Filipi 4:9 - Testamenta Áre 1983 (Toaripi PNG)

⁹ E ara voa satiriōri aea maravi aea mapi mapi aeata ofae eavaiape lea etau la leitia; lōfeare voa tairu ve Ualare e ita farehoria lei peava roi.

Filipi 4:9 Iomraidhean Croise

Mataio 1:23

Ofae eavaia, morihōva ére ovi, atute la epai roi; aea areve rare Emanuele la aravai roi. Lea rare ve eite, Ualare ereita ita fareho pea.

Mataio 28:20

Ara ero omoiape lea etau foromai ere leiti vei erero satiriaraia, aea mapaia, ara e ita lei peava roi, pepepepe mea ve soa kaleiti roi.

Mataio 7:21

Papuvita e, Papuvita e, o lōri arita karu foromai kauri ve basileia voa levi oropai roi; a—, arave kauri voa peita Oa sa haikaeaita mai la leita lea karu sa haria.

Luka 6:46

E araro, Papuvita e, Papuvita e, o moita, a—, e ara sa ero o moita lea o la leiti auke ipi levea?

Luka 8:21

A—, are tava o mō ōpe, Arave lou aea arave maraiosu ita meha; Ualare ve o la mapi kakeva lei aeata leitita karu.

Ioane 13:17

E mea etau la ore lei, mai lōri leitita, a—, e lareva ia.

Ioane 15:14

Ara ero omoita lea etau la e leitita, a—, e arave moraitai‐itai lōri leiti roi.

Ioane 2:5

Areve lou tivi karu la mō ōpe, Are sa ero omoita lea etau foromai la leitia.

Aposetolo 9:6

Soka a itei, karikara voa kei oropaia; a sa leiti etau aro lōvoa omoi roi.

Roma 15:33

Tairu ereitaro miaraita Ualare, e ita farehoria pepe peava. Amene.

Roma 16:20

Tairu miaraita lea Ualare, Satani la eve mora posa sa patei lōfeare utohoa saforai roi. Ereitave Papuvita Iesu Keriso ve haiforoe leita meru e ita farehoria pepe peava.

1 Korinito 10:31

Lea ve ipi e larietau la larita, aea e ma la larita, aea e etau hariaharia la leitita, a—, e Ualare la lei sosorusosoru leitia.

1 Korinito 14:33

Ipi Ualare are avukakaeaita mai ve Ualare kao, a—, tairu lei totoeaita Ualare. Usoso Ualare ve karu ve ekalesia foromai voa leitita lea mai feare,

1 Korinito 4:16

Soka ara ero loki fi ita leipea, e arave mai feare leitita karu leitia.

2 Korinito 13:11

Soka, paumarehari e, arave sisa o meha; hailareva leitia; mai lareva voa kekese ita leitia; arave kureaita o la mapaia; haiiri farakeka lei peava; tairu ita roroava; aea haikakare ita tairu ita ve Ualare e ita farehoria pōvi pepe peava roi.

Filipi 3:17

Paumarehari e, e farehoria arave leita mai la ruruiaia, aea elave mai feare lei vovo roroaita karu la ofae fofoisaia.

Filipi 4:7

Soka Ualare ve tairu, karu sa seseōvi ore auke leita lea tairu, eve haiiri aea eve haikaeaita la Keriso Iesu voa kiva lei meava roi.

1 Tesalonika 1:6

E elave mai aea Papuvita ita ve mai lōfeare usoso lei, Ovoro Lareva vei karu sa ero lei haisora rauapo leivota, a—, Safu Arahoha sa miaraita lea hailareva ita e lea Ovoro la ovi la roroa.

1 Tesalonika 2:14

Paumarehari e, Ualare ve ekalesia firufiru Iudea voa, Iesu Keriso ve lea karu la leiape mai, ero ta usoso leivota; ipi eve elore toruipi karu sa ero hasiavavota lōfeare Iuda karu sa lea ekalesia karu la hasiavaiape.

1 Tesalonika 5:23

Tairu ve Ualare, are kofa sa ero lei areve karu leiti vei, aea eve arahoha ove ita maea ita maeamakora la kiva lei, e kaiae auke leiti roi, ereitave Papuvita Iesu Keriso sa kotita soa voa.

2 Tesalonika 3:4

Ela Papuvita voa e vei mōfeare sukaerereai vovea, ela ero omoita lea etau la e la leipea, aeata erero lōri lei peava roi.

2 Timoteo 4:22

Papuvita ave arahoha ita farehoria lei peava. Haiforoe leita meru e ita farehoria lei peava.

Iakobo 1:22

E o la mapi leitita karu lei roroava; o la au mapaita haria voa kasirau, ipi lōfeare voa e eve elore haiiri apeva vutea vovea.

2 Petero 1:10

Lea vei, paumarehari e, haiiri rofo foromai ita Ualare sa ero isa ero haikaea maravaita lea la lei okofa leiti vei, ipi e lōfeare leitita, a—, e safosafoa levi putoi roi.

1 Ioane 3:22

Ereita arero loki leita lea etau foromai la are ereitaro aiorai roi; ipi ereita are sa moita lea o la kekeva lei, aea arero lei hailareva leita lea etau la lei vovea.