Filipi 4:8 - Testamenta Áre 1983 (Toaripi PNG)

⁸ Paumarehari e, laua sarapaita o meha: okofa ita etau, taivotaita etau, haura ita etau, ovava ita etau, haiforoe leita etau, maeati o ita etau, o foroe lōvoa eaei oria, aeata arita o lareva lōvoa eaei oria, lōfeare etau foromai vei haikaeakaea aria.

Filipi 4:8 Iomraidhean Croise

Mataio 22:16

Aea ere ereve satiriaraita karu, Heroda ve firu karu hea ita la Iesu tai itapi mō ōpe, Satiriaraita papuvita e, ela ore a okofa vita, aea Ualare sa haikaeaita mai la okofa ita la satiriara vovea, a karu sa aro leita mai ve eite la seseōvai sore, aeata a karu ve soso o ari sore.

Mareko 6:20

ipi Heroda are Ioane la tore leiape eavia, ipi are ore Ioane are haura aea safu vita lareva, aea are lea vei areve makuri la kiva leiape. Are areve ovoro la mapaiape soasoa voa are haiiri kapekapea, a—, arero haihahari ita mapaiape.

Luka 16:15

A—, Iesu erero mō ōpe, Karu ve soso voa mai haura o oita karu e reha; a—, eve haiiri kofa Ualare sa ore; ipi karu sa arori voa moravaita lea etau Ualare sa haiarara kofa lei vovea.

Luka 2:25

Soka karu farakeka aea Ierusalema voa peiape, areve rare Simeona; are mai haura aea Ualare ve o la kakeva lei haihahari lei, Israela la lei vovoro leiti soa la tai vovo meiape vita, Safu Arahoha Lareva ta are ita fareho peiape.

Luka 23:50

Soka Iuda karu ve karikara aea rare Arimatea, karu farakeka rare Iosefa lōvoa peiape; are karu lareva, areve leita mai haura; are Ualare ve basileia la taiape. Are kaunsila karu,

Ioane 7:18

Areve elore haiiri voa foreraita o la omoita lea karu, areve haria fari la lei rovaea leititore; a—, arero itapōpe vita ve fari la lei rovaea leiti haikaeaita lea karu are okofa vita aea are voa apeva eaeia kasirau.

Aposetolo 10:22

Lō mei ere mō ōpe, Maola kapena karu farakeka rare Koneliusi, mai haura leita, Ualare la taivotaita, Iuda toruipi karu foromai voa fari lareva ita meita lea vita la Ualare ve aneru sa o mei, karu aro tai itapi, a areve uvi voa kei are o a voa mapai vei.

Aposetolo 22:12

Soka karu farakeka rare Ananiasi, Ualare la taivotei aea safu o la haihahari ita kiva leita vita, lōvoa peiape; lea karikara ve Iuda karu foromai voa are fari lareva vita.

Aposetolo 6:3

Lea vei, paumarehari e, karu seven la e voa eli maravaia, fari lareva karu, Safu Arahoha haiore ita sa soa’ roroaita lea karu, aea ela mea tivi erero miarai roi.

Roma 13:13

Sare ovava voa leita mai kofa feare ereita roroava; e havohu maealolo mai, uaina la’ la’ maeakakare leita mai ita, herei, ua ita vita ita la ofae fofoisaita mai, o serea elore elore, karu ve etau la ovai vei haikakare leita mai voa levi roroava.

Roma 13:3

Ipi gavana karu ere karu lareva la lei tore leita karu kao, a—, mai kaiae leita karu vei. Soka ave haiiri a harofave karu la tore levi leiti vei ei? A mai lareva la leitia, aea are aro maeati roi;

Roma 14:18

Keriso la toari lōri leitita lea karu, Ualare la lei hailareva lei, karu ta arero haikaeai roroava roi.

Roma 2:29

A—, Iuda ve mai haiiri voa leitita, Iuda karu kofa reha, aea peritome kofa haiiri voa leitita etau reha, Arahoha sa leititore, ukōpe Safu O sa leiti sore. Lōfeare karu la maeatita o karu voa forerai sore, a—, Ualare voa.

1 Korinito 4:5

Soka soa kofa ve omopa voa etau everori levi seseōvaia tetete Papuvita sa kotita soa voa. Are murumuru ve hohore etau la lei ovava voa forerai roi, aea ereitave haiiri sa haikaeaita lea etau la pisiri voa muia vavavai roi. Lea mea Ualare sa karu elore elore vei marase ari roi.

2 Korinito 13:7

Ela Ualare la loki la leipea, e kaiae levi leiti vei; lea ve ipi elave elore haura la muiai vei kasirau, a—, ipi ero lei e mai haura leiti vei, ela usoso auke feare leitia varo.

2 Korinito 6:8

Ela marase o ita kisari o ita voa, aea havara apeva ita aea fari lareva ita voa la roroa; lohalai vuteaita karu o elaro arita, a—, eite ela okofa ō vovea.

2 Korinito 8:18

Ela ta elave marehari aea ekalesia foromai voa Ovoro Lareva la itoro a’, rare rovaea lōri ovaita lea marehari la are ita farehoria itapai roi.

2 Korinito 8:21

Elave haiiri farakeka mea tivi la haura ita leiti vei; Papuvita ve soso voa aeata karu ve soso voa ta reha.

Galatia 5:22

A—, Arahoha sa taita fare meha: haikakare, hailareva, tairu, morarita mai, maeaforoe, lareva, okofa mai,

Efeso 4:25

Lea vei apeva o la fari mutatapi, karu foromai elore elore maeapavora karu ita okofa la laua sukōvō vovo roroava, ipi ereita Keriso ve maea voa elore elore topiari siseita etau fefeare eavia.

Efeso 5:9

Ipi ovava ve fare mai lareva foromai, aea mai haura aea okofa ita voa tei asi ofae eavai vovea.

Efeso 6:14

Okofa la ovi kava feare eve sofa la suka, aea haura leita mai haiposa la sasaukaita auri feare aieri,

Filipi 3:1

Soka, arave paumarehari e, Papuvita voa hailareva lei pepeava. Ara e vei evera ukōpe lea o la ata ukai vei, araro lei haisora leitita etau kao, aeata ara eve makuri ta lōri toari lei pepei veia.

Kolose 4:5

Maria voa pepeita karu ve omopa voa haiovoro ita lei vovo roroava; leita soa lareva la ore lei ovai peava.

1 Tesalonika 4:12

Lōfeare vei maria voa roroaita karu sa ero maeati roi, aeata e merava levi leiti roi.

1 Timoteo 2:2

aeata king vei aeata harofave karu foromai vei. Lōfeare voa ereita Ualare la taivotei haisukafori ita lei, lareva ita tairu ita lei vovo roroai vei.

1 Timoteo 3:11

Uamori diakono ta lōfeare, ere haiiri sora uamori, ape meimei arita uamori kao, a—, haisukafori roroaita uamori, etau foromai voa mai kofa leita uamori.

1 Timoteo 3:4

Are areve uvi karu la kiva lareva leita karu, are areve atutemori ta lei ere arero mapi taivotai vei.

1 Timoteo 4:12

Karu farakeka aea aro heavita áre o a’, haiarara levi leitia. A—, o voa aeata leita mai voa aea haikakare voa, aea sukaerereaita haiiri voa aea ovava mai voa, meita mai kofa la a sa erero muia ere ta lōri leiti vei.

1 Timoteo 5:10

fari lareva ua ipi areve leita mai lareva eavia, areve atutemori la kiva lei savuaita ua, sariva karu ve opa la sasauka maeafukapaita ua, ekalesia karu ve mora la maukaita ua, haisora ita roroaita karu la toaraita ua, aea leita mai lareva voa haihahari leita ua; lōfefeare vei areve rare la ukaia.

1 Timoteo 5:2

omopa sora uamori ta louita fefeare, ua áre uamori ta uarosu fefeare, haiiri ovava kofa ita leitia.

Tito 1:8

A—, are karu la sasauka maeafukapaita karu, mai lareva la haikakare araita karu, haiiri metakao seseōvaita karu, areve leita mai haura, are Ualare la taivotaita karu, aeata haisukafori meita karu.

Tito 2:14

Are areve maea la ereita vei miarōpe, kaiae foromai voa ereitaro fari maravi, lei ovava lei, ereitaro lei areve elore karu kofa lei roroai vei, ereita haihahari ita mai lareva la leiti vei.

Tito 2:2

Opasora‐sora heavita la o mei ere haiovoro lei, haiiri sora aeata haisukafori leiti vei, ere sukaerereaita haiiri voa aea haikakare voa aea lula auke haiiri kere voa haiiri rofo ita roroai vei.

Tito 2:7

Ave elore leita mai voa lareva la muiaia, ere ta lōri leiti vei; ave satiriaraita o voa o kaiae auke ita, haiiri sora ita muiaia.

Tito 3:14

Ereitave karu la lei ere tivi lareva la malasa lei, haikaeaita etau maeamaea la lei lōri maravai roi, ere eite auke ita levi roroai vei.

Heberu 11:2

Ere sukaerereaiape lea vei lea evera karu Ualare voa fari lareva maravaiape.

Heberu 13:18

Ela vei Ualare la loki lei peava, ipi elave seseōvaita haiiri ovava aea ela leita mai foromai voa haura la haikaeai vovea; ela lea etau voa horahora kasirau.

Iakobo 1:27

Ualare Oa ve omopa voa ovava ita kaiae auke ita maso toa vovo meita mai meha: haieae ita roroaita oa auke atutemori aea ua lelesi lelesi ita la maeaforoe lei toarai vei, aea areve elore maea la mearovaeka ve kaiae voa, kaiae auke ita kiva lei vovo mei vei.

Iakobo 3:17

A—, arori voa fauka leitita haiovoro ve omopa peise ovava reha, aea aite tairu, aeata haimafu. Are karu sa moita loki o la utohoa mapi, maeaforoe leititore, aeata fare lareva lareva sa soa’ meitore. Are horahora leitita etau kasirau, aeata lohalai mai ta leiti sore.

1 Petero 1:22

E faitora okofa la kakeva lei, eve ove la lei ovava lei, aea harapaharapa auke ita elore elore haikakare leitita lea vei, liri ita toto ita a’ elore elore haikakare araia.

1 Petero 2:12

Toruipi hariaharia karu ve aru voa leita mai lareva ita roroava, ere e kaiae leita karu feare ero havara paraeaita, a—, ere eve leita mai lareva la ofae eovi, Ualare la maeati roi, are sa forera tava seseōvi miarai vei lea Sare voa.

1 Petero 4:8

Etau rovaea kofa meha: e elore elore haihahari ita haikakare araia, ipi haikakare sa iri kaiae rauapo la aieraitore.

2 Petero 3:1

Haikakare paumarehari e, ara e vei ukaita orakori karoro meha. Ereuka orakoria voa arave haiiri ero lei, e haiiri ovava ita e ore leita lea o la ata seseōvai vei.

1 Ioane 3:18

Arave haikakare atutemori e, ereita o sa laua sa haria haikakare araita, lōfeare levi leitia, a—, leita mai ita eite kofa ita haikakare araia.

1 Ioane 3:3

Lea haiiri ita haikaea taita karu foromai ereve elore haiiri la lei ovava lareva ita leititore, usoso Keriso ta ovava‐eka ita meita lōfeare.

1 Ioane 4:1

Arave haikakare paumarehari e, arahoha ita karu foromaiapo la levi sukaerereaia, a—, erero foromaiapo la seseōvi ore leitia, ere Ualare voa foreraita varo. Ipi lohalai peroveta karu rauapo mearovaeka voa foreri la roroa.