Ioane 13:1 - Testamenta Áre 1983 (Toaripi PNG)

¹ Soka Foapaita Sosoka soa ve omopa voa, Iesu ore are mearovaeka la kiripi, aea are Oa tai terai vei leipe soa forerōpe reha. Mearovaeka voa pepeiape areve lea karu kofa la are haikakare leiape, aea are erero haikakare ta lei vovo meiape soa tetete sisatao soa voa.

Ioane 13:1 Iomraidhean Croise

Mataio 26:45

Aite are satiriaraita karu tai ata kerori iti erero mō ōpe, E ata ivutu la iroropi sisea ei? e hai la oraipea ei?

Mataio 28:20

Ara ero omoiape lea etau foromai ere leiti vei erero satiriaraia, aea mapaia, ara e ita lei peava roi, pepepepe mea ve soa kaleiti roi.

Luka 22:53

Ara sare sare foromai e ita fareho Maso Uvi voa meia lea soasoa, e araro sukaforai vei mai sosoropai sore. Soka mea eve soa, aeata murumuru ve siahu ve soa.

Luka 9:51

Soka arero kauri voa fareōvi patai vei haekao leipe soa voa, are haiiri foromai kekese leipe Ierusalema voa patai vei.

Ioane 11:55

Soka Iuda karu ve Foapaita Sosoka haekao leipe; aea karikara haroharo ve karu sitavu sitavu Foapaita Sosoka soa ve omopa voa Ierusalema voa everori papatavōpe, ereve maea la maso sa lei ovava leiti vei.

Ioane 12:23

Iesu tava o ereukaro mō ōpe, Karu ve Atute la lei sosorusosoru leita ora foreraita meha.

Ioane 13:29

Karu hea ve haiiri, Iudasi sa moni oroasi ovi kiva leiape lea vei, Iesu arero omoipe are ere sa sosoka leiti vei haikaeaita etau itaea leiti vei varo, ō mōfeare varo, etau ovi merava karu la miarai vei.

Ioane 13:3

Iesu ta ore Oa etau foromai areve mai voa miōri, aeata are Ualare voa pea kotipe aea are Ualare tai terai vei leipe.

Ioane 13:34

Ara safu áre ero miaraita meha, e elore elore haikakare leiti vei. Ara ero haikakare lei vovo meita feare, e ta elore elore haikakare lei vovo roroava.

Ioane 14:28

Ara terai roi aea ara ero tai ata koti roi, arave lea o la e mapi roroka. E araro haikakare araita, a—, ara Oa tai terai vei leita lea vei e hailareva leiti lare; ipi Oa sa arave rovaea la sapatai.

Ioane 14:31

a—, mōfeare mai ve ipi mearovaeka la lei ore leiti vei, ara Oa la haikakare lei vovo meitore, aea Oa sa moita o feare, ara lōri lei vovo mea vovea. Itotea ereita maea leiti vei.

Ioane 16:28

Ara Oa voa pea forerai, aea ara mearovaeka voa foreri la mea; a—, ara mearovaeka la kiripi Oa tai ata terai roi.

Ioane 17:1

Iesu o lōri mei, areve ofae moravi kauri voa misilei mō ōpe, Oa e, soa foreraita meha; ave Atute la lei sosorusosoru leitia, Atute ta aro lei sosorusosoru leiti vei.

Ioane 17:16

Ere mearovaeka ve karu kao, usoso ara ta mearovaeka ve karu kao.

Ioane 17:26

Ara ave rare la erero lei ore leipe, aea erero ta lei ore leiti roi, a araro haikakare leita lea haikakare ta ereve iri voa pōvi, aea ara ta ereve iri voa pei vei.

Ioane 17:5

Lea vei, Oa e, mearovaeka la pisosi auke leipe lea oarehōva soa voa ara a voa ovōpe lea sosorusosoru la ovi, araro faitora lei sosorusosoru leitia ave omopa voa.

Ioane 18:4

Iesu, are voa forerai etau foromai la ore lei, pisiri voa foreri erero mō ōpe, E sa elipeta karu leisa?

Ioane 19:28

Lea ve aite voa, Iesu etau foromai roroka leipe lea la ore lei, are Safu Buka ve o la lei okofa leiti vei, mō ōpe, Ara kōvōre‐tolo loi.

Ioane 2:13

Soka Iuda karu ve Foapaita Sosoka haekao leipe, lea vei Iesu Ierusalema voa pataipe.

Ioane 6:4

Soka Iuda karu ve Foapaita Sosoka ve soa haekao leipe.

Ioane 7:30

Lea mea ere arero mai sa sukafori paeai haikaeōpe, a—, lea la leiti kao, ipi areve ora forerai auke eavia.

Ioane 7:6

Soka Iesu erero mō ōpe, Arave soa areapo, a—, e voa eve soa meamea usoso leititore.

Ioane 8:20

Are lea o moni kokorukaita oti voa omoipe, are Maso Uvi voa satiriaraiape lea mea. Karu farakeka aea arero mai sa sukaforai kasirau, ipi areve ora forerai auke eavia.

Roma 8:37

A—, lea etau foromai voa ereitaro haikakare leipe lea vita vei, ereita ovi aieri foromai sapataita karu lei la roroa.

1 Korinito 1:8

Are ero lei kere popōvi pepe soa sarapaita soa voa, ereitave Papuvita Iesu Keriso ve sare voa kaiae o ero levi ari vei.

Heberu 3:14

Ipi ereita ve sukaerereai, soa oarehōva soa tetete aite kofa voa rofo kofa ita popōvait’ oria, ereita Iesu ita fareho leitita karu lei roroava roi.

Heberu 3:6

A—, Keriso are Atute maea lei, Ualare ve toruipi voa harofave vita mai la kakeva ita lei vovo meiape. Ereita haiiri rofo lei, ereita au taita etau vei hailareva ita sukaerereait’ oria, ereita areve toruipi lōfeare lei roroava roi.

Heberu 6:11

Elave haikaeaita haiiri rovaea meha, e karu foromai lōfeare haihahari lei vovo roroava, tetete soa sarapaita soa voa, lea vei e au taita lea etau la e maravai roi.

1 Petero 1:13

Lea vei eve haiiri ovoako lei, haisukafori roroava, aea Iesu Keriso areve elore maea la pisiri muiaita soa voa e sa ovai vei leipeta lea haiforoe leita meru la eve haiiri foromai ita au tai vovo roroava.

1 Ioane 4:19

Ereita haikakare leitita ipi Ualare sa ereitaro omopa kofa haikakare leipe eavia.

Apokalupo 1:5

aea Iesu Keriso, etau la ore lei okofa o moita Vita, opai voa epi meita Atute toare, mearovaeka ve king foromai ve lea harofave Vita ita sa miaraita haiforoe leita meru tairu ita la ovaia. Are ereitaro haikakare ari, aea areve ovo sa ereitave iri kaiae voa ereitaro felaukea paparaea,