Ioane 11:4 - Testamenta Áre 1983 (Toaripi PNG)

⁴ A—, Iesu lea la mapi mō ōpe, Lea eka opai etau kao, a—, ipi Ualare ve fari la moravai vei, Ualare ve Atute ve fari la lōfeare lei rovaea leiti vei.

Ioane 11:4 Iomraidhean Croise

Ioane 10:38

A—, ara lea tivi la leitit’ oria, e araro sukaerereai haikaeai auke leitita, a—, lea tivi vei sukaerereaia. Lōfeare voa e haiiri fapi ore leiti roi Oa are arave iri voa, aea ara ta Oa ve iri voa.

Ioane 11:40

Iesu arero mō ōpe, Ara aro omoi kao ei, a sukaerereai oria, a—, a Ualare ve sosorusosoru la ofae eavai roi?

Ioane 12:28

Oa e, ave rare la lei sosorusosoru leitia. Lea mea i kauri voa mō isa moipe, Ara arero lei sosorusosoru leipe, aea ara arero lei sosorusosoru ata leiti roi.

Ioane 17:1

Iesu o lōri mei, areve ofae moravi kauri voa misilei mō ōpe, Oa e, soa foreraita meha; ave Atute la lei sosorusosoru leitia, Atute ta aro lei sosorusosoru leiti vei.

Ioane 17:10

Arave etau foromai ave etau, aea ave etau ta arave, aea ara ere voa arave sosorusosoru ta muia mea.

Ioane 17:5

Lea vei, Oa e, mearovaeka la pisosi auke leipe lea oarehōva soa voa ara a voa ovōpe lea sosorusosoru la ovi, araro faitora lei sosorusosoru leitia ave omopa voa.

Ioane 2:11

Iesu sa oarehōva leipe siahu ve peise reha, are Kana karikara Galilea soa voa leipe. Lōfeare voa are areve sosorusosoru pisiri voa muia, aea areve satiriaraita karu arero sukaerereōpe.

Ioane 5:23

karu foromai Atute la taivotai vei, ere sa Oa la taivotaita lōfeare. Atute la taivotai auke leitita lea karu, Atute la itapōpe lea Oa ta taivotai sore.

Ioane 8:54

Iesu tava o mō ōpe, Ara arave haria fari la moravi rovaea leitita, a—, arave lea fari eite kao. Arave fari la moravi rovaea leiti Vita arave Oa reha, aea e are vei mō aritore are eve Ualare.

Ioane 9:24

Soka ere ofae kuku leipe karu la ata isa arero mō ōpe, Ualare ve fari la moravi sosorusosoru leitia; ela ore kofa lea vita are iri kaiae vita.

Ioane 9:3

Iesu tava o mō ōpe, Mea vita aea areve oalou ta kaiae leiti kao; a—, arero ofae kuku ita epōpe ipi Ualare ve leita mai la areve maea voa muiai vei.

Roma 11:11

A—, arave lalasi o meha, Iuda karu ere safosafoa putoi kofa leipe ei? Kasirau. Ere safosafoa mai kaiae leipe lea vei, makuri leita siahu toru hariaharia karu voa forerōpe reha, Iuda karu la lei hilisi leiti vei.

Filipi 1:11

e Iesu sa lei foreraita haura ve fare foromai rauapo la tai roi, Ualare la lei sosorusosoru lei maeati vei.

Filipi 1:20

Ara sa haikaea taita haiiri rovaea meha, ara etau farakeka aea voa maeamariti levi leiti vei, a—, usoso soa foromai voa leita feare, ara faitora ta ivara lei, Keriso ve fari la arave maea voa moravi rovaea leiti roi, ara makuri leita varo, opaita varo.

1 Petero 1:21

E Ualare la are voa sukaerereaitore, arero opai voa moravi, aea fari sosorusosoru arero miarōpe lea Ualare. E Ualare la sukaererea aea arero au tai vovo roroai ve ipi Iesu Keriso voa.

1 Petero 4:11

Karu farakeka aea itoro arita, a—, are Ualare ve ovoro la moia; karu aea toaraita tivi leitita, a—, are Ualare sa arero miaraita rofo ita toaraia. Lōfeare voa etau foromai Ualare la lei sosorusosoru leiti vei Iesu Keriso voa: sosorusosoru aea siahu ita areve, aea lōri lei pepe peava roi. Amene.

1 Petero 4:14

Ero Keriso ve rare vei o kaiae ō vovo roroaita, a—, e lareva ia; ipi sosorusosoru ve Arahoha, Ualare ve lea Arahoha e voa lea vei peitore.