Filipi 4:7 - Testamenta Áre 1983 (Toaripi PNG)

⁷ Soka Ualare ve tairu, karu sa seseōvi ore auke leita lea tairu, eve haiiri aea eve haikaeaita la Keriso Iesu voa kiva lei meava roi.

Filipi 4:7 Iomraidhean Croise

Luka 1:79

Murumuru voa aeata opai ve tōvu ora voa pepeipeta lea karu la lei ovava haeai vei, ereitave mora la tairu ve otiharo voa lei terai vei.

Luka 2:14

Koakoa‐eiteapo oti voa Ualare la maeatia, aea maearovaeka voa tairu are sa ere vei hailareva leita lea karu voa leitia.

Ioane 14:27

Ara tairu la e ita fareho kiripai roi; arave tairu ara ero miarai roi. Ara miaraita lea tairu mearovaeka sa tairu la miaraita mai feare kao. Eve haiiri kapekapea haisora levi leitia, tore levi leitia.

Ioane 16:33

Ara mea etau etau ero la moipea ipi e tairu ara voa ovai vei. Mearovaeka voa e haisora ia, a—, hailareva leitia, ara mearovaeka la ovi aieri la mea.

Roma 1:7

Ualare sa haikakare leita aea safu karu leiti vei isōpe Roma karikara voa pepeipeta karu e, e foforoe lareva. Ualare, ereitave Oa aeata Papuvita Iesu Keriso voa foreraita maeaforoe ve meru aea tairu ita e ita lei pepeava.

Roma 14:17

Ipi Ualare ve Basileia ve eite etau ma ita la laloita lea kao, a—, areve eite meha, haura mai, tairu aeata hailareva Safu Arahoha voa.

Roma 15:13

Au tai vovo roroaita haiiri la miaraita lea Ualare, e sa sukaerereaita lea vei hailareva foromai tairu ita ero miōri miōri soaria, aea lea au taita haiiri la Safu Arahoha sa lei asi rovaea leitia.

Roma 5:1

Lōfeare vei ereita sukaerereaita haiiri sa lei, Ualare ita haura lei, aea ereita Ualare ita totoea tairu ovi la roroa meha, Papuvita Iesu Keriso voa.

Roma 8:6

Sarōva sa haikaeaita lea mai ve eite opai reha; a—, Arahoha sa haikaeaita lea mai ve eite makuri aea tairu ita reha.

2 Korinito 10:5

Ela karu ve o serea la lei safutea, aea Ualare ve haiore la elapaita mare lōva foromai la toa foforuka, aea karu ve seseōvaita haiiri la fasi Keriso voa lei kakeva leiti vei lariōva vovea.

2 Korinito 13:11

Soka, paumarehari e, arave sisa o meha; hailareva leitia; mai lareva voa kekese ita leitia; arave kureaita o la mapaia; haiiri farakeka lei peava; tairu ita roroava; aea haikakare ita tairu ita ve Ualare e ita farehoria pōvi pepe peava roi.

Galatia 5:22

A—, Arahoha sa taita fare meha: haikakare, hailareva, tairu, morarita mai, maeaforoe, lareva, okofa mai,

Efeso 3:19

aea areve haikakare la ore leiti vei, karu ve haiore la ovi aieraita lea haikakare, aea lōfeare Ualare ve so‐oita etau ero ta sisōvi soari veia.

Filipi 1:1

Paulo auka Timoteo ita, elaka Keriso Iesu ve sarufa karu oraka sa ukaita karoro meha; Filipi voa pepeita Ualare ve karu foromai vei, aea ekalesia la kiva leita harofave karu aeata diakono ita vei ta reha:

Filipi 1:2

Ualare ereitave Oa voa aeata Papuvita Iesu Keriso voa foreraita haiforoe aea tairu ita e voa lei pepeava.

Filipi 4:19

Arave Ualare sa eve haikaeaita etau foromai la toari, areve sosorusosoru ve pisoso etau Keriso Iesu voa ero lōfeare miarai roi.

Filipi 4:21

Maeaforoe o Keriso Iesu voa pepeita Ualare ve karu foromai la moia. Ara ita fareho pepeita paumarehari ta maeaforoe o ero la moipea.

Filipi 4:9

E ara voa satiriōri aea maravi aea mapi mapi aeata ofae eavaiape lea etau la leitia; lōfeare voa tairu ve Ualare e ita farehoria lei peava roi.

Kolose 3:15

Keriso ve tairu sa eve haiiri la lei haura leiti roi; ipi Ualare sa lea tairu voa ero isa e maea farakeka feare lei toepi pepei vei. Ualare la maeatia.

2 Tesalonika 3:16

Tairu ve Papuvita, are kofa sa tairu soa foromai voa aea otioti foromai voa ero miarai peava. Papuvita e foromai ita fareho lei peava.

Heberu 13:20

Tairu ve Ualare, areve peita otoare ve ovo sa ereitave Papuvita Iesu Keriso, mamoe kiva Vita rovaeka la opai voa lei moravōpe, lea Ualare sa

Iuda 1:1

Iuda, Iesu Keriso ve fasaita sarufa, Iakobo ve marehari, sa itapaita karoro meha; Oa Ualare sa haikakare lei, erero haikaea isa, aea Iesu Keriso sa kiva lei roroaita lea karu veia.

Apokalupo 1:4

Arao, Ioane ve karoro meha, Asia voa pepeita ekalesia seven veia. Meipeta, aea meiape, aea forerai vei leipeta lea Ualare, aea areve terona ve omopa voa pepeita lea arahoha seven ita,

Apokalupo 2:17

Karu mapaita ōvauta ita oria, Arahoha sa ekalesia firufiru la moita mea o la mapaia. Sapataita lea karu la ara milafuka eaeita mana hea la miarai roi, aeata ara fave koru maea‐sea arero ta miarai roi, lea fave voa rare áre ia, karu haria lea rare ore kasirau, a—, ovaita lea karu sa haria ore.