Ioane 1:4 - Testamenta Áre 1983 (Toaripi PNG)

⁴ Makuri ve eite ta are voa, aea karu ve ovava lea makuri voa.

Ioane 1:4 Iomraidhean Croise

Mataio 4:16

Murumuru voa aipepeiape karu ovava rovaea la eovi la roroa, aeata opai ve mea tōvu voa aipepeiape karu voa ovava rovaea patei foreri la haeaipea.

Luka 2:32

Ovava kofa meha, toru hariaharia karu la lei ovava lei, aeata ave toruipi Israela la lei sosorusosoru leiti vei.

Ioane 11:25

Iesu arero mō ōpe, Lea opi itoita, aeata makuri eite ara meha; araro sukaerereaita lea karu, are ta opi, makuri leiti roi.

Ioane 12:35

Iesu erero mō ōpe, Ovava e voa soa taheka aeata la eaea. Ovava lei eaeita lea soa voa e mora sa teraia, murumuru sa ero ovi aierai ave. Murumuru voa mora teraita lea karu, are teraipeta lea oti ore kao.

Ioane 12:46

Ara ovava feare mearovaeka voa foreri la mea, ipi araro sukaerereaita karu murumuru voa levi pavai vei.

Ioane 14:6

Iesu arero mō ōpe, Otiharo aeata okofa aeata makuri eite ara meha. Ara voa terai auke leitita lea karu farakeka Oa tai levi forerai roi.

Ioane 3:19

Seseōvi tava miaraita mai mōfeare: ovava mearovaeka voa haeaita meha; a—, karu murumuru la haikaeai rovaea, ere ovava la haikaeai kao, ipi ereve leita mai kaiae eavia.

Ioane 5:21

Usoso Oa opai karu la moravi erero lei makuri leitita lōfeare, Atute ta lōfeare are haikaeaita lea karu la lei makuri lei vovea.

Ioane 5:26

Ipi usoso Oa makuri ve ipi areve iri voa ovaita feare, lōfeare are siahu Atute la miarōpe makuri ve ipi ta areve iri voa ovai vei.

Ioane 8:12

Iesu karu sitavu la ata itoro a’ mō ōpe, Mearovaeka ve ovava ara meha. Araro aitetei vovo roroaita lea karu murumuru voa levi terai roi, a—, makuri ve ovava ovai roi.

Ioane 9:5

Ara mearovaeka voa peita soa, ara mearovaeka ve ovava lei meitore.

Aposetolo 26:23

Etau meha: Keriso hehea omopa lei, aeata opai voa oarehōva ata itoita vita leiti roi, aea are ovava ve o Israela karu aeata toru hariaharia karu ita la lei ovava leiti vei itoro ari roi.

1 Korinito 15:45

Ipi Safu Buka voa o mō uka sisea, Omopa kofa Adamu makuri karu leipe, a—, aite kofa Adamu makuri miaraita arahoha reha.

Efeso 5:14

Lea vei o mō aritore, Ivutu iavaita karu e, ovoako lei, opai voa eaea kiripi itoia, aea Keriso sa aro haea ovava leiti roi.

Kolose 3:4

Ereitave makuri ve eite Keriso reha, aea are pisirikao foreraita lea mea, e ta are ita sosorusosoru leita soa voa forerai roi.

1 Ioane 1:1

Elave karoro ve eite makuri ve O vei, oarehōva kofa soa voa peiape aeata itiiti faitora soa voa peipeta lea O. Ela sa arero mapaiape, aea elave ofae sa arero eovi aeata fofoisaiape, aeata elave mai oraka sa arero mopaiape.

1 Ioane 1:2

Lea makuri sa pisiri lei muiōpe soa ela arero ofae eavaiape, aea lea vei okofa ero omei, Oa ita fareho peiape aea elaro muiaiape lea peita makuri vei ero moitore.

1 Ioane 5:11

Lea o mōfeare: Ualare peita makuri ereitaro miarōpe, aea lea peita makuri ve ipi areve Atute voa.

Apokalupo 22:1

Lea soa lea aneru makuri ma ve mai ovava‐eka kofa la araro muiope; are Ualare aea Mamoe Mere ve terona voa popotoa foreri,

Apokalupo 22:16

Arao, Iesu, ara arave aneru la lea ovoro ita ekalesia firufiru foromai vei aro tai itapaita meha. Ara Davida ve likilea aeata meavumōla, aeata mea ōpai koru sosorusosoru.