Filipi 4:5 - Testamenta Áre 1983 (Toaripi PNG)

⁵ Eve haimafu karu foromai la muia ere ore leiti vei. Papuvita forerai vei la leipea.

Filipi 4:5 Iomraidhean Croise

Mataio 6:25

Lea vei ara ero o la moi, eve makuri vei haikavora levi leitia ipi larietau lekōru la lari roi, aea ma lekōru la lari roi, aea ipi eve maea vei puta lekōru la mopai roi. Ipi makuri ve eite are arori voa, larietau are ipi voa, aeata maea ve eite are arori voa, puta are ipi voa.

Mataio 6:34

Soka e vevere ve etau vei haikavora levi leitia, ipi vevere areve elore etau vei haikavora leiti roi. Iso sare ve haisora rauapo iso sare voa haria ovaia.

Luka 21:34

A—, e kiva kofa leitia, larietau rauapo aeata maeakakare leita ma la la’ la’, mea makuri ve haikavora leita etau ita sa eve haiiri la ovi aieri, lea sare ero tai hōvakao forerai ave.

1 Korinito 16:22

Karu aea Papuvita la haikakare auke leitita, a—, arero o maealolo a’ sukavuteai meava. Marana ta! Elave Papuvita e, kotia!

1 Korinito 6:7

E elore elore maea kōtō leitita lea vei, eve leita mai lōfeare lareva kakaeite. E kaiae ve tava la miarai auke ita roroaita leafeare ei? Eve etau la torea leitita voa tava ovai auke ita roroaita leafeare ei?

1 Korinito 8:13

Soka lea larietau sa arave marehari la lei safosafoa putoita, a—, ara lea sarōva la ata levi lari roi, ara arave marehari la lei kaiae leiti ave.

1 Korinito 9:25

Havohu ve maea avoha lei roroaita lea karu ere maea sa haikaeaita lea etau foromai kiva leititore, ere fefeopaita tolotolo kekeva tava la ovai vei; a—, ereita peita kekeva ovai vei leititore.

2 Korinito 10:1

Arao, Paulo, Keriso ve haimafu aea areve au morarita mai voa ero la kureaipea. E karu hea ve o ara ero soso tataea sukaeaita lea mea haiiri‐ipi lei meita, a—, ára‐ita peita lea mea ela ivara mai loita reha.

2 Tesalonika 2:2

A—, e karu hea ve o Papuvita ve sare koti roroka lea o vei eve haiiri voa lulalula utohoa levi aria aea hai levi isoia. Lea o karu sa peroveta o voa moita varo, itoro o voa arita varo, elave karoro feare voa muti moita varo.

Tito 3:2

Ere karu aea vei o maealolo levi ari vei, ere ape sosori ta levi ari vei; a—, haimafu lei, karu foromai voa haiiri‐ipi ita lei vovo roroai vei.

Heberu 10:25

Kokoruka vovo roroaita mai ereita levi kiripaia, usoso karu hea sa kiripaita lōfefeare; a—, elore elore rofo leiti vei kureaia, aea lōfeare haiiri foromai ita leitia, ipi e ofae la eavaipea lea Sare Rovaea haekao loi.

Heberu 10:37

Usoso Safu Buka ve o mōfeare, Ipi soa harua haria aite voa koti vei leita karu forerai roi; are si levi leiti roi.

1 Petero 1:11

Ere mōfeare ore leiti vei eliape, lea etau ve soa leasauka aeata areve forerai mai ta leafeare. Ereve iri voa peiape Keriso ve Arahoha sa soa leasauka erero muia, aeata Keriso hehea leiti mai aea aite voa forerai sosorusosoru vei o ta moiape.

1 Petero 4:7

Soka etau foromai la soa sarapaita soa haekao forerai vei la leipea; lea vei haisukafori kaeaia, ovoako lei, Ualare la loki lei vovo roroava.

Apokalupo 22:20

Mea etau la ore lei okofa moita lea Vita mō auai, Okofa, ara utohoa koti vei la leipea. Amene. Papuvita Iesu e, kotia!

Apokalupo 22:7

Mapaia, ara utohoa koti vei la leipea. Mea buka ve peroveta o la kakeva leitita lea karu lareva ia.