Ioane 10:1 - Testamenta Áre 1983 (Toaripi PNG)

¹ Okofa ara ero omoi, Mamoe ve kora ve otiape voa oropai auke leitita, a—, kora maea merava voa patei faukaita lea karu murufa torea aea irori ita torea leita karu are reha.

Ioane 10:1 Iomraidhean Croise

Mataio 7:15

E apeva peroveta karu vei kiva lei vovo roroava; ere pisiri voa mamoe ve maea feare lei, ero tai forerai roi, a—, iri voa ere ero la’ haroavaita furuka ave ve maea feare.

Ioane 10:7

Soka Iesu erero ata mō ōpe, Okofa ara ero o la moi, Mamoe ve otiape ara meha.

Ioane 3:3

Iesu tava o arero mō ōpe, Okofa ara aro o la moi, Karu Ualare ve Basileia la ofae levi eavai roi, arero ata mi áre ari auke leitit’ oria.

Roma 10:15

Aea ovoro ta leafeare itoro ari roi, meu karu la itapai auke leitit’ oria? Usoso Safu Buka ve o feare. Fari lareva la mei foreraita karu fororoe ere reha.

Roma 16:18

Lōfeare karu ere ereitave Papuvita Keriso ve toaraita karu kao, ere ereve ére vei haria haikakare lei vovea. Ere o mafu, aea o lareva hahau‐hahau ita la maravi mei haiivavu karu la vuteaitore.

Tito 1:11

Erero lei ere ape sasaukai vei; ipi ere tava moni la ovai vei satiriarai vei usoso auke leita lea etau la satiriōri, maiape karu hea ve haiiri la lei la lavukakaeaipea.

Heberu 5:4

O aeata meha, karu aea mea rare rovaea tivi la areve elore siahu sa ovai sore, a—, arero Ualare sa isa fareovaita, lea sa haria, usoso Aarona la leipe lōfeare.

1 Petero 1:10

Peroveta karu, Ualare ve haiforoe leita meru e voa forerai o la everori moiape lea karu, ere mea lei makuri leita siahu vei lalasi lei metakao eliape.

2 Petero 2:1

Apeva peroveta karu ere Israela karu ve aru voa foreraiape, aea lōfeare mai ita satiriaraita apeva papukaru e voa ta forerai roi. Ere saroapaita ovoro apeva murufakao satiriōri, aea erero itaea lei maravaita lea Papuvita la avoa a’, aea lōfeare saroroapaita soa elore maea voa utohoari lei forerai roi.

2 Petero 2:3

Ere sa etau rauapo maravai vei haikakare araita voa, ere o apeva sa ero kurea eve haiiri la lari roi; a—, erero seseōvi ere vei everori ōpe kaiae tava lekaleka levi leiti roi, aea erero saroroapaita soa ivutu auke ita la eaea.

1 Ioane 4:1

Arave haikakare paumarehari e, arahoha ita karu foromaiapo la levi sukaerereaia, a—, erero foromaiapo la seseōvi ore leitia, ere Ualare voa foreraita varo. Ipi lohalai peroveta karu rauapo mearovaeka voa foreri la roroa.