ofae eavai kasirau, a—, Ualare ve Atute farakeka, Oa ve maea maria voa peita lea Vita sa arero mei fafarapi pisiri leipe.

Ioane 13:1

Soka Foapaita Sosoka soa ve omopa voa, Iesu ore are mearovaeka la kiripi, aea are Oa tai terai vei leipe soa forerōpe reha. Mearovaeka voa pepeiape areve lea karu kofa la are haikakare leiape, aea are erero haikakare ta lei vovo meiape soa tetete sisatao soa voa.

Ioane 17:2

Ipi a siahu arero miōri roroka are karu foromai ve harofave vita leiti vei, aea a arero miarōpe lea karu foromai la are sa peita makuri miarai vei.

Ioane 3:13

Karu farakeka aea kauri voa patai sore, a—, Karu ve Atute sa haria, kauri kiripi faukaita lea vita.

Ioane 3:35

Oa are Atute la haikakare leititore aea etau etau foromai la areve mai voa miavi laisisea.

Ioane 7:29

a—, ara arero ore, ipi ara are voa pea koti mea, aeata are sa araro itapōpe eavia.

Ioane 7:33

Soka Iesu mō ōpe, Soa harua haria ara e ita fareho meava roi; aite ara araro itapōpe Ualare tai terai roi.

Ioane 8:14

Iesu tava o erero mō ōpe, Katareha, ara o arave elore maea vei la moipea, a—, ara moipeta mea o okofa, ipi ara kotipe lea oti ara ore, aeata ara terai vei leipeta lea oti ta reha; a—, ara kotipe lea oti e ore kasirau, aeata ara teraita lea oti ta reha.

Ioane 8:42

Iesu erero mō ōpe, Ualare eve Oa oria, e araro haikakare leiti lare, ipi ara Ualare voa pea koti mea. Ara haria lei koti kao, a—, araro are sa itapi mea.

Aposetolo 2:36

Lea vei Israela toruipi foromai ore kofa leitia, mea Iesu, e satauro voa vitei paeaia lea vita la Ualare sa lei are Papuvita aea Keriso loita meha.

1 Korinito 15:27

Ipi Safu Buka ve o meha, Ualare etau foromai la areve mora ve ipi voa vipi pepeitore. A—, ereita ore, etau foromai la areve mora ve ipi voa vipi pepeitore, lea o ve eite mōfeare kao, etau foromai la ipi voa vipaita lea Ualare ta ipi voa pavai roi.

Heberu 1:2

A—, mea aite soa ve sare sare voa are areve Atute sa ereitaro ovoro mei la mea. Are lea Atute voa mearovaeka la pisosi, aea etau foromai la arero aiorōpe areve hasu vei.