Ioane 10:4 - Testamenta Áre 1983 (Toaripi PNG)

⁴ Are areve elore mamoe la maria voa lei foreraita lea mea, are erero lariōvi lea mamoe arero aitetai roroava roi, ipi ere areve i‐ape malasa eavia.

Ioane 10:4 Iomraidhean Croise

Mataio 16:24

Aite Iesu areve satiriaraita karu la mō ōpe, Karu aea araro aitetai haikaeai oria, are areve elore maea la haiarara lei, areve satauro la taiovi, araro lōri aitetaia.

Ioane 10:16

Soka ara mamoe haria la ovai; ere mea kora ve mamoe kao. Ara erero ta lariōvi, aea ere ta arave i‐ape la mapai roi, aea mamoe sitavu farakeka, kiva vita ta farakeka leiti roi.

Ioane 10:27

Arave mamoe arave i‐ape la mapi, aea ara erero ore, aea ere ta araro aitetaitore.

Ioane 10:3

Otiape kiva vita otiape are vei fapa vovea; are areve elore mamoe la rare ita isaita lea mea, ere areve i‐ape la mapi, aea are erero maria voa lariōvaitore.

Ioane 10:5

Ere karu haria la aite levi tai roi, a—, arero tore lei oroai roi; ipi ere karu haria ve i‐ape malasa auke eavia.

Ioane 10:8

Arave omopa voa foreraiape lea karu murufa torea aeata irori ita torea leita karu ere reha, a—, mamoe erero mapai kasirau.

Ioane 12:26

Karu aea arave tivi karu leitita, a—, are araro aitetaia, aea ara peita lea oti voa, arave tivi karu ta peava roi. Karu aea arave tivi la leitita, a—, arave Oa sa arero maeati roi.

Ioane 13:15

Ipi ara sa loita lea mai ero satiriaraita meha, ara sa ero loita lea mai e ta lōri leiti vei.

Ioane 18:37

Soka Pilato arero mō ōpe, King aea a kofa reha ei? Iesu tava o mō ōpe, Ara king, ave o reha. Araro epi mearovaeka voa forerōpe ipi okofa la mei pisiri muiai vei. Okofa ve karu foromai arave ape o la mapa vovea.

Ioane 3:29

Ua áre la ovaita vita, ua laeaita vita reha; a—, ua laeai vei leipeta vita ve moraitai, soi pea arero mapaita lea vita, ua laeaita vita ve o la mapaita, are hailareva rovaea. Lōfeare hailareva ta arave, aea ara hailareva sa soarita meha.

1 Korinito 11:1

E arave leita mai la ruruiaia, usoso ara ta Keriso ve mai la ruruiaita feare.

Efeso 5:1

E Ualare sa leita mai la ruruiaia, usoso areve haikakare leita atutemori fefeare;

Heberu 12:2

Iesu la fofoisa oroaia; are ereitave sukaerereaita haiiri ve Ipivita aeata lei kekese leitita Vita. Are ta areve omopa voa leipe hailareva la ovai vei satauro ve hehea la haiiri rofo ita au moraripe, lea maeamariti la are eite auke ita seseōvi, faitora are Ualare ve mai toare voa avi laisesea.

Heberu 6:20

Lōvoa ereitave omopa voa pataita vita, Iesu sa ereita vei oropi laipea, ipi are peita maso harofave vita, Melekisedeka sa leipe lea mai ve ipaisa vita eavia.

1 Petero 2:21

Ipi lōfeare leiti vei Ualare sa ero isaiape, ipi Keriso ta hehea e vei leipe, aea mai ero lōri muia satiriarōpe, e ta areve mora la tai terai vei.

1 Petero 4:1

Soka ipi Keriso hehea sarōva voa leipe lea vei, e ta haiiri seseōvi are ita usoso lei, eve haiiri rofo leitia. Ipi maeasarōva voa hehea leitita lea karu are mai kaiae la kiripaita reha.

1 Petero 5:3

e sa erero kiva leiti vei miaraita lea karu voa papukaru mai feare levi leitia, a—, mai lareva la erero muiaia, ere ta lōri leiti vei.