Ioane 1:1 - Testamenta Áre 1983 (Toaripi PNG)

¹ Oarehōva kofa soa voa O sa peiape, aea lea O Ualare ita fareho peiape, aea lea O are Ualare.

Ioane 1:1 Iomraidhean Croise

Mataio 1:23

Ofae eavaia, morihōva ére ovi, atute la epai roi; aea areve rare Emanuele la aravai roi. Lea rare ve eite, Ualare ereita ita fareho pea.

Luka 24:53

Ere soa foromai voa Maso Uvi voa Ualare la maeati vovo roroaiape.

Ioane 1:14

O ta maeasarōva lei ereitave aru voa peiape, aea ereita areve sosorusosoru la ofae eavaiape, Oa sa miōpe atute farakeka la miaraita lea sosorusosoru feare, haiforoe okofa ita sa soōpe.

Ioane 1:18

Evera soa itiiti faitora karu aea Ualare la ofae eavai kasirau, a—, Ualare ve Atute farakeka, Oa ve maea maria voa peita lea Vita sa arero mei fafarapi pisiri leipe.

Ioane 1:2

Are oarehōva kofa soa voa Ualare ita fareho peiape.

Ioane 16:28

Ara Oa voa pea forerai, aea ara mearovaeka voa foreri la mea; a—, ara mearovaeka la kiripi Oa tai ata terai roi.

Ioane 17:5

Lea vei, Oa e, mearovaeka la pisosi auke leipe lea oarehōva soa voa ara a voa ovōpe lea sosorusosoru la ovi, araro faitora lei sosorusosoru leitia ave omopa voa.

Ioane 20:28

Tomasi tava o arero mō ōpe, A arave Papuvita aeata arave Ualare.

Ioane 8:58

Iesu erero mō ōpe, Okofa ara ero o la moi, Abrahama la epai auke soa ve omopa voa itiiti faitora ara la me meha.

Roma 9:5

Papa metameta rauapo ta ereve; Keriso ta maeasarōva lei ereve toruipi voa forerōpe. Etau foromai ve arori voa peita Ualare la maeati peava! Amene.

Efeso 3:9

aea etau foromai la pisosipe Ualare are evera soa itiiti faitora arorisaita lea haiiri ve eite la ara sa karu foromai la muiai vei.

Filipi 2:6

Mōfeare, are Ualare ve opape lei, lei vovo meiape, a—, are Ualare ita usoso meita mai la mai kere paeai haikaeai auke lei,

Kolose 1:15

Keriso are karu sa ofae eavai auke Ualare ve opape, Ualare ve atute toare, aea pisosiape etau foromai ve omopa Vita.

Kolose 1:17

Are omopa kofa voa peiape; etau foromai areve aite voa foreraiape, aea Keriso voa etau foromai la aruovi i a’ laisisea.

1 Timoteo 3:16

Okofa‐kofa‐eite, ereitave Ualare la taivotaita ovoro are hohore o rovaea kofa: Are maeasarōva lei pisiri voa muia, Arahoha sa are vei haura o a’, aneru sa arero ofae eavōpe. Torutoru karu ve aru voa o are vei itoro a’, mearovaeka voa mapi sukaererea, sosorusosoru voa arero fareōvi pataipe.

Tito 2:13

Ereita lea Sare lareva la la taipea, lea mea ereitave Ualare rovaekapo aea ereitaro fareōvi makuri leita Vita, Iesu Keriso ita ve sosorusosoru pisiri lei forerai roi.

Heberu 13:8

Iesu Keriso area sare voa, iso sare voa, aea sare foromai voa, soa sarapai auke ita, mai farakeka usoso lei vovo mea vovea.

Heberu 7:3

Areve oa aea areve lou aeata areve ueri mileri‐ita vei fari kasirau, arero epōpe sare aeata areve makuri kaleipe sare ita vei ta fari kasirau, a—, usoso Ualare ve Atute feare are maso tivi vita lei laipea.

2 Petero 1:1

Simona Petero, Iesu Keriso ve sarufa vita aeata aposetolo ve karoro meha; ereitave Ualare aeata lei makuri leita Vita Iesu Keriso ita sa leita mai haura voa, elave sukaerereaita haiiri lareva ita usoso feare lei maravi roroaita lea karu veia.

1 Ioane 5:20

Ereita mea ta ore, Ualare ve Atute foreri laipea, aea ereitave haiiri la lei ovava lei, okofa ve Ualare la ore leiti vei. Ereita okofa ve Ualare voa laepepea, aea areve Atute Iesu Keriso voa ta reha. Okofa ve Ualare reha, peita makuri ta reha.

1 Ioane 5:7

Arahoha sa lea la ore lei okofa la moipea, ipi Arahoha are eite okofa.

Apokalupo 1:11

mō ōpe, A ofae eavaipeta mea etau la buka voa ukaia, aea arero ekalesia seven voa itapaia, Efeso voa, aea Semurana voa, aea Peregamo voa, aea Tuatira voa, aea Saradisi voa, aea Filadelefia voa, aea Laodikea voa.

Apokalupo 1:17

Ara arero ofae eavōpe lea mea, ara usoso opaita karu feare lei, areve mora ipi voa au putoipe. Putei, are areve mai toare araro miavi mō ōpe, Tore levi leitia; ara omopa kofa Vita, aeata aite kofa Vita,

Apokalupo 1:2

aea Ioane sa eovi ore leipe etau foromai, aea Ualare ve o aea Iesu Keriso vei moipe lea o ita la are o mei muiōpe.

Apokalupo 1:8

Papuvita Ualare o mō auai, Ara Alefa aeata Omega. Are meipeta, aea meiape, aea forerai vei leipeta lea Vita, Rofo Rovaekapo Ualare.

Apokalupo 19:13

Are ovo voa paraeōpe arori puta mopi, aea areve rare la ore lei moita rare Ualare ve O reha.

Apokalupo 2:8

Semurana voa peita ekalesia ve aneru la o mō ukaia: Omopa kofa Vita aeata aite kofa Vita, opōpe, a—, makuri ata lei meita lea Vita ve o meha:

Apokalupo 21:6

Are araro ta mō ōpe, Roroka loita meha. Ara Alefa aeata Omega, omopa kofa meiape Vita aeata aite kofa mei Vita. Kōvōre‐tolo leita karu la ara makuri ve ma popotoaita oti voa ma tava auke ita arero miarai roi.

Apokalupo 22:13

Ara Alefa aeata Omega, ara oarehōva soa voa meiape aeata sisa soa voa meava roi, ara omopa kofa meiape Vita aeata aite kofa mei Vita.

Apokalupo 3:14

Laodikea voa peita ekalesia ve aneru la o mō ukaia: Lea Amene rare Vita, sukaererea vovo meita, okofa ita moita Vita, Ualare sa pisosipe etau etau foromai ve oarehōva Vita, areve o meha.