Filipi 4:6 - Testamenta Áre 1983 (Toaripi PNG)

⁶ Etau hariaharia vei haikavora levi leitia; a—, etau foromai vei veveu lei loki ita maeatita o ita eve haikaeaita haiiri Ualare la lei ore leitia.

Filipi 4:6 Iomraidhean Croise

Mataio 10:19

Ere ero fasi kōto leiti vei lariōvi teraita soasoa voa, e moi o vei haiiri heafo everori levi seseōvaia; ipi e sa moi o lea ora kofa voa ero miarai roi.

Mataio 13:22

Uiti mere ikoika ve aru voa tovuseaita lea karu ve mai meha, are ovoro la mapai, a—, maerovaeka ve haikavora etau hariaharia, aea pisoso etau ve maeahahauhahau ovoro la aieri mekeke lei, are fare lōfeare tai auke leititore.

Mataio 6:34

Soka e vevere ve etau vei haikavora levi leitia, ipi vevere areve elore etau vei haikavora leiti roi. Iso sare ve haisora rauapo iso sare voa haria ovaia.

Mataio 6:8

A—, ereve mai feare levi leitia, ipi eve Oa e sa haikaeaita lea etau ore, e arero loki omopa leiti auke leitita lea soa voa.

Luka 10:41

A—, Papuvita tava o arero mō ōpe, Mareta e, Mareta e, a etau rauapo vei haiiri heafo lei haisora loi;

Luka 12:22

Soka are areve satiriaraita karu la mō ōpe, Ipi lōfeare vei are ero o mō la moi, Eve makuri vei haikavora levi leitia ipi larietau lekōru la lari roi, aea eve maea vei, puta lekōru la mopai roi.

Luka 12:29

E larita etau aea ma ita vei levi elia, aea haikavora ta levi leitia.

Luka 18:1

Soka Iesu mea parabole o erero o moipe, ere Ualare la haisora auke ita loki taupai vei.

Luka 18:7

Soka Ualare sare ita faita ita arero fi ō vovo roroa, are sa haikaea maravaita lea karu la lei haura levi leiti roi ei? Are erero toarai vei lekaleka leiti roi ei?

1 Korinito 7:21

A fasaita sarufa leipe voa isōpe, a—, haisora levi leitia, a—, aro paraeaita soa la sukaeai oria, lōri leiti vei lareva kofa.

1 Korinito 7:32

Arave haiiri e haikavora ita levi popōvaia. Ua la laeai auke leita vita Papuvita ve etau vei haikavora lei vovea, ipi are Papuvita la lei hailareva leiti haikaeai vovea.

2 Korinito 1:11

e sa Ualare la loki lei elaro lōri toaraita lea meamea. Loki o rauapo voa ela maeaforoe sukaeaita lea vei, karu rauapo ela vei Ualare la maeati roi.

Efeso 5:20

Ereitave Papuvita Iesu Keriso ve rare la ovi etau foromai vei Ualare Oa la meavea maeati peava.

Efeso 6:18

Soa foromai voa Arahoha ita veveu lei loki taupi lei vovo roroava. Ovoako lei haiiri rofo ita Ualare ve karu vei loki poetapai auke ita lei vovo roroava.

Kolose 3:15

Keriso ve tairu sa eve haiiri la lei haura leiti roi; ipi Ualare sa lea tairu voa ero isa e maea farakeka feare lei toepi pepei vei. Ualare la maeatia.

Kolose 3:17

E sukavaita o aea e leitita etau foromai voa, e Papuvita Iesu ve rare ita leitia; aea are voa Ualare Oa la maeati peava.

Kolose 4:2

E Ualare la loki poetapai auke ita lei peava; aea haiiri ovoako lei, Ualare la maeatia.

1 Timoteo 2:1

Soka arave omopa kofa haikaea moi ve o meha: Ualare la loki o, aea lalasi o, veveu o ita lei arero maeatia ipi karu foromai vei;

1 Timoteo 5:5

A—, hariakao peita ua lelesi kofa, are Ualare la taita haiiri ita arero toaraita mai vei sare ita faita ita loki o ita veveu lei vovo mea vovea.

1 Petero 4:7

Soka etau foromai la soa sarapaita soa haekao forerai vei la leipea; lea vei haisukafori kaeaia, ovoako lei, Ualare la loki lei vovo roroava.

1 Petero 5:7

Eve haikavora foromai are voa miavai peava, ipi are ero haikaea vovo mea vovea.