Iakobo 1:3 - Testamenta Áre 1983 (Toaripi PNG)

³ Ipi eve sukaerereaita haiiri la seseōvi rofo la ore leitita, a—, lula auke haiiri kere mai la lōfeare sa lei forera vovea.

Iakobo 1:3 Iomraidhean Croise

Heberu 10:36

E Ualare sa haikaeaita haiiri la lei, aea are sa otoare ōpe lea etau la ovai oria, e haiiri rofo ita lei vovo roroava.

Kolose 1:11

Elave loki o aeata meha, Ualare areve sosorusosoru ve siahu sa lei, ero lei rofo foromai leiti vei, aea e lōfeare voa heafo foromai la haiiri lula auke ita morarita ore.

1 Petero 1:7

Lea hehea ve ipi eve sukaerereaita haiiri ve okofa la seseōvi ore leiti vei. Gold are veverapaita etau, a—, karu gold la a voa ea hohorea seseōvaitore, areve lareva la ore leiti vei. Eve sukaerereaita haiiri gold ve lareva la sapatai, aea eve lea sukaerereaita haiiri la a feare voa ea seseōvi roroka leita lea mea, Iesu Keriso sa areve elore maea la pisiri muiaita soa voa ero maeati roi, aeata e sosorusosoru aea fari lareva la lōri ovai roi.

Roma 8:28

Ereita mōfeare ore, Ualare la haikakare leita karu, are haikaea isa maravaita lea karu vei, are etau foromai tivi farehoria leititore lareva la lei forerai vei.

2 Korinito 4:17

Ipi elave utohoa kaleipeta haisora seika sa elaro lei kekese la leipea, seseōvi ore auke lei peita sosorusosoru ve rovaeka kofa la aite soa voa ovai vei.

Roma 15:4

Evera ukaiape lea Safu O foromai, ereitaro satiriarai vei ukaiape, ereitaro kurea, ereitaro lei lula auke haiiri kere ita, aite soa ve lareva la tai vei.

2 Petero 1:6

aea haiore voa haisukafori roroaita mai ta topiaraia; aea haisukafori roroaita mai voa lula auke haiiri rofo ta topiaraia; aea lula auke haiiri rofo voa Ualare la taivotaita mai ta topiaraia;

Roma 8:25

A—, ereita ofae eavai auke leitita lea etau la tait’ oria, a—, ereita lea etau la haisukafori tai vovo roroava roi.

Heberu 12:1

Soka ereitaro ore lei fofoisaita karu sitavu mea‐e rovaeka feare, ereitaro eakoa toepi lei vovo roroaita lea vei, ereita ereitaro pasou leita lea etau foromai la, aea ereitaro pasaea fasaita lea iri kaiae la felaukea mutapi, aea ereitave omopa voa vipi muiaita lea loreape soa voa haiiri kere ita oroaia.

2 Tesalonika 3:5

Papuvita sa eve haiiri la Ualare ve haikakare voa aea Keriso ve lula auke haiiri kere voa lariōvai peava.

2 Tesalonika 1:4

Lea vei ela Ualare ve ekalesia firu‐firu ve soso voa e vei hiva ō vovea. Elave hiva ve ipi meha, karu sa ero hasiōvi e hehea leita soasoa ve aru voa e haiiri lula auke lei Ualare la sukaerereaita lea mai vei.

Roma 2:7

Karu hea haiiri lula auke ita mai lareva lei lei, Ualare voa sosorusosoru aea marase o aea peita makuri la eli vovea; lōfefeare karu la Ualare sa peita makuri miarai roi.

Luka 21:19

E haiiri rofo lei pavaita, a—, e makuri lōri ovai roi.

Heberu 6:12

E maeapatoita levi leitia; a—, mōfeare mai la leita karu fefeare leitia, ere Ualare la lula auke haiiri ita sukaererea, aeata lōfeare vei ere Ualare sa otoare ōpe lea etau la maravi la roroa.